ఈరోజుల్లో వాట్సాప్ గురించి తెలియని వారు ఎవరూ లేరు. పిల్లల నుండి పెద్దల వరకు, స్మార్ట్‌ఫోన్ ఉన్న ప్రతి ఒక్కరూ వాట్సాప్‌ను ఉపయోగిస్తున్నారు. వాట్సాప్ కూడా ఎప్పటికప్పుడు తన వినియోగదారుల కోసం కొత్త ఫీచర్లను అందుబాటులోకి తెస్తోంది. ఇందులో భాగంగా, iOS వినియోగదారుల కోసం కొత్త ఫోన్ కాల్ డయలర్ ఫీచర్ విడుదల చేయబడింది. ఈ అప్‌డేట్ ద్వారా ఐఫోన్, ఐప్యాడ్ వినియోగదారులు మరింత సులభంగా కాల్స్ చేసుకోగలుగుతారు.
ఇప్పటి వరకు వాట్సాప్‌లో మన ఫోన్ కాంటాక్ట్ లిస్ట్‌లో లేని నంబర్‌లకు కాల్ చేయడం సాధ్యం కాదు. కానీ, ఈ కొత్త ఫీచర్‌తో ఇది సులభం అవుతుంది. వాట్సాప్ కొత్త అప్‌డేట్‌లో మూడు ముఖ్యమైన షార్ట్‌కట్‌లు ఉన్నాయి. కొత్త కాల్ చేయడం, కాల్ లింక్‌ను సృష్టించడం, ఫోన్ నంబర్‌ను మాన్యువల్‌గా నమోదు చేయడం (ఇది ఈ అప్‌డేట్‌కు ముఖ్యమైన ఫీచర్) జోడించబడ్డాయి. మూడవ ఎంపిక మీ ఫోన్ కాంటాక్ట్‌లలో సేవ్ చేయని నంబర్‌కు నేరుగా కాల్ చేయడానికి మిమ్మల్ని అనుమతిస్తుంది. ఇది వాట్సాప్ వినియోగదారులకు చాలా ఉపయోగకరంగా ఉంటుంది.
ఇప్పుడు iOS వినియోగదారులు కాల్స్ ట్యాబ్‌లోని ‘+’ గుర్తుపై నొక్కితే, ‘డయల్ నంబర్’ అనే ఎంపిక కనిపిస్తుంది. ఈ ఎంపిక ద్వారా మీరు నేరుగా ఫోన్ నంబర్‌ను నమోదు చేసి కాల్ చేయవచ్చు లేదా చాట్ ప్రారంభించవచ్చు. అయితే, ఇది ప్రస్తుతం కొంతమంది వినియోగదారులకు మాత్రమే అందుబాటులో ఉంది. ఈ ఫీచర్ త్వరలో అన్ని వినియోగదారులకు అందుబాటులోకి వస్తుందని WhatsApp మాతృ సంస్థ బీటా తెలిపింది. WhatsApp తీసుకువచ్చిన ఈ కొత్త ఫోన్ కాల్ డయలర్ ఫీచర్ ద్వారా వినియోగదారులు సరళమైన, వేగవంతమైన కాలింగ్ అనుభవాన్ని పొందవచ్చు.
Related News
