బలెనోకి లేని ఫీచర్లు – ఆల్ట్రోస్‌లో ఉన్నాయి

కొత్త ఆల్ట్రోస్‌లో ఉన్న హైటెక్ ఫీచర్లు బలెనోకి సరిగ్గా లేవు. అందుకే ఇప్పుడు premium hatchback segment‌లో టాటా ఆల్ట్రోస్‌కి చాలా ఎక్కువ క్రేజ్ వచ్చేసింది. అందులో మొదటగా చెప్పుకోవాల్సింది “ఫ్లష్-టైప్ డోర్ హాండిల్స్”. ఇవి కారుకు మరింత లగ్జరీ లుక్ ఇస్తాయి. కారు డిజైన్ చాలా స్మార్ట్‌గా కనిపిస్తుంది. అదే బలెనోలో ఇప్పటికీ పాత మోడల్ డోర్ హాండిల్స్ వాడుతున్నారు, అవి బయటకు గట్టిగా కనిపిస్తాయి.

వాయిస్ కంట్రోల్‌తో సన్‌రూఫ్ – లగ్జరీ ఫీల్

ఈ సారి టాటా మోటార్స్ మరో కొత్త హైలైట్ తీసుకొచ్చింది. అది వాయిస్ కంట్రోల్‌తో నడిచే సన్‌రూఫ్. అంటే మీరు నోటితో ఒక ఆర్డర్ ఇచ్చితే సన్‌రూఫ్ ఓపెన్ అవుతుంది! ఇది ట్రావెల్ చేస్తున్నప్పుడు చాలా కొత్త అనుభూతిని ఇస్తుంది. ఇక బలెనో విషయంలో అయితే సన్‌రూఫ్ అనే ఆప్షన్‌నే ఇవ్వలేదు. ఈ ఒక్క ఫీచర్‌తోనే ఆల్ట్రోస్ ప్రీమియం సెగ్మెంట్‌లో పక్కా అగ్రస్థానంలో నిలుస్తుంది.

Related News

ఫుల్ డిజిటల్ క్లస్టర్ – మోడ్రన్ లుక్

కారులో ఉన్న another major upgrade అంటే ఇది. 10.25 అంగుళాల ఫుల్ డిజిటల్ ఇన్‌స్ట్రుమెంట్ క్లస్టర్. ఇందులో స్పీడ్, మైలేజ్, నావిగేషన్ ఇలా అన్నీ ఒకే స్క్రీన్‌లో కనిపిస్తాయి. ఇది కారు ఇంటీరియర్‌కు classy లుక్ ఇస్తుంది. అదే బలెనోలో అయితే 9 అంగుళాల MID డిస్‌ప్లే ఉంది కానీ అది టోటల్ డిజిటల్ కాదు. అక్కడే ఆల్ట్రోస్ వెరైటీ చూపిస్తుంది.

10.25 అంగుళాల ఫ్లోటింగ్ ఇన్ఫోటైన్‌మెంట్ స్క్రీన్ – థియేటర్ ఫీల్

ఇక ఆల్ట్రోస్ డాష్‌బోర్డ్‌పై ఉన్న ఇన్ఫోటైన్‌మెంట్ స్క్రీన్ కూడా కొత్తగా కనిపిస్తుంది. ఇది 10.25 అంగుళాల ఫ్లోటింగ్ డిజైన్‌లో ఉంది. అంటే ఇది డాష్‌బోర్డ్‌కు అతుక్కుండి కాకుండా కొంచెం బయటకి వచ్చి ఉంటుంది. ఇది చూడటానికి stylish గా ఉంటుంది, అందులో ఫంక్షన్‌లు నావిగేట్ చేయడమూ చాలా ఈజీగా ఉంటుంది. బలెనోలో కూడా 9 అంగుళాల టచ్ స్క్రీన్ ఉంది కానీ ఈ ఫ్లోటింగ్ స్టైల్ లేదు.

డ్యూయల్ సిలిండర్ CNG టెక్నాలజీ – బూట్ స్పేస్ తగ్గదు

సాధారణంగా CNG కార్లలో బూట్ స్పేస్ చాలా తక్కువగా ఉంటుంది. కానీ టాటా ఆల్ట్రోస్ ఈ సారి డ్యూయల్ సిలిండర్ టెక్నాలజీ తీసుకొచ్చింది. అంటే రెండు చిన్న సిలిండర్లు బూట్ స్పేస్‌ను సెపరేట్ చేయకుండా అమర్చారు. దీనివల్ల మీరు లగేజ్ కూడా వేసుకోగలరు. అదే బలెనోలో సింగిల్ సిలిండర్ ఉండేలా ఫ్యాక్టరీ ఫిట్‌మెంట్ ఉంటుంది. ఇది చాలా బూట్ స్పేస్‌ను తినేస్తుంది.

కేవలం ఫీచర్లే కాదు – లుక్స్‌లోనూ వావ్ ఫ్యాక్టర్

కేవలం ఫీచర్లే కాదు… ఆల్ట్రోస్ ఫేస్‌లిఫ్ట్ లుక్స్ కూడా మార్చేశారు. కొత్త డిజైన్‌తో అల్లాయ్ వీల్స్ ఉన్నాయి. బంపర్లు కూడా న్యూ స్టైల్‌లో ఉన్నాయి. ఇక ఫ్రంట్‌లో ఉన్న ట్విన్-పాడ్ LED హెడ్‌లైట్స్‌తో ముందు వైపు డిజైన్ చాలా హైటెక్‌గా కనిపిస్తుంది. అంతే కాదు, స్టీరింగ్ వీల్ కూడా కొత్తగా డిజైన్ చేశారు. ఇందులో టాటా లోగో లైట్‌తో వెలుగుతుంది. ఇది రాత్రివేళల్లో చూడటానికి classy గా ఉంటుంది.

5 వేరియంట్లలో అందుబాటులోకి రాబోతుంది

2025 టాటా ఆల్ట్రోస్ ఫేస్‌లిఫ్ట్ మొత్తం 5 వేరియంట్లలో అందుబాటులోకి రాబోతుంది. ఈ వేరియంట్లు వినియోగదారుల అవసరాల ఆధారంగా ఫీచర్లలో తేడా చూపిస్తాయి. అయితే మొత్తం వేరియంట్లలోనూ కీలకమైన ఫీచర్లు చాలా వరకు అందిస్తుండటం విశేషం. అలాగే ఇంటీరియర్‌లో upholstery, కన్‌ఫర్ట్, స్టోరేజ్ స్పేస్ కూడా బాగా మెరుగుపరిచారు.

ఫేస్‌లిఫ్ట్‌తో టాటా ఆల్ట్రోస్ – గేమ్ చేంజర్

ఇప్పుడు చూడబోతే… టాటా ఆల్ట్రోస్ ఈ ఫేస్‌లిఫ్ట్‌తో ఒక గేమ్ చేంజర్‌గా మారింది. పాత మోడల్స్‌ను మార్చి కొత్త టెక్నాలజీ, లగ్జరీ ఫీచర్లు తీసుకురావడంతో ఇది కస్టమర్లకు చాలా ఆకర్షణీయంగా మారింది. ముఖ్యంగా ప్రీమియం హ్యాచ్‌బ్యాక్ సెగ్మెంట్‌లో బలెనోకు ఇది బిగ్ ఛాలెంజ్ అవుతుంది.

ఇప్పుడు బుకింగ్ లేకుండా వదిలేస్తే అంతే 

ఇప్పటికే టాటా షోరూమ్‌ల వద్ద 2025 ఆల్ట్రోస్ ఫేస్‌లిఫ్ట్‌పై మంచి స్పందన వస్తోంది. ముందుగా బుకింగ్ చేసుకోవాలంటే ఇదే సమయం. లేదంటే లేటయ్యే అవకాశముంది. స్మార్ట్ లుక్, అధునాతన ఫీచర్లు, ప్రీమియం ఫీల్ అన్నీ ఒకే కారు లో ఉంటే ఎలా వదిలేస్తారు?

ఇప్పుడు మీ డెస్క్‌పై ఉన్న బలెనో ప్రోచర్ పక్కకు పెట్టండి… టాటా ఆల్ట్రోస్ కొత్త ఫేస్‌లిఫ్ట్‌ని ఓసారి లైవ్‌గా చూసేయండి!
ఓ సారి చూస్తేనే మీరు మాయలో పడిపోతారు!