ప్రముఖ క్విక్ కామర్స్ కంపెనీ జెప్టో తన ఆర్డర్లలో రోజురోజుకూ పెరుగుతున్న సంగతి తెలిసిందే. ఇటీవల ఈ కంపెనీ మరో మైలురాయిని చేరుకుంది. కేఫ్ ఆఫరింగ్ కోసం కొత్తగా ప్రారంభించిన ‘జెప్టో కేఫ్’ ఆర్డర్ల సంఖ్య లక్షకు చేరుకుంది. ఈ విషయాన్ని కంపెనీ సీఈఓ ఆదిత్ పలిచా వెల్లడించారు. కేఫ్ ఆఫరింగ్‌లలో రాణించడం అంత సులభం కాదని, తన బృందం దీని కోసం చాలా కష్టపడిందని ఆయన అన్నారు. అనేక సవాళ్లు ఉన్నప్పటికీ, లక్ష ఆర్డర్‌లను చేరుకోవడం తనకు చాలా సంతోషంగా ఉందని ఆయన అన్నారు. కస్టమర్ల మద్దతు వల్లే ఇదంతా సాధ్యమైందని ఆయన అన్నారు.
జెప్టో కేఫ్ సర్వీస్‌లో భాగంగా, స్నాక్స్, కాఫీ, టీ, కూల్ డ్రింక్స్ కేవలం 10 నిమిషాల్లో డెలివరీ చేయబడుతున్నాయి. ఇందులో మొత్తం 148 రకాల ఆహార ఎంపికలు ఉన్నాయి. వీటి ప్రజాదరణ రోజురోజుకూ పెరుగుతున్నందున ఈ సేవలను విస్తరించాలని కంపెనీ చూస్తోంది. క్విక్ కామర్స్ కంపెనీలు బ్లింకింట్ బిస్ట్రో, స్విగ్గీ బోల్ట్ పేరుతో ఇటువంటి సేవలను అందిస్తున్నాయి. అదేవిధంగా, బెంగళూరుకు చెందిన స్టార్టప్ స్విష్ కూడా ఇటీవల ఈ విభాగంలోకి ప్రవేశించింది. ఇది స్నాక్స్, పానీయాలు, భోజనం, ఇతర వస్తువులను 10 నిమిషాల్లో డెలివరీ చేస్తుంది.
