ఈ కళ్లజోడులు EssilorLuxottica సహకారంతో తయారు అయ్యాయి. అందులో ఓపెన్-ఇయర్ స్పీకర్లు, మైక్రోఫోన్లు మరియు 12 మెగాపిక్సెల్ అల్ట్రా-వైడ్ కెమెరా ఉన్నాయి. మీరు మాట్లాడవచ్చు, మ్యూజిక్ వినవచ్చు, ఫోటోలు తీసుకోవచ్చు, వీడియోలు షూట్ చేయవచ్చు. ఇవన్నీ చేయగలిగేలా మేటా AI టెక్నాలజీ ఇందులో ఉంటుంది. “Hey Meta” అని పిలిస్తే, ఈ గాజులు మీ మాటలకి స్పందిస్తాయి.

ఇప్పుడు మనం దాని ధరల గురించి మాట్లాడుదాం. ఇండియాలో ఈ స్మార్ట్ గాజులు మూడు వేరియంట్లలో లభిస్తున్నాయి. Skyler మరియు Wayfarer Shiny Black మోడల్స్ ధర రూ. 29,900. Wayfarer Matte Black ధర రూ. 32,100 కాగా, Skyler Chalk Grey మరియు Wayfarer Matte Black స్పెషల్ స్టైల్స్ ధర రూ. 35,700. మే 19 నుండి ఈ గాజులను Ray-Ban అధికార వెబ్‌సైట్ మరియు ప్రధాన చష్మా షాపుల్లో ప్రీ-ఆర్డర్ చేసుకోవచ్చు.

ఈ గ్లాసుల ప్రత్యేకత ఏమిటంటే, రెండు వైపులా రౌండ్ లైట్స్‌తో ఉన్న కెమెరా డిజైన్. వీడియో తీసేటప్పుడు LED లైట్లు ఆన్ అవుతాయి. 1080p రిజల్యూషన్‌తో 60 సెకన్ల వరకు వీడియో రికార్డ్ చెయ్యవచ్చు. 3024 x 4032 పిక్సెల్స్‌తో ఉన్న ఫోటోలు డైరెక్ట్‌గా Facebook, Instagram లలో షేర్ చెయ్యవచ్చు. Meta View అనే మొబైల్ యాప్ ద్వారా ఇతర సోషల్ మీడియా ప్లాట్‌ఫారమ్‌లలో కూడా షేర్ చేయవచ్చు.

ఇందులో మొత్తం ఐదు మైక్రోఫోన్లు ఉన్నాయంటేనే మీరు అర్థం చేసుకోవచ్చు – ఇది లైవ్ స్ట్రీమింగ్‌కు ఎంత స్పెషల్‌గా ఉందో. Facebook, Instagram లలో ఫస్ట్-పర్సన్ వ్యూలో లైవ్ చేయవచ్చు. ఇది ఒక చిన్న కేమరా, ఆడియో డివైస్, కమ్యూనికేషన్ గాడ్జెట్ అన్నీ కలిపినట్టే. ఇందులో 32GB ఇంటర్నల్ స్టోరేజ్ ఉంది. Qualcomm Snapdragon AR1 Gen1 ప్రాసెసర్‌తో పనిచేస్తుంది.

ఒక్కసారి ఛార్జ్ చేస్తే నాలుగు గంటల వరకు బ్యాటరీ ఉంటుంది. ఛార్జింగ్ కేసుతో కలిపితే మొత్తం 32 గంటల వరకు వాడవచ్చు. IPX4 రేటింగ్ ఉంది కాబట్టి నీటి చిట్టెలకు కూడా భయపడక్కర్లేదు.

ఇప్పుడు Meta AI ఫీచర్ గురించి మాట్లాడుదాం. ఈ గ్లాసుల్లో మేటా యొక్క AI అసిస్టెంట్ పనిచేస్తుంది. “Hey Meta” అనే వాయిస్ కమాండ్‌తో మీరు అన్ని ఫీచర్లను యాక్సెస్ చేయవచ్చు. ఉదాహరణకి, ఒక పాట వినిపిస్తుంటే “Hey Meta, what is this song?” అని అడిగితే అది ఏ పాటో, ఏ సింగర్ అన్నది చెబుతుంది. అలాగే “Hey Meta, start live translation” అంటే మీరు చెప్పే మాటలు రియల్ టైమ్‌లో స్పానిష్, ఇటాలియన్ లేదా ఫ్రెంచ్ భాషల్లోకి అనువదించబడతాయి. వినడానికి కూడా సౌండ్‌ క్వాలిటీ చాలా క్లియర్‌గా ఉంటుంది.

ఈ గ్లాసుల్లో చాట్ కూడా చేయవచ్చు. ఫోటో, వీడియో తీసి మెసేజ్‌లో పంపొచ్చు. ఇన్‌స్టాగ్రామ్‌లో “Hey Meta, send a message to Ramu” అంటే డైరెక్ట్ మెసేజ్ వెళ్తుంది. మీరు వీడియో కాల్స్ కూడా చేసుకోవచ్చు. వీటితో Spotify, Amazon Music, Apple Music వంటివాటితో పాటలు వినవచ్చు. “Hey Meta, play latest Telugu hits” అనేలా వాయిస్ సర్చ్‌తో పాటలు ప్లే అవుతాయి.

వీటిలో మరో అదిరిపోయే ఫీచర్ – Live AI. ఈ ఫీచర్ వలన మీరు ఏదైనా లైవ్ వీడియోలో ఉన్నప్పుడు చుట్టుపక్కల విషయాలు గూర్చి అడగవచ్చు. “Hey Meta” అనాల్సిన అవసరం లేకుండా కూడా కంటిన్యూగా మాటల ద్వారా సమాచారాన్ని తెలుసుకోవచ్చు. దీని వలన టూరిస్ట్‌లు, వీడియో క్రియేటర్లకు ఎంతో ఉపయోగపడుతుంది.

Ray-Ban Meta Glasses అనేవి కేవలం స్టైల్ కాదు, టెక్నాలజీని ప్రతిరోజు జీవితంలోకి తీసుకొచ్చే ఓ కొత్త అధ్యాయంగా నిలుస్తున్నాయి. ఈ గ్లాసులు చూస్తే మనకు ఫ్యూచర్‌ అప్పుడే వచ్చేసినట్టే అనిపిస్తుంది. మే 19 తర్వాత ఈ గాజులను దొరకబోయే అవకాశం ఉందంటేనే ఇప్పుడు నుంచే ఎగ్జైట్ అవ్వాల్సిందే. ముందు ఆర్డర్ చేసుకుంటే మీకే ముందు ఈ ఫ్యూచర్ టెక్నాలజీను టచ్ చేసే ఛాన్స్….