మన దేశంలో ఆటోమేటిక్ కార్ల డిమాండ్ రోజురోజుకీ పెరుగుతోంది. అయితే మంచి ఆటోమేటిక్ కార్ అంటే ఖరీదు ఎక్కువ అవుతుంది అనే భయం చాలా మందిలో ఉంటుంది. AMT గేర్ బాక్స్ ఉన్న కార్లు తక్కువ ధరకు లభించినా, అవి డైవింగ్ అనుభవంలో చాలా రఫ్‌గా ఉంటాయి. అందుకే చాలా మంది నిజమైన ఆటోమేటిక్ గేర్‌బాక్స్ (CVT, DCT, టార్క్ కన్వర్టర్) ఉన్న కార్ల వైపు మళ్లుతున్నారు.
ఈ నేపథ్యంలో, మీ బడ్జెట్‌ను దాటి పోకుండా, సాఫీగా నడిచే బెస్ట్ ఆటోమేటిక్ కార్ల గురించి ఇప్పుడు తెలుసుకుందాం. వీటిలో CVT, DCT లేదా టార్క్ కన్వర్టర్ గేర్‌బాక్స్ ఉన్నాయి. మీరు కొత్తగా ఆటోమేటిక్ కార్ కొనాలని చూస్తున్నారా? అయితే ఈ లిస్ట్ మీ కోసమే!
హ్యుండాయ్ i20 మాగ్నా ఎగ్జిక్యూటివ్ – స్టైల్‌తో పాటు స్మార్ట్ డెసిషన్
హ్యుండాయ్ i20 ఎప్పటినుంచీ స్టైల్, ఫీచర్లలో టాప్‌లో ఉంటుంది. ఇప్పుడు దీని మాగ్నా ఎగ్జిక్యూటివ్ వేరియంట్ CVT ఆటోమేటిక్ గేర్‌బాక్స్‌తో వచ్చింది. దీని ధర రూ. 7.51 లక్షలు మాత్రమే (ఎక్స్ షోరూమ్). ఇది భారతదేశంలో అందుబాటులో ఉన్న అతిప్రముఖ ఆటోమేటిక్ పెట్రోల్ కార్‌గా నిలిచింది.
Related News
దీనిలో 1.2 లీటర్ పెట్రోల్ ఇంజిన్ ఉంది. ఇది 82 బీహెచ్‌పీ పవర్‌ను, 115 ఎన్ఎమ్ టార్క్‌ను ఇస్తుంది. మైలేజ్ విషయానికొస్తే 19.8 కి.మీ. పర్ లీటర్ వరకు ఇస్తుంది. ఇందులో 15 అంగుళాల వీల్స్, డిజిటల్ ఇన్స్ట్రుమెంట్ క్లస్టర్, 6 ఎయిర్‌బ్యాగ్స్ లాంటివి ఉన్నాయి. కానీ సన్‌రూఫ్ లాంటి కొన్ని ఫీచర్లు ఈ వేరియంట్‌లో లేవు.
హోండా అమేజ్ V CVT – నమ్మకమైన పెట్రోల్ కార్ కోసం బెస్ట్ ఆప్షన్
హోండా బ్రాండ్ అంటేనే నమ్మకం. అమేజ్ మోడల్ భారతీయ వినియోగదారుల మన్నన పొందింది. ఇప్పుడు V CVT వేరియంట్ రూ. 9.35 లక్షలకు లభిస్తోంది. ఇది 1.2 లీటర్ i-VTEC పెట్రోల్ ఇంజిన్‌తో వస్తుంది. ఇది 89 బీహెచ్‌పీ పవర్, 110 ఎన్ఎమ్ టార్క్ ఇస్తుంది.
CVT గేర్‌బాక్స్ ద్వారా మైలేజ్ 19.46 కి.మీ. వరకు ఇస్తుంది. ఇందులో 8 అంగుళాల టచ్‌స్క్రీన్, వైర్‌లెస్ ఆండ్రాయిడ్ ఆటో, యాపిల్ కార్‌ప్లే, 6 ఎయిర్‌బ్యాగ్స్, ESC, హిల్ స్టార్ట్ అసిస్ట్ ఉన్నాయి. మరింత సౌకర్యాల కోసం ఉన్న హయ్యర్ వేరియంట్లను కూడా పరిగణనలోకి తీసుకోవచ్చు.
నిస్సాన్ మ్యాగ్నైట్ అసెంటా టర్బో CVT – SUV లుక్స్‌తో ఆటోమేటిక్ ఫన్
SUV డిజైన్ ఇష్టపడే వారికి నిస్సాన్ మ్యాగ్నైట్ అసెంటా టర్బో CVT మంచి ఎంపిక. దీని ధర రూ. 9.99 లక్షలు. ఇది 1.0 లీటర్ టర్బో పెట్రోల్ ఇంజిన్‌తో వస్తుంది. ఇది 99 బీహెచ్‌పీ పవర్, 152 ఎన్ఎమ్ టార్క్ ఇస్తుంది. మైలేజ్ 17.9 కి.మీ. వరకు ఉంటుంది.
దీంట్లో ఆటో క్లైమేట్ కంట్రోల్, పుష్ బటన్ స్టార్ట్/స్టాప్, స్మార్ట్ కీ, డ్రైవర్ సీట్ హెయిట్ అడ్జస్ట్మెంట్ ఉన్నాయి. ఇంకా ఎక్కువ ఫీచర్ల కోసం టెక్నా వేరియంట్ తీసుకోవచ్చు.
రెనాల్ట్ కైగర్ RXT ఆప్టిమల్ టర్బో CVT – స్టైలిష్ SUV అనుభవం
నిస్సాన్ మ్యాగ్నైట్‌కు కజిన్‌లా ఉండే ఈ కారు స్టైలింగ్‌లో చక్కగా ఉంటుంది. కైగర్ RXT ఆప్టిమల్ టర్బో CVT డ్యూయల్‌టోన్ వేరియంట్ ధర రూ. 10.23 లక్షలు. ఇందులోనూ 1.0 లీటర్ టర్బో పెట్రోల్ ఇంజిన్ ఉంటుంది. ఇది 98.63 బీహెచ్‌పీ పవర్, 152 ఎన్ఎమ్ టార్క్ ఇస్తుంది.
మైలేజ్ 17.9 కి.మీ.గా ఉంటుంది. ఇందులో 8 అంగుళాల ఇన్ఫోటైన్‌మెంట్ స్క్రీన్, యాపిల్ కార్‌ప్లే, ఆండ్రాయిడ్ ఆటో, బ్యాక్క్యామ్, డ్రైవర్ సీట్ హెయిట్ అడ్జస్ట్మెంట్ వంటి ఫీచర్లు ఉంటాయి.
టాటా ఆల్ట్రోజ్ క్రియేటివ్ S – క్లాస్‌తో పాటు కంఫర్ట్
టాటా ఆల్ట్రోజ్ facelift మోడల్ ఇప్పుడు కొత్తగా డీసీటీ ఆటోమేటిక్ గేర్‌బాక్స్‌తో వచ్చింది. క్రియేటివ్ S వేరియంట్ ధర రూ. 10.30 లక్షలు. దీంట్లో 1.2 లీటర్ రెవోట్రాన్ పెట్రోల్ ఇంజిన్ ఉంటుంది. ఇది 86.8 బీహెచ్‌పీ పవర్, 115 ఎన్ఎమ్ టార్క్ ఇస్తుంది. మైలేజ్ 19.33 కి.మీ. ఉంటుంది.
దీంట్లో ఉన్న ఫీచర్లు చూస్తే 10.25 అంగుళాల టచ్‌స్క్రీన్, 360 డిగ్రీ కెమెరా, రియర్ ఏసీ వెంట్స్, అంబియంట్ లైటింగ్, టైప్ C ఛార్జర్ లాంటివి ఉన్నాయి. ఈ కార్ లుక్, కంఫర్ట్, టెక్నాలజీ మిళితంతో బెస్ట్ ఎంపిక అవుతుంది.
ఇప్పుడు మీరు కూడా ఆటోమేటిక్ కార్ కొనాలనుకుంటే, ఖరీదు ఎక్కువగా ఉండకూడదంటే ఈ కార్లు తప్పకుండా పరిశీలించండి. వీటిలో ప్రతి ఒక్కటి కూడా నమ్మకమైన బ్రాండ్‌కి చెందింది. CVT, DCT, టార్క్ కన్వర్టర్ వంటి సాఫ్ట్ ట్రాన్స్మిషన్ టెక్నాలజీతో మిమ్మల్ని ఫ్యూచరిస్టిక్ డ్రైవింగ్ ఎక్స్‌పీరియన్స్‌లోకి తీసుకెళ్తాయి. మీరు ఇంకా వెయిట్ చేస్తే, ఫ్యూచర్‌లో ధరలు పెరిగిపోవచ్చు. సో వెంటనే డిసిషన్ తీసుకోండి…
