ఛాంపియన్స్ ట్రోఫీ ఫైనల్ హోరాహోరీగా సాగుతోంది. దుబాయ్‌లో జరుగుతున్న ఫైనల్ మ్యాచ్‌లో టీమ్ ఇండియా, న్యూజిలాండ్ తలపడుతున్నాయి. టాస్ గెలిచి బ్యాటింగ్ ఎంచుకున్న న్యూజిలాండ్‌కు మంచి ఆరంభం లభించింది.
252 పరుగుల లక్ష్యాన్ని నిర్దేశించింది.
ఓపెనర్ రచిన్ రవీంద్ర వరుస బౌండరీలతో చెలరేగాడు. వరుణ్ చక్రవర్తి ఈ భాగస్వామ్యాన్ని బద్దలు కొట్టాడు. వరుణ్ చక్రవర్తి మరో ఓపెనర్ విల్ యంగ్‌ను పెవిలియన్‌కు పంపాడు. ఆ తర్వాత వెంటనే, కుల్దీప్ యాదవ్ తన స్పిన్‌తో రచిన్ రవీంద్రను బోల్తా కొట్టించాడు. కేన్ విలియమ్సన్ కూడా ఎక్కువసేపు క్రీజులో నిలబడలేకపోయాడు. విలియమ్సన్ కుల్దీప్‌కు రిటర్న్ క్యాచ్ ఇచ్చి ఔటయ్యాడు. ఆ తర్వాత వెంటనే జడేజా టామ్ లాథమ్‌ను అవుట్ చేశాడు.
Related News
దీనితో, కివీస్ కేవలం 108 పరుగులకే నాలుగు కీలక వికెట్లు కోల్పోయి ఇబ్బందుల్లో పడింది. ఈ సమయంలో, క్రీజులోకి వచ్చిన డారిల్ మిచెల్ మరియు గ్లెన్ ఫిలిప్స్ తమ ఇన్నింగ్స్‌ను మెరుగుపరుచుకోవడానికి ప్రయత్నించారు. వారు సింగిల్స్ మరియు బౌండరీలతో స్కోరు బోర్డును పెంచడానికి ప్రయత్నించారు. వరుణ్ చక్రవర్తి ఈ ప్రమాదకరమైన జోడీని బద్దలు కొట్టాడు. 34 పరుగులు చేసిన గ్లెన్ ఫిలిప్స్, వరుణ్ చక్రవర్తి అద్భుతమైన బంతికి ఔటయ్యాడు. ఆ వెంటనే, అర్ధ సెంచరీ పూర్తి చేసుకున్న డారిల్ మిచెల్ కూడా ఔటయ్యాడు, న్యూజిలాండ్ మళ్ళీ ఇబ్బందుల్లో పడినట్లే అనిపించింది. 63 పరుగులు చేసిన డారిల్ మిచెల్, షమీ బౌలింగ్ కు ఔటయ్యాడు.
ఆ తర్వాత వచ్చిన బ్యాట్స్ మెన్లలో, మైఖేల్ బ్రేస్ వెల్ బాటింగ్ తో న్యూజిలాండ్ స్కోరు 250 మార్కును చేరుకుంది. భారత బౌలర్లలో, కుల్దీప్ యాదవ్ మరియు వరుణ్ చక్రవర్తి తలా రెండు వికెట్లు పడగొట్టగా, షమి మరియు జడేజా తలా ఒక వికెట్ తీశారు. ఛాంపియన్స్ ట్రోఫీ గెలవాలంటే భారతదేశం 252 పరుగులు సాధించాలి.
