ఇప్పుడు మార్కెట్‌లో మహీంద్రా కంపెనీ ఇచ్చే ఆఫర్ గురించి వింటే ఎవరైనా షాక్ అవ్వాల్సిందే. ఎందుకంటే… హాట్‌ సెల్లింగ్‌ SUV ‘స్కార్పియో N’పై ఇప్పటివరకు ఎప్పుడూ లేని విధంగా భారీ తగ్గింపు అందుతోంది. స్టైల్, పవర్, సేఫ్టీ అన్నీ కలసి ఉండే ఈ SUVను ఇప్పుడు బడ్జెట్‌లో సెట్‌ అయ్యే ధరకే కొనే ఛాన్స్‌ వచ్చింది. ఎప్పుడో వెయిట్‌ చేస్తున్న వాళ్లకు ఇది గోల్డెన్‌ ఛాన్స్‌ అని చెప్పాలి. ఈ ఆఫర్ మే నెల వరకు మాత్రమే అందుబాటులో ఉంటుంది. కాబట్టి ఆలస్యం చేస్తే మిస్‌ అవ్వాల్సిందే!
భారీ డిమాండ్‌లో ఉన్న స్కార్పియో N
మహీంద్రా నుంచి వచ్చిన ఈ స్కార్పియో N మోడల్‌ ఒకప్పుడు “కలల ప్రాజెక్ట్‌”గా మొదలై… ఇప్పుడు భారతీయుల హృదయాల్లో ప్రత్యేక స్థానం సంపాదించింది. దానికి కారణం దీని రఫ్‌ అండ్‌ టఫ్‌ లుక్స్‌, హైవే మైలేజ్‌, ఇండియన్‌ రోడ్లకి సరిపడే బాడీ స్ట్రక్చర్‌. ఈ SUV ప్రస్తుతం టాటా సఫారీ, MG హెక్టర్ ప్లస్ వంటి కార్లకి గట్టిగా పోటీ ఇస్తోంది. ఇంకా చెప్పాలంటే.. స్కార్పియో అంటేనే ఓ స్పెషల్‌ ఫీలింగ్‌. అందుకే, ఇది ఏ వరియంట్‌ అయినా మార్కెట్లోకి రాగానే స్పీడుగా అమ్ముడైపోతుంది.
ఇప్పుడు స్కార్పియో N కొంటే ఎంత తగ్గింపు?
ఈ మే నెలలో మహీంద్రా కంపెనీ స్కార్పియో N పై అన్‌బిలీవబుల్‌ డిస్కౌంట్‌ ప్రకటించింది. MY24 మోడల్స్‌పై రూ. 65,000 వరకు తగ్గింపు ఇస్తున్నట్టు అధికారికంగా ప్రకటించారు. అయితే ఈ డిస్కౌంట్‌ అన్నది నగరం, డీలర్‌, స్టాక్‌ లభ్యతను బట్టి మారవచ్చు. కాబట్టి మీరు మీ దగ్గర డీలర్‌ను వెంటనే సంప్రదించి కన్ఫర్మ్‌ చేసుకోవాలి. ఆలస్యమైతే ఆఫర్ మిస్‌ అవ్వచ్చు!
[news_related_post]తెలుగు రాష్ట్రాల్లో ధరలు ఎలా ఉన్నాయి?
తెలంగాణ, ఆంధ్రప్రదేశ్‌లో స్కార్పియో N ఎక్స్-షోరూమ్ ధర రూ. 13.99 లక్షల నుంచి మొదలవుతుంది. టాప్ వేరియంట్‌ ధర రూ. 25.15 లక్షలు (ఎక్స్-షోరూమ్). కానీ మొత్తం ఖర్చు చూడాలి అంటే ఆన్‌-రోడ్‌ ధరను చూడాలి. బేస్ మోడల్‌ కోసం రిజిస్ట్రేషన్‌ ఫీజు (RTO) రూ. 2,41,064, బీమా ఖర్చు రూ. 1,02,406, ఇతర ఛార్జీలను కలుపుకుని మొత్తం ధర రూ. 17.59 లక్షల నుంచి ప్రారంభమవుతుంది.
టాప్ ఎండ్‌ మోడల్‌ కోసం అయితే రూ. 31.03 లక్షల వరకు అవుతుంది. కానీ ఈ ధరపై రూ. 65,000 తగ్గితే పెద్ద మొత్తమే ఆదా అవుతుంది కాబట్టి, వాహనం కొనాలనుకుంటే ఇదే సరైన టైం.
ఇంజిన్‌, ట్రాన్స్‌మిషన్‌ పరంగా ఫుల్ ఆప్షన్స్‌
స్కార్పియో Nలో రెండు రకాల పవర్‌ట్రెయిన్స్‌ ఉన్నాయి. 2 లీటర్ టర్బో పెట్రోల్ ఇంజిన్‌ 203 PS పవర్, 380 Nm టార్క్‌ ఉత్పత్తి చేస్తుంది. అలాగే 2.2 లీటర్ డీజిల్ ఇంజిన్‌ రెండు ట్యూనింగ్‌లలో వస్తుంది. ఒకటి 132 PS/300 Nm, మరొకటి 175 PS/400 Nm వరకు జనరేట్‌ చేయగలదు. అంటే మీరు డ్రైవింగ్‌ స్టైల్‌కు తగినట్టుగా ఎంపిక చేసుకునే అవకాశం ఉంటుంది.
మరియు ఈ ఇంజిన్లకు మ్యాచ్ అయ్యేలా 6-స్పీడ్ మాన్యువల్‌ ట్రాన్స్‌మిషన్‌, అలాగే 6-స్పీడ్ ఆటోమేటిక్‌ ట్రాన్స్‌మిషన్‌ కూడా లభ్యమవుతున్నాయి. దీని వల్ల సిటీ డ్రైవ్‌ అయినా, లాంగ్ రైడ్ అయినా మీ ప్రయాణం కంఫర్ట్‌గా సాగుతుంది. డ్రైవింగ్‌ చేయడం బాగా ఇష్టం ఉన్నవాళ్లకి ఇది కచ్చితంగా నచ్చుతుంది.
అద్భుతమైన ఫీచర్లు – లగ్జరీ ఫీలింగ్‌
స్కార్పియో N లో 8 అంగుళాల టచ్‌స్క్రీన్‌ ఇన్ఫోటైన్‌మెంట్‌ సిస్టమ్ ఉంటుంది. ఫోన్ కనెక్టివిటీ, వాయిస్‌ కంట్రోల్, ఫుల్ ఫంక్షనాలిటీ అందుబాటులో ఉంటుంది. అలాగే, డ్యూయల్ జోన్‌ క్లైమేట్ కంట్రోల్, క్రూయిజ్ కంట్రోల్, వైర్లెస్‌ ఛార్జింగ్‌ లాంటి ఆధునిక ఫీచర్లు కూడా ఇందులో ఉన్నాయి.
డ్రైవర్‌ కోసం 6-వే పవర్ అడ్జస్టబుల్ సీటు, ప్యాసెంజర్‌ల కోసం ప్యాడెడ్ కంఫర్టబుల్‌ సీట్స్‌, సన్‌రూఫ్‌ కూడా ఉంది. డ్యాష్‌బోర్డ్‌ లుక్‌ స్టైలిష్‌గా ఉంటుంది. ఇంటీరియర్‌ మొత్తం ఒక లగ్జరీ కారు ఫీల్‌ ఇస్తుంది.
సేఫ్టీ పరంగా టాప్ క్లాస్‌ SUV
ఇప్పటి కారు కొనుగోలులో సేఫ్టీ ఓ కీలక అంశం. స్కార్పియో N లో దీనిపై ఎలాంటి రాజీ లేదు. ఇందులో మొత్తం 6 ఎయిర్‌బ్యాగులు ఉన్నాయి. అలాగే ముందు & వెనుక వ్యూ కెమెరాలు, హిల్ అసిస్టు కంట్రోల్, ఎలక్ట్రానిక్ స్టెబిలిటీ కంట్రోల్ (ESC), టైర్ ప్రెజర్ మానిటరింగ్ సిస్టమ్ (TPMS) వంటి ఫీచర్లు ఉన్నాయి. అంటే కుటుంబంతో ట్రావెల్ చేస్తున్నప్పుడు కూడా టెన్షన్‌ లేకుండా ఉంటారు.
పోటీ కార్లతో గట్టి తలపోరు
ఇండియన్‌ మార్కెట్‌లో టాటా సఫారీ, MG హెక్టర్ ప్లస్ లాంటి SUVలతో స్కార్పియో N పోటీ పడుతోంది. కానీ స్కార్పియో Nకి లాంగ్‌టర్మ్‌లో ఉండే రిఫైన్డ్ ఇంజిన్‌, మన్నిక, స్టైల్ అన్నీ కలిపి మరో లెవల్‌లో పెర్ఫార్మెన్స్‌ ఇస్తున్నాయి. కాబట్టి ఇది ఇంకా ఎక్కువ మంది హృదయాలు దోచుకుంటోంది.
ఫైనల్‌గా – కొనాలంటే ఇదే బెస్ట్ టైం
మీరు చాలా కాలంగా బడా SUV కొనాలని ప్లాన్‌ చేస్తుంటే.. స్కార్పియో N కంటే మంచి ఆప్షన్‌ ఇప్పుడు ఉండదు. బాహుబలి లుక్‌, పవర్, సేఫ్టీ, ఫీచర్లు అన్నీ కలిపి మీ డ్రీమ్‌ SUV ఇది కావచ్చు. పైగా రూ. 65,000 తగ్గింపు ఉన్నప్పుడు ఇప్పుడు కొనకపోతే మరోసారి ఇలాంటి ఆఫర్ రావడం కష్టం.
కాబట్టి వెంటనే మీ దగ్గర డీలర్‌ను సంప్రదించి టెస్ట్‌ డ్రైవ్‌ చేయండి. స్టాక్‌ ఉంటేనే డిస్కౌంట్‌ వర్తిస్తుంది కాబట్టి ఆలస్యం చేయకండి. మీ గ్యారేజ్‌లో స్కార్పియో Nను పార్క్‌ చేయాలంటే ఇదే ముహూర్తం!
