ఇన్వెస్ట్‌మెంట్ అంటే డబ్బు వెంటనే డబుల్ అయిపోతుందని ఊహించుకుంటే వారు పొరపాటులో ఉన్నారు. నిజమైన పెట్టుబడిదారులు ఏం చేస్తారు? మార్కెట్ పడినా, ఎక్కినా ఓపికగా ఉంటారు. తాత్కాలిక నష్టాలు వచ్చినా భయపడకుండా ముందుకు సాగుతారు.
అలాంటి వారికే కాలానుగుణంగా పెద్ద ఫలితాలు లభిస్తాయి. అందుకే ఇప్పుడు మీకు ఒక సింపుల్ ఉదాహరణ ఇస్తాం.
పెట్టింది 4 లక్షల రూపాయలే – ఫలితం మాత్రం 2 కోట్లు
మీరు ఇప్పుడు 4 లక్షల రూపాయలు పెట్టుబడి పెడతారు. ఇది రిటైర్మెంట్ కోసం అనుకోండి. ఎటూ వెళ్లకుండా బంధించి వదిలేస్తారు. ఏ విధంగానూ మిడ్‌వేలో తీసుకోవడం లేదు. ఇప్పుడు ప్రశ్న – ఇది 2 కోట్లు అవుతుందా? అవుతుంది కానీ కొంత టైం పడుతుంది. దీని కోసం మీరు మార్కెట్‌లో ఓపికగా ఉండాలి, మదుపును టచ్ చేయకుండా వదిలేయాలి.
Related News
ఎన్ని సంవత్సరాల్లో 2 కోట్లు అవుతాయంటే
ఇది పూర్తిగా రాబడి మీద ఆధారపడి ఉంటుంది. మీరు వేసిన డబ్బుకు సగటు వార్షిక రాబడి 12% వస్తే మీ 4 లక్షలు సుమారుగా 35 సంవత్సరాల్లో 2 కోట్లకు చేరతాయి. అదే మీరు 13% రాబడి అందుకుంటే సుమారుగా 32 సంవత్సరాలు పడుతుంది. ఇంకా ఎక్కువగా అంటే 14% రాబడి వస్తే 30 సంవత్సరాల్లోనే మీరు 2 కోట్ల లక్ష్యాన్ని చేరవచ్చు. ఇది మ్యాజిక్ కాదు – కాంపౌండింగ్ పవర్‌తో సాధ్యమవుతుంది. చిన్న మొత్తాలు కూడా దీర్ఘకాలం పెట్టుబడిగా ఉండి అద్భుత ఫలితాలను ఇస్తాయి.
తేడా చిన్నదే అయినా ఫలితాలు పెద్దవి
ఇక్కడ ఒక ఆసక్తికర విషయం ఉంది. మీరు అనుకుంటే – “ఓ 1% తేడా వల్ల ఏం మారుతుంది?” కానీ దీర్ఘకాలంలో ఆ తేడా లక్షలలో కాకుండా కోట్లలో మారుతుంది. ఉదాహరణకి, 12% రాబడి వచ్చిందంటే 35 ఏళ్లలో 2 కోట్లను టచ్ చేస్తారు. అదే 13% అంటే అదే 2 కోట్ల లక్ష్యం 3 సంవత్సరాలు ముందుగానే వస్తుంది. కాబట్టి చిన్నపాటి రాబడి తేడా కూడా ఎంతో కీలకం.
ఓపిక లేకపోతే డబ్బు పోతుంది – ఇదే నిజం
చాలా మందికి ఎక్కువ డబ్బు కావాలనిపిస్తుంది. కానీ మార్కెట్ పడిపోతే భయంతో దూరం అవుతారు. అలాంటి వారిని మార్కెట్ వదిలేస్తుంది. ఎవరైతే ఓపికగా పట్టు వదలకుండా ఉంటారో, వారికే గొప్ప ఫలితాలు లభిస్తాయి. మదుపు అంటే కేవలం డబ్బే కాదు, ఓపిక, ధైర్యం, భవిష్యత్తుపై నమ్మకమే అసలైన పెట్టుబడి. ఇది మార్కెట్‌లో విజయం పొందే బేసిక్ సూత్రం.
ఇదే ప్లాన్‌తో మీరు కూడా కోటీశ్వరులవ్వచ్చు
మీరు పెద్ద మొత్తాలు పెట్టుబడి చేయలేకపోయినా, ఒకసారి చిన్న మొత్తాన్ని దాచేసి మర్చిపోతే చాలు. 20, 30 ఏళ్ల తర్వాత మీరు ఆశ్చర్యపోయే ఫలితాన్ని చూస్తారు. ఒక చిన్న నీటి పారుదల పెద్ద నది అవ్వాలంటే అది కొంతకాలం పయనించాలి. అలాగే, చిన్న పెట్టుబడి కూడా దీర్ఘకాలంలో 10x, 20x కంటే ఎక్కువ రాబడి ఇస్తుంది.
ఇలాంటి అవకాశాలు అందరికీ వస్తాయి. కానీ వాడుకునే వారు కొద్ది మంది మాత్రమే. మీరు వాటిలో ఒకరైతేనే మీ రిటైర్మెంట్ జీవితంలో డబ్బు కోసం ఎదురుచూసే పరిస్థితి ఉండదు. ఇప్పుడే ప్లాన్ చేయండి. ఒకసారి మీరు 4 లక్షలు పెట్టి 2 కోట్ల లక్ష్యం సాధిస్తే, అది మీ జీవితమే మార్చేసే నిర్ణయం అవుతుంది. ఇకపోతే వదిలేస్తే – అదే తప్పుడు నిర్ణయంగా మిగిలిపోతుంది!
