ఇప్పటి తరానికి ఫ్యాటీ లివర్ అనే సమస్య చాలా సాధారణంగా మారిపోయింది. ఇది ఒక లైఫ్‌స్టైల్ డిసీజ్. ఎక్కువగా మధుమేహం ఉన్నవారు, అధిక బరువు ఉన్నవారు, ఆల్కహాల్ ఎక్కువగా తాగే వారు దీనికి గురవుతారు. కానీ ఇప్పుడు అలాంటివి లేకపోయినా యువతలో కూడా ఈ వ్యాధి కనిపిస్తోంది. కారణం ఒకటే – మారిపోయిన జీవనశైలి, నాసిరకం ఆహారం, శారీరక శ్రమ లేకపోవడం.
ఫ్యాటీ లివర్ అంటే కాలేయంలో కొవ్వు పేరుకుపోవడం. ఇది మొదటి దశలో ఉంటే పెద్ద సమస్య లేదు. కానీ నిర్లక్ష్యం చేస్తే కాలేయం పనితీరు మందగిస్తుంది. తర్వాత స్టేజ్‌కు వెళ్లాక మాత్రం ఆరోగ్య సమస్యలు తీవ్రంగా మారిపోతాయి. అందుకే ముందే గుర్తించి ఇంట్లోనే సులభంగా చికిత్స మొదలు పెట్టాలి. ఆశ్చర్యం కలిగించే విషయం ఏమిటంటే… మీ వంటగదిలో ఉన్న కొన్ని సరళమైన పదార్థాలతో ఫ్యాటీ లివర్ సమస్యను నియంత్రించవచ్చు. అవేంటో ఇప్పుడు తెలుసుకుందాం.
ఈ వ్యాధిని ప్రారంభ దశలో గుర్తించడం చాలా ముఖ్యమైన విషయం. మొదటే కొన్ని లక్షణాలు కనిపిస్తాయి. ఉదాహరణకి – ఎప్పుడూ అలసటగా ఉండటం, ఆకలి లేకపోవడం, కుడివైపు పొత్తికడుపు ప్రాంతంలో అసౌకర్యం లేదా నొప్పి ఉండటం. ఇంకా బరువు తగ్గడం, వికారం, చర్మానికి దురద, కళ్లు పసుపు రంగులోకి మారడం, మూత్రం ముదురు రంగులో ఉండటం, మలం రంగు మారటం వంటి లక్షణాలు స్పష్టంగా కనిపిస్తాయి. ఇవన్నీ మీరు గమనిస్తే వెంటనే డాక్టర్‌ను సంప్రదించాలి. కానీ ఇప్పుడే మొదటి దశలో ఉన్నారు అంటే.. మందులు అవసరం లేకుండానే ఇంట్లోనే చికిత్స చేయొచ్చు.
ఎయిమ్స్ ఆసుపత్రికి చెందిన డాక్టర్ అనన్య గుప్తా చెబుతున్నట్టు.. ఫ్యాటీ లివర్‌ను ఆరంభంలోనే నియంత్రించవచ్చు. జీవనశైలిని మార్చడం, ఆరోగ్యకరమైన అలవాట్లు ఏర్పరచుకోవడం, తినే తిండిపై నియంత్రణ చాలా అవసరం. ఆల్కహాల్, పెరుగు మాంసాలు, ఫాస్ట్ ఫుడ్ లాంటి ఆహారాలను పూర్తిగా మానేయాలి. బదులుగా ఆరోగ్యకరమైన ఆహారం తీసుకోవాలి. ఈ సమయంలో ముఖ్యంగా కొన్ని పదార్థాలు మనకు సహాయపడతాయి.
పసుపు అంటే మనకు తెలిసిన సాధారణ మసాలా పదార్థం. కానీ దీని శక్తి మామూలుగా ఉండదు. ఇది కాలేయంలో పేరుకుపోయిన కొవ్వును కరిగించడంలో సహాయపడుతుంది. పసుపు వాపును తగ్గిస్తుంది, కాలేయాన్ని శుభ్రం చేస్తుంది. గ్లాసు వెన్న లేకుండా తీసిన పాలలో ఒక టీస్పూన్ పసుపు వేసి మరిగించి తాగితే.. అది “టర్మరిక్ మిల్క్”గా మారుతుంది. ఇది ప్రతి రోజు రాత్రి తాగితే శరీరానికి ఎంతో మేలు జరుగుతుంది. లేకపోతే ఉదయం ఖాళీ కడుపుతో గోరువెచ్చని నీటిలో పసుపు కలిపి తాగితే కూడా మంచి ఫలితాలు వస్తాయి.
ఇంకా మిల్క్ తిస్టిల్ అనే ఓ జడ్డిని కూడా చైనా, ఇండియా వంటి దేశాల్లో ఔషధంగా ఉపయోగిస్తున్నారు. ఇందులో ఉండే “సిలిమరిన్” అనే పదార్థం కాలేయ కణాలను రక్షిస్తుంది. ఇది కొవ్వును కరిగించడంలో సహాయపడుతుంది. అయితే ఇది నేరుగా ఇంట్లో దొరకదు. కానీ కొన్ని ఆయుర్వేద మందుల రూపంలో లభించవచ్చు. ఇది డాక్టర్ సలహాతో తీసుకోవాలి.
అదే విధంగా గ్రీన్ టీ కూడా ఎంతో మంచిది. దీనిలో ఉండే యాంటీఆక్సిడెంట్లు కాలేయంలో పేరుకుపోయిన కొవ్వును తగ్గిస్తాయి. రోజుకు రెండు కప్పుల గ్రీన్ టీ తాగడం ద్వారా ఫ్యాటీ లివర్ నియంత్రణలో ఉంటుంది. ఇది శరీరంలోని టాక్సిన్లను తొలగించడంలో సహాయపడుతుంది. మెటబాలిజాన్ని మెరుగుపరుస్తుంది. దీంతో శరీర బరువు తగ్గడం సులభం అవుతుంది.
పసుపు, గ్రీన్ టీ, మిల్క్ తిస్టిల్ వంటి సహజ పదార్థాలతో పాటు శారీరక వ్యాయామం కూడా అవసరం. ప్రతి రోజు కనీసం 30 నిమిషాల పాటు నడవడం లేదా వ్యాయామం చేయడం మంచిది. సమయానికి భోజనం చేయడం, ఒత్తిడిని తగ్గించుకోవడం వంటి విషయాలు కూడా ఫ్యాటీ లివర్‌ను తగ్గించడంలో సహాయపడతాయి.
ఇంకొన్ని ముఖ్యమైన మార్పులు కూడా అవసరం. రాత్రిపూట ఎక్కువగా తినకుండా, తేలికగా జీర్ణమయ్యే ఆహారమే తీసుకోవాలి. రోజుకు ఏడుగంటల తగిన నిద్ర కావాలి. నీళ్లు బాగా తాగాలి. కొవ్వు, చక్కెర అధికంగా ఉండే పదార్థాలను పూర్తిగా మానేయాలి.
ఈ టిప్స్‌ను అనుసరించిన వారిలో చాలామందికి మంచి ఫలితాలు వచ్చాయని వైద్యులు చెబుతున్నారు. ముఖ్యంగా ఫ్యాటీ లివర్ ప్రారంభ దశలో ఉన్నవారు అయితే మందులు తీసుకోకుండానే ఆరోగ్యంగా మారవచ్చు. కేవలం జీవనశైలి మార్పులతో, ఇంట్లో ఉన్న సహజ పదార్థాలతో ఈ సమస్యను దూరం చేయవచ్చు. కానీ ఆలస్యమైతే మాత్రం పరిస్థితి తీవ్రమవుతుంది. అందుకే ఆలస్యం కాకుండా ఆరోగ్యాన్ని బాగు చేసుకోవాలి.
క్లినిక్‌కు వెళ్లాల్సిన అవసరం లేకుండా, వంటగదిలో దొరికే పదార్థాలతోనే లివర్ ఆరోగ్యంగా ఉండేలా చూసుకోవచ్చు. నేటి తరం యువతలో ఈ సమస్య వేగంగా పెరుగుతున్న నేపథ్యంలో.. ప్రతి ఒక్కరూ ఈ సూచనలను పాటించాలి. ఆరోగ్యమే మహాభాగ్యం అనేది వాస్తవమే!
కాబట్టి ఇకనైనా ఆలస్యం చేయకుండా ఈ ఇంటి చిట్కాలను పాటించండి. మందులు కాకుండా ప్రకృతి పరంగా లివర్‌ను కాపాడుకోండి. మీ ఆరోగ్యానికి మీరు బాధ్యత వహించాలి. శరీరానికి సరైన పౌష్టికాహారం, వ్యాయామం, విశ్రాంతి – ఇవే అసలైన మందులు. మీ వంటగదిలోనే దాగి ఉన్న ఆరోగ్య రహస్యాన్ని ఇప్పుడు వినియోగించుకోండి!
