దీని ప్రభావం జెన్ Z పౌరులపై ఎక్కువగా పడింది. ఇప్పుడు మనం ఈ మార్పుల వెనుక ఉన్న కారణాలు, భవిష్యత్తులో బ్యాంకులు మళ్లీ సాధారణ lending విధానాలవైపు తిరగవచ్చా అన్నది తెలుసుకుందాం.

జెన్ Zకు పెద్ద దెబ్బ

1995 తర్వాత జన్మించిన వారే జెన్ Z. ఈ తరానికి చెందినవారే ఎక్కువగా క్రెడిట్ కార్డులు, పర్సనల్ లోన్లు తీసుకునేందుకు ముందుకు వస్తున్నారు. కానీ ఇప్పుడు వీరికి బ్యాంకుల నుంచి లోన్ పొందడం చాలా కష్టంగా మారింది.

TransUnion CIBIL విడుదల చేసిన నివేదిక ప్రకారం, క్రెడిట్ చరిత్ర లేని మొదటిసారి లోన్ దరఖాస్తుదారుల (New to Credit – NTC) లోన్ అప్రూవల్స్ 21% తగ్గాయి. ఇదే సమయంలో ఇప్పటికే లోన్లు తీసుకున్నవారి అప్రూవల్స్ మాత్రం కేవలం 2% మాత్రమే తగ్గాయి. ఇది చూస్తే బ్యాంకులు కొత్త కస్టమర్ల పట్ల ఎంత జాగ్రత్తగా వ్యవహరిస్తున్నాయో అర్థమవుతుంది.

మొదటి సారి లోన్ తో పెద్ద అడ్డంకులు

సుమారు 40% కొత్త లోన్ కోరేవారు కన్స్యూమర్ రకాల క్రెడిట్ ప్రొడక్ట్స్‌కి ఆసక్తి చూపుతున్నారు. వీటిలో ఎక్కువగా క్రెడిట్ కార్డులు, పర్సనల్ లోన్లు ఉంటాయి. కానీ బ్యాంకుల కఠినమైన నిబంధనల వల్ల వీటిని పొందడం చాలా కష్టం అయిపోయింది.

జెన్ Z జనాభాలో 41% మంది ప్రస్తుతం కొత్తగా లోన్ అడుగుతున్నారు. వీరే ఇప్పుడు బ్యాంకుల జాగ్రత్తల వల్ల ఎక్కువగా ప్రభావితమవుతున్నారు. ఈ పరిణామం వారి ఆర్థిక స్వతంత్రతకు, కొనుగోలు శక్తికి అడ్డుగా నిలుస్తోంది.

బ్యాంకులు ఎందుకు కఠినంగా మారాయి?

ప్రస్తుతం ఆర్థిక రంగంలో ఉన్న అనిశ్చితి పరిస్థితుల దృష్ట్యా, బ్యాంకులు తమ రిస్క్‌లను తగ్గించుకోవాలని భావిస్తున్నాయి. TransUnion CIBIL CEO భవేష్ జైన్ పేర్కొన్నట్లుగా, “బ్యాంకులు కొత్త కస్టమర్ల విషయంలో రిస్క్ మేనేజ్‌మెంట్‌కి ఎక్కువ ప్రాధాన్యత ఇస్తున్నాయి. అందుకే approval process కఠినంగా మార్చారు.”

అయితే, బ్యాంకులు టెక్నాలజీ ద్వారా డేటాను సమర్థవంతంగా ఉపయోగించి కొత్త కస్టమర్లను కూడా సిస్టంలో కలపగలగాలి అన్నది ఆయన అభిప్రాయం.

లోన్ మార్కెట్ మందగమనం

TransUnion CIBIL విడుదల చేసిన క్రెడిట్ మార్కెట్ ఇండికేటర్ (CMI) ఇప్పుడు 97కి పడిపోయింది. ఇది డిసెంబర్ 2021 తర్వాత అత్యల్ప స్థాయిగా నమోదు అయ్యింది. అంటే బ్యాంకుల జాగ్రత్తదనం వల్ల మార్కెట్‌లో క్రెడిట్ సరఫరా తగ్గిపోయింది. ఇది చిన్న లోన్లకే కాదు, పెద్ద లోన్లపై కూడా తీవ్ర ప్రభావం చూపుతోంది. ఉదాహరణకు:

హోమ్ లోన్లు 9% తగ్గాయి. క్రెడిట్ కార్డుల జారీ 32% తగ్గింది.‌ పర్సనల్ లోన్ల వృద్ధిరేటు 24% నుంచి 14%కి పడిపోయింది. ఆటో లోన్ల వృద్ధి 14% నుంచి 4%కి తగ్గింది

ఇవి చూస్తే బ్యాంకులు ఇప్పుడు ఎలాంటి లోన్ అయినా ఇచ్చేముందు చాలా విచారిస్తున్నాయనేది స్పష్టమవుతుంది. ఇది మొత్తం లోన్ మార్కెట్‌కి ప్రభావం చూపే అంశం.

పాజిటివ్ పరిణామాలు కూడా ఉన్నాయి

ఇలాంటి నెగటివ్ పరిణామాల మధ్య కొన్ని హర్షణీయ విషయాలు కూడా ఉన్నాయి. మహిళలు కొత్తగా తీసుకుంటున్న లోన్ల శాతం 27% నుండి 37%కి పెరిగింది. అలాగే గ్రామీణ ప్రాంతాల నుండి వచ్చే కొత్త లోన్ దరఖాస్తులు 23% నుండి 32%కి పెరిగాయి. అంటే నగరాల్లో కంటే గ్రామీణ ప్రాంతాలవారే ఇప్పుడు ఎక్కువగా లోన్లను కోరుకుంటున్నారు. ఇది ఆర్థిక వ్యవస్థలో ఒక నూతన మార్పునకు సూచన కావచ్చు.

ముందెన్నడూ లేని రీతిలో లోన్లకు ఆటంకం

ఇప్పటి పరిస్థితుల్లో కొత్తగా లోన్ కావాలనుకునే వారు చాలా జాగ్రత్తగా ముందుకు రావాలి. మీ క్రెడిట్ స్కోర్ బాగా ఉంచుకోవాలి. ముఖ్యంగా జెన్ Z తరం వాళ్లు డీసెంట్ క్రెడిట్ హిస్టరీ ఏర్పరచుకోవడం ద్వారా బ్యాంకులను ఆకర్షించాలి. ఒకసారి క్రెడిట్ కార్డు తీసుకుంటే దాన్ని సమయానికి చెల్లించాలి. అప్పుడే మీకు తర్వాత పెద్ద లోన్లు రావటానికి అవకాశం ఉంటుంది.

ఫైనల్‌గా చెప్పాలంటే, ప్రస్తుతం బ్యాంకులు కొత్త కస్టమర్లను మరింత పరీక్షించి చూస్తున్నాయి. ఇది కొంతమందికి ఇబ్బంది కలిగించొచ్చు కానీ దీన్ని దాటుకోవాలంటే శ్రద్ధగా, పద్ధతిగా క్రెడిట్ హిస్టరీ తయారు చేసుకోవడం తప్పనిసరి. బ్యాంకులు భవిష్యత్తులో ఈ విధానాలు సడలించే అవకాశముంది కానీ అప్పటివరకు జాగ్రత్తలు పాటించడం మంచిదే.