న్యూఢిల్లీ: ఉచిత, తక్కువ టారిఫ్ ల పేరుతో మార్కెట్ లోకి అడుగుపెట్టిన రిలయన్స్ జియో.. తాజాగా తన సబ్ స్క్రైబర్లకు షాకిచ్చింది.
- 1.65 కోట్ల మంది చందాదారులు వీడ్కోలు పలికారు
- BSNLకు విశేష స్పందన
- ఇతర టెల్కోల నుంచి లక్షల్లో వలసలు
న్యూఢిల్లీ: ఉచిత, తక్కువ టారిఫ్ ల పేరుతో మార్కెట్ లోకి అడుగుపెట్టిన రిలయన్స్ జియో.. తాజాగా తన సబ్ స్క్రైబర్లకు షాకిచ్చింది.
ఈ ఏడాది జూలైలో రిలయన్స్ జియో తన టారిఫ్‌లను భారీగా పెంచింది. అదే తరహాలో భారతీ ఎయిర్‌టెల్, వొడాఫోన్ ఐడియా తమ టారిఫ్‌లను 27 శాతం వరకు పెంచాయి. దీంతో వినియోగదారులపై ఆర్థిక భారం పడింది. తక్కువ ధరలకు ప్లాన్‌లను అందించే బిఎస్‌ఎన్‌ఎల్‌ను ఎంచుకుంటున్నారు. అధిక చార్జీల కారణంగా రిలయన్స్ జియో భారీగా నష్టపోవడం గమనార్హం.
[news_related_post]మరో టెలికాం సంస్థ వొడాఫోన్ ఐడియా తన చందాదారులను కోల్పోతోంది. అక్టోబరు నెలలో ఎయిర్‌టెల్ మాత్రమే మద్దతు పొందింది. మరోవైపు ప్రభుత్వ టెలికాం సంస్థ బీఎస్‌ఎన్‌లో వరుసగా నాలుగు నెలలుగా లక్షలాది మంది చేరుతున్నారు. ఈ ఏడాది అక్టోబర్‌లోనూ అదే పునరావృతమైంది. ప్రైవేట్ టెల్కోలు జియో మరియు వొడాఫోన్ ఐడియా చాలా మంది కస్టమర్లను కోల్పోయాయి.
ఎయిర్‌టెల్ మాత్రం కొత్త కస్టమర్లను చేర్చుకోవడంలో సఫలమైంది. TRAI గణాంకాల ప్రకారం, అక్టోబర్ నెలలో Airtel 19.29 లక్షల మంది కొత్త కస్టమర్లను సంపాదించుకుంది. గత నెలలో కంపెనీ 14.35 లక్షల మంది కస్టమర్లను కోల్పోయింది. సెప్టెంబర్ నెలలో జియో దాదాపు 79.7 లక్షల మంది వినియోగదారులను కోల్పోగా, అక్టోబర్‌లో మరో 37.60 లక్షల మంది నెట్‌వర్క్‌కు వీడ్కోలు పలికారు. వొడాఫోన్ ఐడియా నెట్‌వర్క్‌కు మరో 19.77 లక్షల మంది వినియోగదారులను కోల్పోయింది.
68 లక్షల మంది బీఎస్‌ఎన్‌ఎల్‌లో చేరారు.
BSNL అక్టోబర్ నెలలో మరో 5 లక్షల మంది కొత్త కస్టమర్లను సంపాదించుకుంది. అంతకుముందు సెప్టెంబర్ నెలలో ఇది 8.5 లక్షల మంది వినియోగదారులను చేర్చుకుంది. ఆగస్టులో 25.3 లక్షల మంది, అంతకుముందు జూలై నెలలో 29.3 లక్షల మంది ఉన్నారు. BSNL నాలుగు నెలల్లో 68 లక్షల మంది వినియోగదారులను సంపాదించుకుంది. టెలికాం దిగ్గజం రిలయన్స్ జియో అక్టోబర్‌తో ముగిసిన నాలుగు నెలల్లో మొత్తం 1.65 కోట్ల మంది వినియోగదారులను కోల్పోయింది. దీంతో మార్కెట్ వాటా 39.9 శాతంగా ఉంది. ఎయిర్‌టెల్‌కు 33.50 శాతం, వొడాఫోన్ ఐడియాకు 18.30 శాతం,BSNLకు 8.50 శాతం ఉన్నాయి.
4G తో మరింత ఊపు..!
ప్రైవేట్ టెల్కోలు పెంచిన టారిఫ్‌లను భరించలేక వినియోగదారులు BSNL వైపు మొగ్గు చూపుతున్నారని నిపుణులు విశ్లేషిస్తున్నారు.. 4జీ సేవలు విస్తృతంగా అందుబాటులోకి వస్తే ఈ ప్రభుత్వ రంగ సంస్థకు కస్టమర్ల సంఖ్య మరింత పెరిగే అవకాశం ఉందని.. అంచనా వేస్తున్నారు. ప్రైవేట్ టెల్కోల నుండి భారీ వలసలు.
