ఏపీ హోం మంత్రి పీఏ జగదీష్‌పై వేటు

మంత్రి అయ్యాక తాను చెప్పినట్లు నడుచుకునేవారు. ఎన్ని విమర్శలు వచ్చినా అనిత ఆయన్ను పీఏగా తొలగించలేదు. దీంతో ఆమె అండతో ఈ అరాచకాలు, అక్రమ వసూళ్లను కొనసాగిస్తున్నట్లు విస్తృత ప్రచారం జరిగింది. దీనిపై ప్రభుత్వానికి ఫిర్యాదులు అందాయి. ఈ నేపథ్యంలో అనిత ఎట్టకేలకు జగదీష్ ను పీఏగా తప్పించింది. ఈ విషయాన్ని ఆమె ఇటీవల పాయకరావుపేట నియోజకవర్గ టీడీపీ కార్యకర్తల సమావేశంలో బహిరంగంగా వెల్లడించారు. దీంతో నియోజకవర్గంలోని జగదీష్ క్యాడర్, బాధితులు సంబరాలు చేసుకున్నారు.

‘మీకు ఏది కావాలంటే అది చేసుకోండి’ అని బెదిరించడం

[news_related_post]

జగదీష్ నిర్లక్ష్యం, అరాచకాలను సహించలేని ఎస్.రాయవరం మండలానికి చెందిన కొందరు టీడీపీ నేతలు ఆయన అక్రమాలపై అంతర్గత సమావేశం నిర్వహించారు. ఆయన తీరును హోంమంత్రి దృష్టికి తీసుకెళ్లాలన్నారు. ఈ విషయం తెలుసుకున్న జగదీశ్ సమావేశంలో పాల్గొన్న నేతలను పిలిపించి ‘మీరేం చేయాలనుకుంటే అది చేసుకోండి’ అంటూ బెదిరించారు. హోంమంత్రికి భయపడి ఆ సమయంలో ఎవరూ మాట్లాడలేకపోయారు.

పేకాట శిబిరాలు.. మద్యం షాపుల్లో వాటాలు!

ఎస్.రాయవరం మండలంలో రెండు చోట్ల దాదాపు నెల రోజుల పాటు, పాయకరావుపేట మండలం పాల్విన్‌పేటలో కొన్ని రోజులుగా పేకాట శిబిరాలు జరిగాయి. జగదీష్ అండతోనే వీటిని నడిపారనే ఆరోపణలు ఉన్నాయి. అప్పట్లో పత్రికల్లో కథనాలు రావడంతో ఈ పేకాట శిబిరాలను తాత్కాలికంగా నిలిపివేశారు.
మద్యం షాపుల్లో వాటాల కోసం ఎక్సైజ్ అధికారుల ద్వారా లైసెన్సుదారులపై తీవ్ర ఒత్తిడి తెచ్చినట్లు జగదీశ్ పై ఆరోపణలు ఉన్నాయి.
హోంమంత్రి తిరుమల దర్శన సిఫార్సు లేఖలను కూడా జగదీష్ తిరుపతిలోని ఓ ప్రైవేట్ హోటల్ కు విక్రయించినట్లు ఆరోపణలు ఉన్నాయి.