5 ఏళ్ల పాటు పనిచేసినా మీ గ్రాచ్యుటీ కట్ చేయడానికి కంపెనీకి హక్కుందా? అసలు సత్యం ఇదే…

ఎప్పుడు కంపెనీ మీ గ్రాచ్యుటీని నిలిపివేయవచ్చు?

కంపెనీ మీ పనితీరుతో సంబంధం లేకుండా గ్రాచ్యుటీ నిలిపివేయడానికి హక్కు లేదు. కానీ మీరు ఏదైనా సంస్థకు నష్టం కలిగించేలా ప్రవర్తిస్తే, తప్పుడు పని చేస్తే లేదా సంస్థ ఆర్థికంగా నష్టపోయేలా వ్యవహరిస్తే కంపెనీ మీ గ్రాచ్యుటీని నిలిపివేయవచ్చు. అయితే, దీనికి సరైన కారణాలు, ఆధారాలు ఉండాలి.

గ్రాచ్యుటీ పూర్తిగా తీసేసే హక్కు ఉందా?

కంపెనీ మీపై తప్పుడు ఆరోపణలు మోపి, లేదా ఇతర కారణాల వల్ల మొత్తం గ్రాచ్యుటీ తీసేయలేదు. ఒకవేళ మీ వల్ల కంపెనీకి నష్టం జరిగినా, ఆ నష్టం జరిగిన మొత్తం మాత్రమే కట్ చేయగలరు. మిగిలిన గ్రాచ్యుటీ మొత్తం తప్పనిసరిగా చెల్లించాల్సిందే.

మీ హక్కులు రక్షించుకోవాలంటే ఏమి చేయాలి?

కంపెనీ మీ గ్రాచ్యుటీ ఇవ్వకపోతే, ముందుగా లీగల్ నోటీసు పంపించండి. సమస్య పరిష్కారం కాకపోతే, డిస్ట్రిక్ట్ లేబర్ కమిషనర్‌కు ఫిర్యాదు చేయండి. మీపై తప్పుడు ఆరోపణలు ఉన్నాయా?‌ లేకుంటే, కంపెనీ సరైన ఆధారాలు లేకుండా గ్రాచ్యుటీ నిలిపివేయలేరు. గ్రాచ్యుటీ మొత్తం పూర్తిగా కట్ చేయడానికి కంపెనీకి హక్కు లేదు

మీరు మీ హక్కులు తెలుసుకుని, అన్యాయం జరిగినప్పుడు తగిన చర్యలు తీసుకుంటే, మీ గ్రాచ్యుటీని పూర్తిగా పొందగలుగుతారు. మీ కష్టం వృధా కాకూడదంటే ఈ సమాచారం మీకు తప్పక ఉపయోగపడుతుంది.