ఇంట్లో మీకు పిల్లలు ఉంటే, వారు 10 సంవత్సరాలు నిండిన వారు అయితే ఇప్పుడు వారే తమ సేవింగ్స్ ఖాతా మరియు ఫిక్స్‌డ్ డిపాజిట్ ఖాతాను స్వయంగా నిర్వహించవచ్చు. ఇది పిల్లల్లో డబ్బు విలువ, ఖర్చుపై నియంత్రణ, పొదుపు అనే అలవాట్లను చిన్నప్పుడే పెంచే అరుదైన అవకాశం.

ఇప్పటికే పిల్లల పేరిట ఖాతా ఓపెన్ చేయవచ్చు

ఇంతకుముందు కూడా పిల్లల పేరిట ఖాతా ఓపెన్ చేయడం సాధ్యమే. అయితే, ఆ ఖాతాను తల్లి లేదా లీగల్ గార్డియన్ నిర్వహించేవారు. ఇప్పుడు ఆర్బీఐ తీసుకున్న కొత్త నిర్ణయం ప్రకారం, 10 ఏళ్ల వయస్సు నిండిన పిల్లలు తాము స్వయంగా ఖాతా నిర్వహించుకోవచ్చు. అయితే, బ్యాంకులు తమ నిబంధనల ఆధారంగా కొన్ని పరిమితులు విధించవచ్చు.

వయస్సు 18 వచ్చాక ఖాతా అప్‌డేట్ తప్పనిసరి

పిల్లవాడు లేదా అమ్మాయి 18 సంవత్సరాల వయస్సు పూర్తిచేసిన తర్వాత, బ్యాంక్ వారి నుండి మళ్లీ డాక్యుమెంట్లు, సంతకాలు తీసుకోవాలి. అప్పటివరకు తల్లిదండ్రులు ఖాతా నిర్వహించగా, తరువాత వారు స్వయంగా తీసుకోనున్నారు కాబట్టి, ఖాతాలో ఉన్న మొత్తాన్ని బ్యాంక్ రీ-వెరిఫై చేయాల్సి ఉంటుంది.

ATM, ఇంటర్నెట్ బ్యాంకింగ్ కూడా

బ్యాంకుల పాలసీ ఆధారంగా పిల్లలకు ATM కార్డ్, ఇంటర్నెట్ బ్యాంకింగ్, చెక్ బుక్ వంటి సౌకర్యాలూ ఇవ్వవచ్చు. కానీ ఇది పూర్తిగా బ్యాంక్ నిర్ణయంపై ఆధారపడి ఉంటుంది. కొన్ని బ్యాంకులు చిన్నపిల్లలకు ATM ఇవ్వడం వల్ల డబ్బును ఎలా వాడాలో నేర్పడానికి ఇదొక మంచి ఛాన్స్ అని భావించవచ్చు.

ఓవర్‌డ్రాఫ్ట్‌కు నో చెప్పిన RBI

ఆర్బీఐ ఇచ్చిన క్లారిటీ ప్రకారం, పిల్లల ఖాతాల్లో ఓవర్‌డ్రాఫ్ట్ అనుమతి ఉండదు. అంటే ఖాతాలో ఉన్న డబ్బులో ఎంత ఉందో అంతే ఖర్చు చేయొచ్చు. అదనంగా డబ్బు తీసుకోవడం అసాధ్యం. ఇది పిల్లల్లో డబ్బు మీద నియంత్రణ అలవాటు చేయడానికే.

KYC తప్పనిసరి, సెక్యూరిటీపై జాగ్రత్తలు

బ్యాంక్ ఖాతా ఓపెన్ చేసే సమయంలో, అలాగే భవిష్యత్తులోనూ KYC డాక్యుమెంట్లు తప్పనిసరిగా తీసుకోవాలి. పిల్లల యొక్క గుర్తింపు మరియు చిరునామా ఆధారిత డాక్యుమెంట్లు బ్యాంకుకు అందించాలి. ఇది బ్యాంకులకు, పిల్లల ఖాతాల భద్రతకూ అవసరం.

ఆర్బీఐ అన్ని ప్రభుత్వ, ప్రైవేట్, కోఆపరేటివ్ బ్యాంకులకు ఈ నిబంధనల్ని జూలై 1, 2025 లోపల అమలు చేయాలని ఆదేశించింది. దీని వల్ల అన్ని బ్యాంకులు తమ విధానాల్లో మార్పులు తీసుకురానున్నాయి.

పిల్లలకి ఆర్థిక బాధ్యతలు నేర్పే బంగారు అవకాశం

ఈ కొత్త నిర్ణయం వల్ల పిల్లలు చిన్న వయసులోనే డబ్బు పట్ల అవగాహన పెంచుకోగలుగుతారు. వాళ్లకి ఆదాయం, ఖర్చు, పొదుపు వంటి ముఖ్యమైన విషయాలపై బాగా అవగాహన వస్తుంది. వయసు పెరిగే కొద్దీ పిల్లలు ఆర్థికంగా తెలివిగలవారిగా మారతారు. డిజిటల్ యుగంలో ఇది చాలా అవసరం.

ఇది చదివిన ప్రతి తల్లిదండ్రి ఇప్పుడు స్పందించాల్సిన సమయం వచ్చేసింది. మీ పిల్లలు 10 ఏళ్లు నిండకపోయినా, వారి పేరు మీద ఖాతా ఓపెన్ చేసి, ఇప్పటి నుంచే వారిని ఆర్థిక స్మార్ట్‌గా తీర్చిదిద్దండి. 10 ఏళ్లు నిండిన వెంటనే, వారు స్వయంగా డబ్బును నిర్వహించేలా చేయండి.

ఒక చిన్న నిర్ణయం పిల్లల భవిష్యత్తుకు దిక్సూచి అవుతుంది. డబ్బు విలువను గమనించగలగడం, అవసరాలకు తగ్గట్లు ఖర్చు చేయడం, పొదుపు అలవాటు చేసుకోవడం… ఇవన్నీ జీవితంలో ముందుకెళ్లేందుకు బేసిక్ లైఫ్ స్కిల్స్. ఆర్బీఐ తీసుకున్న ఈ నిర్ణయం ఎన్ని కుటుంబాలకి ప్రయోజనం చేకూరుస్తుందో ఊహించలేం.

అందుకే ఆలస్యం చేయకుండా, మీ పిల్లల భవిష్యత్తు కోసం ఇప్పుడు నుంచే ప్రణాళికలు మొదలుపెట్టండి. ఇది ఒక్కసారి వచ్చే అవకాశమే…