కార్పొరేట్ మోడల్‌తో డైరెక్ట్ ట్యాక్స్ మినహాయింపు

మీరు ఇప్పటికే NPS ఖాతా కలిగి ఉంటే, దానిని కార్పొరేట్ లేదా ఎంప్లాయర్ మోడల్‌కి మార్చాలి. అప్పుడు మీ కంపెనీ (ఎంప్లాయర్) మీ తరఫున NPSలో చేసే కాంట్రిబ్యూషన్‌పై మీరు డైరెక్ట్‌గా ట్యాక్స్ మినహాయింపు పొందవచ్చు. ఈ మినహాయింపు Income Tax చట్టంలోని సెక్షన్ 80CCD(2) కింద వస్తుంది.

ఇది కొత్త ట్యాక్స్ రీజీమ్‌లో కూడా 100% వర్తిస్తుంది. అంటే పాత సిస్టమ్‌లో మినహాయింపులు అందుబాటులో లేకపోయినా, ఈ ఎంప్లాయర్ కాంట్రిబ్యూషన్ మాత్రం అటు పాత రీజీమ్‌కైనా, ఇటు కొత్త రీజీమ్‌కైనా వర్తించుతుంది.

Related News

ఎంత శాతం వరకు ట్యాక్స్ మినహాయింపు లభిస్తుంది?

ప్రైవేట్ ఉద్యోగస్తులకి ఇది 10 శాతం వరకు వర్తిస్తుంది. ప్రభుత్వ ఉద్యోగస్తులకి మాత్రం 14 శాతం వరకు మినహాయింపు లభిస్తుంది. ఈ శాతం మీ ప్రాథమిక జీతం (బేసిక్ పే)పై ఆధారపడుతుంది. మీరు ఎలాంటి అదనపు డాక్యుమెంట్లు ఇవ్వాల్సిన అవసరం లేదు. ఒక్కసారి కార్పొరేట్ మోడల్‌లోకి మారితే, కంపెనీ తరఫున జరిగే ఈ కాంట్రిబ్యూషన్ పూర్తిగా ట్యాక్స్ మినహాయింపు పొందుతుంది.

ఉదాహరణతో అర్థం చేసుకోండి

ఒకవేళ మీ ప్రాథమిక జీతం (బేసిక్ సాలరీ) సంవత్సరానికి ₹9.6 లక్షలైతే, కంపెనీ 14% కాంట్రిబ్యూషన్ చేస్తే అది ₹1,34,400 అవుతుంది. అంటే మీ మొత్తం జీతం మీద ₹1.34 లక్షలు నేరుగా ట్యాక్స్ లేని ఆదాయంగా లెక్కపడతాయి. అంటే మీ ట్యాక్సబుల్ ఇన్‌కమ్ తగ్గిపోతుంది. ఇలా తగ్గిన ఆదాయంపై మాత్రమే మీరు ట్యాక్స్ చెల్లించాలి. ఇది కొత్త రీజీమ్‌లో చాలా గొప్ప ప్రయోజనం. ఎందుకంటే కొత్త రీజీమ్‌లో ఇతర మినహాయింపులు ఉండవు. కానీ ఈ ఒక్క మినహాయింపు మాత్రం వర్తిస్తుంది.

మీ జీతం ఏకంగా ₹12 లక్షలు అయినా కూడా, ₹1.34 లక్షలు తగ్గిపోతే మీ ట్యాక్సబుల్ ఇన్‌కమ్ ₹10.65 లక్షలే అవుతుంది. ఇది పెద్ద తేడా. ఎందుకంటే ఇందులో మీవైపు నుండి ఎలాంటి ఇన్వెస్ట్‌మెంట్ చేయాల్సిన అవసరం లేదు. కంపెనీ తరఫున జరుగుతున్న కాంట్రిబ్యూషన్‌కి డైరెక్ట్ మినహాయింపు లభిస్తుంది.

పాత రీజీమ్ vs కొత్త రీజీమ్ – ఏమిటి తేడా?

పాత ట్యాక్స్ సిస్టమ్‌లో మీరు NPSలో రూ.50,000 వరకు వ్యక్తిగతంగా ఇన్వెస్ట్ చేసి 80CCD(1B) కింద మినహాయింపు పొందొచ్చు. అలాగే 80C కింద కూడా ఇతర మినహాయింపులు ఉండేవి. కానీ కొత్త రీజీమ్‌లో వీటి కోసం అవకాశం ఉండదు. అందుకే ఇందులో ఎంప్లాయర్ కాంట్రిబ్యూషన్ ద్వారా వచ్చే మినహాయింపు ఎంతో స్పెషల్. ఈ అవకాశాన్ని మిస్సవకూడదు.

ఎలా మారాలి కార్పొరేట్ మోడల్‌కి?

మీ NPS ఖాతాను కార్పొరేట్ మోడల్‌కి మార్చాలంటే ముందుగా NSDL లేదా KFintech CRA పోర్టల్‌లో లాగిన్ అవ్వాలి. అక్కడ “Sector Change” అనే ఆప్షన్ సెలెక్ట్ చేయాలి. తర్వాత “Corporate Sector” ఎంపిక చేయాలి. మీ HR విభాగం నుంచి EPS Code తీసుకోవాలి.

ఆ EPS Codeతో మీరు కార్పొరేట్ మోడల్‌లో రిజిస్టర్ అవ్వాలి. దాదాపు 7 నుండి 10 రోజుల్లో మీ అకౌంట్ అప్డేట్ అవుతుంది. ఆ తర్వాతే మీ కంపెనీ తరఫున వచ్చే కాంట్రిబ్యూషన్‌కి ట్యాక్స్ మినహాయింపు వర్తిస్తుంది.

ఇప్పుడే ప్లాన్ చేసుకోండి – లేటయితే లాస్…

ఇది అసలు చాలా మంది మిస్ చేస్తున్న ట్యాక్స్ హ్యాక్. కొత్త ట్యాక్స్ రీజీమ్‌లో మినహాయింపులు లేవన్న అపోహను చాలా మంది కలిగి ఉంటారు. కానీ నిజంగా చూస్తే, ఈ కార్పొరేట్ NPS కాంట్రిబ్యూషన్ రూపంలో చాలా గొప్ప ట్యాక్స్ సేవింగ్ చాన్స్ ఉంది. ఒకసారి మారితే, మిగతా జీవితం మొత్తం NPS ద్వారా భవిష్యత్తు సురక్షితం అవుతుంది, పైగా ట్యాక్స్ మినహాయింపులు కూడా లభిస్తాయి.

కాబట్టి వెంటనే మీ HRతో మాట్లాడండి. EPS కోడ్ తెచ్చుకోండి. CRA పోర్టల్‌లో కార్పొరేట్ మోడల్‌కి మారండి. డబ్బు పెట్టకుండా, పేపర్ వర్క్ లేకుండా ట్యాక్స్ సేవ్ చేయండి. ఈ స్మార్ట్ టెక్నిక్ మీకు ఊహించని ప్రయోజనాలు ఇస్తుంది. NPS పెట్టుబడిదారుల కోసం ఇదే బెస్ట్ ఛాన్స్…