వివో, మోటరోలా, శాంసంగ్ వంటి కంపెనీలు భారత మార్కెట్లో ఫోల్డబుల్ ఫోన్‌లను విడుదల చేసి విక్రయిస్తున్నాయి. ‘ఆపిల్’ కూడా ఈ విభాగంలో చేరబోతున్నట్లు తెలుస్తోంది. ఈ ఫోన్ మార్కెట్లో ఎప్పుడు లాంచ్ అవుతుంది? దాని ధర వివరాలను ఈ కథనంలో తెలుసుకుందాం.
ఆపిల్ ఇంకా ఫోల్డబుల్ ఫోన్‌లను విడుదల చేయలేదు. ఈ రకమైన స్మార్ట్‌ఫోన్‌ను మొదటిసారిగా లాంచ్ చేయడానికి సన్నాహాలు చేస్తోంది. కంపెనీ దీనిని 2026లో లాంచ్ చేయనున్నట్లు తెలుస్తోంది. ధర కూడా $2000 (రూ. 1.73 లక్షలు)గా నివేదించబడింది.
ఫోల్డబుల్ ఐఫోన్ లాంచ్ గురించి ఆపిల్ అధికారిక సమాచారాన్ని వెల్లడించలేదు. ఫోల్డబుల్ స్మార్ట్‌ఫోన్ లాంచ్ నిజమైతే.. ఇది మార్కెట్లో అత్యంత ఖరీదైనదిగా మారుతుంది. ప్రతి సంవత్సరం కొత్త ఉత్పత్తులను విడుదల చేసే ఆపిల్.. ఫోల్డబుల్ ఫోన్‌ను విడుదల చేస్తుందని అనుకోవడం అతిశయోక్తి కాదు.
Related News
ఫోల్డబుల్ స్మార్ట్‌ఫోన్ పరిశ్రమ అభివృద్ధి చెందుతున్నప్పటికీ.. ఆపిల్ మౌనంగా ఉంది. ఇంతలో, త్వరలో ఫోల్డబుల్ ఫోన్‌ను విడుదల చేయనున్నట్లు నివేదికలు వస్తున్నాయి. ఇది స్టెయిన్‌లెస్ స్టీల్‌తో తయారు చేయబడిందని చెబుతున్నారు. అయితే, ఫేస్ ఐడి ఫీచర్ మిస్ అయ్యే అవకాశం ఉంది. టచ్ ఐడి ఫీచర్ సైడ్ బటన్ ద్వారా అందుబాటులో ఉంటుందని చెబుతున్నారు.
