ప్రస్తుత ఆర్థిక పరిస్థితుల్లో చిన్నపాటి పొదుపులు కూడా రాబోయే రోజుల్లో పెద్ద మార్పులు తీసుకొచ్చే అవకాశముంది. ఒకవైపు బంగారం ధరలు ఆకాశాన్ని తాకుతున్నాయి. మరోవైపు స్టాక్ మార్కెట్‌లో పెట్టుబడి పెట్టాలంటే సామాన్యుల చేతులు వెనక్కు వెళ్లిపోతున్నాయి. అలాంటి పరిస్థితుల్లో ప్రభుత్వరంగ సంస్థ అయిన పోస్టాఫీస్ అందిస్తున్న కొన్ని పొదుపు పథకాలపై ప్రజల్లో ఆసక్తి పెరుగుతోంది. ముఖ్యంగా గ్రామీణ ప్రాంతాల వారికి మరింత ఉపయోగకరంగా ఉండే స్కీమ్‌లకు మంచి స్పందన వస్తోంది.
గ్రామీణులకు బంగారు అవకాశమయిన గ్రామ సురక్ష యోజన స్కీమ్
పోస్టాఫీస్ Rural Postal Life Insurance (RPLI) పరిధిలో తీసుకొచ్చిన “గ్రామ సురక్ష యోజన” పథకం అసలైన సాధారణ వేతనజీవులకు అనుకూలంగా రూపొదించింది. ఈ పథకం 1995లో ప్రారంభించబడింది. గ్రామీణ ప్రాంత ప్రజలకు దీర్ఘకాలిక భద్రతను అందించడానికి ఇది ఎంతో కీలకమైన స్కీమ్. 19 ఏళ్ల నుండి 55 ఏళ్ల మధ్య వయసున్న వారెవ్వరైనా ఈ పథకంలో చేరవచ్చు. గరిష్టంగా 60 ఏళ్ల వరకు ఈ స్కీమ్ కొనసాగుతుంది.
రోజుకు ₹50 చొప్పున పొదుపుతో కోటి రూపాయల విలువైన లాభం
ఈ పథకం ప్రత్యేకతేంటంటే, దీనిలో పెట్టుబడి చాలా తక్కువ. రోజుకు కేవలం ₹50 మాత్రమే పెట్టుబడి చేస్తే సరిపోతుంది. అంటే నెలకు ₹1,515ను డిపాజిట్ చేస్తే, మీకు మెచ్యూరిటీ సమయంలో రూ.30 లక్షల నుంచి రూ.35 లక్షల వరకు లభించవచ్చు. ఇది ఒక సాధారణ వేతన జీవికి ఎంతో గొప్ప అవకాశమని చెప్పవచ్చు. చిన్న చిన్న పొదుపులతో భవిష్యత్తులో పెద్ద మొత్తం సొంతం చేసుకోవచ్చు.
[news_related_post]ఎలా పని చేస్తుంది ఈ స్కీమ్?
మీరు 19 ఏళ్ల వయసులో ఉన్నప్పుడు ఈ స్కీమ్‌లో చేరితే, మీ వయస్సును బట్టి మీరు 55, 58 లేదా 60 ఏళ్ల వరకూ స్కీమ్ కొనసాగించవచ్చు. మీరు 55 ఏళ్ల వరకు ప్లాన్ ఎంచుకుంటే నెలకు ₹1,515 చెల్లించాలి. అదే 58 ఏళ్ల వరకు అయితే ₹1,463 చెల్లించాలి.
60 ఏళ్ల ప్లాన్ ఎంచుకుంటే నెలకు ₹1,411 చెల్లిస్తే సరిపోతుంది. ఎప్పటికప్పుడు ప్రీమియం చెల్లిస్తూ వెళ్లితే, పథకం పూర్తయ్యే సమయానికి రూ.31 లక్షల నుంచి ₹35 లక్షల వరకు లాభం పొందే అవకాశం ఉంటుంది.
వడ్డీ రేటు, ప్రీమియం ఆప్షన్లు, ఫ్లెక్సిబిలిటీ
ఈ స్కీమ్‌పై సంవత్సరానికి సుమారు 7.5% వడ్డీ లభిస్తుంది. పెట్టుబడి చెల్లించడానికి నెలవారీగా, మూడు నెలలకొకసారి, ఆరు నెలలకొకసారి ఇలా మీకు అనుకూలంగా చెల్లించొచ్చు. మీకు నచ్చిన మెచ్యూరిటీ పీరియడ్‌ను ఎంచుకునే స్వేచ్ఛ ఉంటుంది.
మరీ ముఖ్యంగా, మీరు ఒకసారి రూ.10 లక్షల సమగ్ర ప్రీమియం టార్గెట్‌ను ఎంచుకుంటే, దీన్ని నెలల వారీగా క్రమంగా చెల్లించవచ్చు. ఇదే చిన్న తరహా ఉద్యోగులకు, రైతులకు, స్వయం ఉపాధి చేసుకునే వారికి చాలా సౌకర్యంగా ఉంటుంది.
పాలసీ గడువు పూర్తయ్యాక వచ్చే లాభాలు
మీరు 55 ఏళ్ల వరకు ఈ స్కీమ్‌లో కొనసాగితే ₹31.60 లక్షలు పొందుతారు. 58 ఏళ్ల వరకు అయితే ₹33.40 లక్షలు, 60 ఏళ్ల వరకు అయితే ₹34.60 లక్షలు రాబడిగా వస్తాయి.
ఇలా మీరు ఎంత ఎక్కువ సంవత్సరాలు స్కీమ్ కొనసాగిస్తే, అంత ఎక్కువ లాభం పొందే అవకాశం ఉంటుంది. ఇది కేవలం పొదుపు మాత్రమే కాదు, భవిష్యత్ భద్రత కూడా.
పాలసీదారుడి మృతి పక్షంలో వారసులకు న్యాయం
ఒకవేళ పాలసీదారుడు స్కీమ్ గడువు పూర్తయ్యేలోపే అనర్థవశాత్తూ మరణిస్తే, అతని నామినీకి లేదా చట్టబద్ధమైన వారసులకు పథకం మొత్తాన్ని ఇచ్చే అవకాశం ఉంటుంది. ఈ విధంగా ఈ స్కీమ్ భద్రతను కూడా కలిపి అందిస్తుంది. వాస్తవానికి ఇది జీవిత బీమా లాంటి మేళవింపు సదుపాయం కలిగిన పొదుపు పథకం.
ఎలా దరఖాస్తు చేయాలి?
ఈ పథకాన్ని ప్రారంభించాలంటే మీకు దగ్గరలో ఉన్న పోస్టాఫీస్‌కు వెళ్లి సంబంధిత వివరాలను తెలుసుకోవాలి. అక్క‌డ నుండి అప్లికేషన్ ఫామ్ తీసుకుని, అవసరమైన డాక్యుమెంట్లు సమర్పించి, మొదటి ప్రీమియం చెల్లించి స్కీమ్‌లో చేరవచ్చు. స్కీమ్‌పై మరింత సమాచారం కోసం ఇండియన్ పోస్ట్ అధికారిక వెబ్‌సైట్‌ను సందర్శించవచ్చు.
ఇప్పుడు ప్రారంభించకపోతే భవిష్యత్తులో తప్పనిసరిగా నష్టమే
ఈ స్కీమ్‌ను తీసుకుంటే భవిష్యత్తులో లక్షల రూపాయలు మీకు ఆదాయంగా లభిస్తాయి. అయితే మీరు ఆలస్యం చేస్తే, వయస్సు పెరిగిన తర్వాత నెలవారీ ప్రీమియం పెరగడం వల్ల నష్టమే తప్పదు. అలాగే మీరు ఇప్పుడు ఒక్క నెల కష్టపడితే.. భవిష్యత్ జీవితాన్ని సులభంగా గడపవచ్చు. పోస్టాఫీస్ స్కీమ్ అంటే సెక్యూరిటీ, గ్యారంటీ రెండూ కలిగిన ప్లాన్.
ఈరోజే మొదలుపెట్టండి – రేపటి జీవితాన్ని సురక్షితం చేసుకోండి!
రోజుకు కేవలం ₹50 పెట్టుబడి చేయడం వల్ల మీరు లక్షల్లో రాబడి పొందే అవకాశం దక్కుతుంది. ఇది వాయిదా వేయడానికి వీలులేని అవకాశం. మీ కుటుంబ భద్రత కోసం, మీ భవిష్యత్తు కోసం ఈరోజే పోస్టాఫీస్‌కు వెళ్లి ఈ స్కీమ్‌ను ప్రారంభించండి. సమయం పోతే లాభం కూడా పోతుంది. ఇప్పుడు మొదలెడితే.. రేపు నిజమైన లక్షాధిపతులా జీవించవచ్చు!
