తెలంగాణ రాష్ట్రంలోని నిరుద్యోగ యువత కోసం తెరచిన బంగారు తలుపు ఇదే అని చెప్పొచ్చు. చాలా కాలంగా ఉపాధి కోసం ఎదురు చూస్తున్న యువతకు ఇప్పుడు మంచి ఆశ కలిగించే స్కీమ్ ప్రారంభమైంది. ఇది మరెవ్వరూ కాదు.. స్వయంగా రాష్ట్ర ప్రభుత్వం తీసుకొచ్చిన “రాజీవ్ యువ వికాసం” పథకం. ఈ పథకం ద్వారా స్వయం ఉపాధి అవకాశాలు కల్పించి, ప్రతి యువకుడిని ఆదుకోవడమే లక్ష్యంగా ఉంది.
స్కీమ్ అంటే సిబిల్ స్కోర్ అవసరమా?
ఈ స్కీమ్ ప్రారంభమైన తర్వాత కొన్ని వదంతులు సోషల్ మీడియాలో చక్కర్లు కొడుతున్నాయి. ముఖ్యంగా సిబిల్ స్కోర్‌కి ఆధారంగా మాత్రమే లబ్ధిదారులను ఎంపిక చేస్తారంటూ వార్తలు వెలువడుతున్నాయి. దీంతో గ్రామీణ ప్రాంతాల యువతలో ఆందోళన మొదలైంది. ఎందుకంటే చాలా మందికి సిబిల్ స్కోర్ అంటే ఏమిటోనూ, దాన్ని ఎలా తెలుసుకోవాలోనూ స్పష్టత ఉండదు. అలాంటి పరిస్థితిలో స్కీమ్‌ను అందరికీ అందుబాటులోకి తేవాలంటే ఇలా స్కోర్ ఆధారంగా చేయడం తగదని ప్రజలు అభిప్రాయపడుతున్నారు.
ఈ నేపథ్యంలో రాష్ట్ర డిప్యూటీ సీఎం భట్టి విక్రమార్క క్లారిటీ ఇచ్చారు. సిబిల్ స్కోర్‌తో ఈ స్కీమ్‌కు ఎలాంటి సంబంధం లేదని ఖచ్చితంగా చెప్పారు. అవగాహన లేని కొంతమంది సోషల్ మీడియా పేజీలు, మద్యవర్తులు తప్పు సమాచారాన్ని ప్రచారం చేస్తున్నారని తెలిపారు. సిబిల్ స్కోర్ ఉన్నా లేకపోయినా, అర్హత ఉన్న నిరుద్యోగ యువకులకు ఈ పథకం వర్తిస్తుందని ఆయన స్పష్టం చేశారు.
Related News
జూన్ 2 నాటికి మంజూరు లెటర్లు అందే అవకాశం
రాజీవ్ యువ వికాసం స్కీమ్ ప్రక్రియ ఇప్పటికే మండల స్థాయిలో ప్రారంభమైందని డిప్యూటీ సీఎం ప్రకటించారు. ప్రతి లబ్ధిదారుడికి జూన్ 2వ తేదీ కల్లా మంజూరు లెటర్లు అందజేస్తామని హామీ ఇచ్చారు. ఈ పథకం ద్వారా లక్షలాది మంది నిరుద్యోగ యువతకు ఉపాధి అవకాశాలు లభించబోతున్నాయి. స్వయం ఉపాధి అంటే కేవలం ఒక ఉద్యోగం కాదు.. వ్యక్తి తనకంటూ ఓ మార్గం ఏర్పర్చుకోవడం. ఈ స్కీమ్ ఆ దిశగా ముందడుగు వేసిందని చెప్పొచ్చు.
భారత్ దేశంలోనే ఇదొక ప్రత్యేక స్కీమ్
డిప్యూటీ సీఎం మాటల్లోనే చెప్పాలంటే.. “రాజీవ్ యువ వికాసం” లాంటి పథకం భారత దేశంలో మరెక్కడా లేదు. ఇది కేవలం తెలంగాణలోని యువత కోసం ప్రత్యేకంగా రూపొందించిన స్కీమ్. నిరుద్యోగుల సమస్యను పట్టించుకోని గత ప్రభుత్వాల పాలనతో యువత నిరాశతో జీవించాల్సి వచ్చింది. కానీ ఇప్పుడు కొత్త ప్రభుత్వం వచ్చాక యువతకు తిరిగి కొత్త ఆశ కలిగింది. ఈ పథకం ద్వారా యువత తమ కాళ్ళమీద తాము నిలబడేలా చేయాలన్నదే ప్రభుత్వ లక్ష్యం.
భారీ ఉద్యోగాల భర్తీకి కసరత్తు మొదలు
భట్టి విక్రమార్క మాట్లాడుతూ.. గత పది సంవత్సరాల బీఆర్ఎస్ పాలనలో యువతకు ఉద్యోగాలు, భృతి, ఉపాధి అవకాశాలు ఇవ్వకపోవడం వల్ల చాలా మంది నిరాశలోకి వెళ్లారని అన్నారు. అయితే కాంగ్రెస్ ప్రభుత్వం అధికారంలోకి వచ్చిన తర్వాత 52,000 ఉద్యోగాలను భర్తీ చేశామని చెప్పారు. ఇంకా మిగిలిన ఖాళీలను భర్తీ చేసేందుకు జాబ్ క్యాలెండర్ కూడా విడుదల చేశామని ఆయన తెలిపారు. ఇలా ఒకవైపు ప్రభుత్వ ఉద్యోగాల ప్రక్రియ కొనసాగుతుంటే.. మరోవైపు స్వయం ఉపాధి కోసం ఈ కొత్త స్కీమ్‌ను తీసుకొచ్చారు.
వాటర్ ప్రాజెక్టులపై కూడా శంఖుస్థాపనలు
మంగళవారం (మే 13) భద్రాద్రి కొత్తగూడెం జిల్లాలోని ఇల్లందు నియోజకవర్గంలోని బయ్యారం, టేకులపల్లి మండలాల్లో పర్యటించిన భట్టి విక్రమార్క.. పలు అభివృద్ధి పనులకు శంఖుస్థాపనలు చేశారు. తులారం ప్రాజెక్టు, బయ్యారం చెరువు మరమ్మతులు, సీతారామ ప్రాజెక్టు ద్వారా నీటి సరఫరా వంటి పలు కార్యక్రమాలపై పనులు జరుగుతున్నాయని వెల్లడించారు. ఇది కూడా సమగ్ర అభివృద్ధికి భాగమే అని చెప్పారు.
రాజీవ్ యువ వికాసం ఎంత ముఖ్యమో తెలుసా
ప్రతి గ్రామంలోనూ, ప్రతి పట్టణంలోనూ చదువు పూర్తయ్యాక ఉద్యోగం లేక నిరాశలో ఉన్న యువత ఎంత మంది ఉన్నారో తెలుసా? అటువంటి వారందరికీ ఇది ఒక గొప్ప అవకాశం. డిగ్రీ ఉన్నా ఉద్యోగం లేదు, సివిల్ స్కోర్ ఏమీ తెలియదు అని వెనుకబడిపోయే పని లేదు. ఈ స్కీమ్ అందరికీ సరిపడేలా, సమానంగా అందేలా ప్రభుత్వం చర్యలు తీసుకుంటోంది.
ప్రతి యువకుడి జీవితం మారాలంటే అతనికి ఒక అవకాసం కావాలి. ఆ అవకాశమే ఈ పథకం రూపంలో వచ్చింది. ఈ స్కీమ్ కింద సొంతంగా బిజినెస్ మొదలుపెట్టవచ్చు. బ్యాంకుల ద్వారా రుణాలు పొందొచ్చు. శిక్షణ, మార్గదర్శకత్వం అందుతుంది. పైగా సర్టిఫికేట్లు కూడా ఇవ్వబడతాయి.
మొత్తంగా చెప్పాలంటే
ఈ పథకం గురించి తెలుసుకొని వెంటనే అప్లై చేయాలి. జూన్ 2 లోపల లబ్ధిదారుల ఎంపిక పూర్తవుతుంది. ప్రభుత్వ యంత్రాంగం పూర్తి వేగంతో పని చేస్తోంది. అందుకే యువత ఒక నిమిషం కూడా ఆలస్యం చేయకుండా రెడీగా ఉండాలి. మీ దగ్గర ఉన్న విద్యా సర్టిఫికెట్లు, ఆధార్, బ్యాంక్ వివరాలు సిద్ధంగా ఉంచుకోండి. ఎంపిక కాగానే మీరు కూడా ఒక ఉద్యోగదారుడు అవుతారు.
ఈ తరహా పథకాలు తరచుగా రావు. అందుకే ఈ అవకాశాన్ని మిస్ కాకూడదు. తెలంగాణలో యువత భవిష్యత్ బాగుండాలంటే ఇటువంటి స్కీములు తప్పనిసరి. అందుకే ఒక్కరైనా పక్కకు కాకుండా ముందుకు రావాలి. మిత్రులకూ, సోదరులకూ ఈ సమాచారం షేర్ చేయండి. ఒక మార్పు మొదలవుతుంది.. అదే రాజీవ్ యువ వికాసం రూపంలో..!
