ఇప్పుడు పిల్లలు తియ్యగా ఏదైనా తినాలంటే వెంటనే బేకరీకి, స్వీట్ షాప్‌కి పరుగులు తీస్తారు. కానీ మన ఇంట్లో ఉన్న తక్కువ పదార్థాలతోనే ఒక అద్భుతమైన స్వీట్ రెసిపీ తయారు చేయవచ్చు. ఇది తినగానే నోట్లో కరిగిపోయేంత రుచిగా ఉంటుంది. ఈ రెసిపీ పేరు “రత్నపురి హల్వా”. ఇది చూడగానే ఆకలి వేస్తుంది. తినగానే ఇంకొంత కావాలని అనిపిస్తుంది. బయట జంక్ ఫుడ్స్‌కి మంచి అల్టర్నేటివ్‌గా ఇది చిన్నాపెద్దలందరికీ చాలా ఇష్టంగా ఉంటుంది.
రత్నపురి హల్వా అనగానే కాస్త అరుదైన పేరే అనిపించొచ్చు. కానీ ఇందులో ప్రధాన పదార్థంగా ఉండే ‘చిలగడ దుంప’ మనకు సులభంగా దొరికే పదార్థం. దీనిని కొన్ని ప్రాంతాల్లో రత్నపురి గడ్డ, మొరం గడ్డ, స్వీట్ పొటాటో అని కూడా అంటారు. ఇది ఆరోగ్యానికి మంచిది, పిల్లలకు ఎనర్జీ అందించే స్వీట్‌గా పనిచేస్తుంది. ఇందులో బెల్లం, నెయ్యి, డ్రైఫ్రూట్స్ ఉపయోగించడం వల్ల హల్వా రుచికరంగా, హెల్దీగా మారుతుంది. ముఖ్యంగా ఇది మన ఇంట్లో ఉన్న చిన్న పదార్థాలతో 30 నిమిషాల్లో రెడీ అవుతుంది.
మొదటగా, చిలగడదుంపలను శుభ్రంగా కడగాలి. వీటిని మట్టి లేకుండా నీటితో బాగా రాసి ఉడికించాలి. అందుకోసం ఇడ్లీ కుక్కర్ లేదా పాన్‌లో రెండు కప్పుల నీళ్ళు పోసి, చిలగడ దుంపలను ముక్కలుగా కోయకుండా పూర్తిగా ఉంచాలి. మగిన తర్వాత ఆవిరిపై పావుగంట పాటు ఉడికించాలి. తర్వాత ఫోర్క్‌తో చెక్ చేసి అవి బాగా మగ్గాయో లేదో చూసుకోవాలి. అవి సన్నగా మెత్తబడ్డాక వాటి తొక్క తొలగించి మెత్తగా మెష్ చేసుకోవాలి.
ఇప్పుడు వేరే పాన్ తీసుకొని అందులో ఒక స్పూన్ నెయ్యి వేడి చేయాలి. నెయ్యి కరిగాక అందులో జీడిపప్పు, బాదం పలుకులు, కిస్‌మిస్ వేసి బంగారు రంగులోకి వచ్చేదాకా వేయించాలి. తర్వాత వాటిని ఒక ప్లేట్‌లోకి తీసి పక్కన పెట్టాలి. అదే పాన్‌లో ఇంకొక స్పూన్ నెయ్యి వేసి బొంబాయి రవ్వను సన్నని సెగ మీద వేయించాలి. మంచి వాసన వచ్చేంత వరకు రవ్వను ఫ్రై చేయాలి. ఇది హల్వా టెక్స్చర్‌ను ఇంకా మెరుగుపరుస్తుంది.
ఇప్పుడు ఆ వేయించిన రవ్వలో మాష్ చేసి పెట్టుకున్న చిలగడ దుంప పేస్ట్‌ను వేసి కలుపుతూ వేయించాలి. ఈ దశలో నెయ్యి కొద్దికొద్దిగా వేస్తూ కలుపుతూ ఉండాలి. మిశ్రమం బాగా కలిసిపోయి పాన్‌కి అంటకుండా సెపరేట్ అవ్వడం ప్రారంభిస్తే, బెల్లం తురుము వేసి, దానికి తోడుగా కొద్దిగా యాలకుల పొడి కూడా కలపాలి. బెల్లం పూర్తిగా కరిగి మిశ్రమంలో బాగా కలిసేలా లో ఫ్లేమ్‌లో కుక్ చేయాలి.
ఇప్పుడు చివరగా ముందుగా వేయించి పెట్టుకున్న డ్రై ఫ్రూట్స్‌ను ఈ హల్వాలో కలపాలి. బెల్లం, నెయ్యి, డ్రైఫ్రూట్స్ కలయికతో ఈ హల్వా అద్భుతమైన వాసనతో, గొప్ప టేస్ట్‌తో తయారవుతుంది. స్టవ్ ఆఫ్ చేసి వేడి వేడి గానే చిన్న కప్పుల్లో లేదా ప్లేట్‌లో సర్వ్ చేస్తే పిల్లలే కాదు పెద్దలూ మళ్ళీ మళ్ళీ తినాలనుకుంటారు.
ఈ హల్వాలో మిగతా హల్వాల కంటే స్పెషల్ ఏమిటంటే – ఇది నోట్లో వేసుకోగానే కరిగిపోతుంది. పైగా దీనిలో బెల్లం ఉండడం వల్ల తీపి ఆరోగ్యంగా ఉంటుంది. చక్కెరలా హానికరం కాదు. నెయ్యి కూడా శరీరానికి మంచిదే. ఇంకో ముఖ్యమైన విషయం ఏమిటంటే – ఈ హల్వా పచ్చి తియ్యగా కాకుండా చక్కగా సాఫ్ట్ టెక్స్చర్‌తో ఉంటుంది. బయట బేకరీ హల్వాలో ఉండే అబద్ధపు కలర్, ఫ్లేవర్‌లేమీ ఇందులో ఉండవు.
ఇంకా ఒక మంచి టిప్ చెప్పాలంటే, ఈ హల్వాలో రవ్వ కొద్దిగా ఎక్కువగా వేసే ప్లాన్ ఉంటే, మిశ్రమం ఉడకడానికి తగినంత నీరు కూడా వేయాలి. అలాగే తీపి ఎక్కువగా ఇష్టపడే వారు బెల్లాన్ని కొద్దిగా ఎక్కువగా వేసుకోవచ్చు. తక్కువ తీపి ఇష్టమైతే తగ్గించుకోవచ్చు. ఇలా చిన్నచిన్న మార్పులతో రుచిని కూడా మీ ఇష్టం ప్రకారం మార్చుకోవచ్చు.
ఇప్పుడు మీరు ఈ హల్వాను ఒకసారి చేసి చూడండి. రాత్రి డిన్నర్ తర్వాత లేదా ఉదయాన్నే బ్రేక్‌ఫాస్ట్‌గా ఇచ్చినా, పిల్లల ముఖాల్లో వచ్చే ఆనందం మీరు చూసి ముచ్చటపడతారు. ప్రతి స్పూన్‌లో మంచి టేస్ట్, మంచి ఆరోగ్యం ఉంటుంది. పిల్లలు పుట్టినరోజులు, వేకేషన్‌ స్పెషల్స్‌కు కూడా ఇది బెస్ట్ స్వీట్‌గా నిలుస్తుంది. బయట నుండి తియ్యని తినిపించకూడదని భావించే తల్లిదండ్రులకు ఇది ఒక వరంగా ఉంటుంది.
ఇలాంటి హెల్తీ స్వీట్ ఓప్షన్‌ను మీ ఇంట్లోనే తయారుచేసి పిల్లలకు ఇవ్వండి. రాత్రి వాళ్లు అడిగే ముందు మీరు ఇచ్చి సర్ప్రైజ్ చేయండి. తర్వాత వాళ్ల మాటలు వింటే మీకు గర్వంగా ఉంటుంది. మీరు కూడా ఒక స్పూన్ తీసుకొని టేస్ట్ చేస్తే, “ఇంకొంచెం కావాలంటూ” మళ్ళీ ఆ పాన్ దగ్గరకు వెళ్తారు. అంత బాగా ఉంటుంది ఈ రత్నపురి హల్వా.
ఇప్పుడు మీరు ఒకసారి ఈ రెసిపీని ట్రై చేయండి. రుచి చూసాకే మీరు నమ్ముతారు. ఒకసారి చేసిన తర్వాత నెలలో ఒకసారి తయారు చేయడం అలవాటు అయిపోతుంది. ఎందుకంటే పిల్లలు అడుగుతారు. ఈసారి కాకపోతే, మిస్ అవుతారు. అందుకే చెప్పడం – ఈ హల్వా రుచి చూడకపోతే ఫీల్ అవుతారు!
