రాష్ట్రంలో గ్రూప్-2 మెయిన్స్ పరీక్ష వాయిదా వేయాలని అభ్యర్థులు ఆందోళన చేస్తున్న విషయం తెలిసిందే. ఈ నేపథ్యంలో శుక్రవారం జరగనున్న గ్రూప్-2 మెయిన్స్ పరీక్షలను వాయిదా వేయాలని డిమాండ్ చేస్తూ అభ్యర్థులు నిరసన తెలిపారు. ఇంతలో.. గ్రూప్-2 మెయిన్స్ పరీక్షల నిర్వహణకు ప్రభుత్వం విస్తృత ఏర్పాట్లు చేస్తోంది. అనేక వివాదాల మధ్య 905 గ్రూప్-2 పోస్టులకు మెయిన్స్ పరీక్ష రేపు (ఆదివారం) జరగనుంది.
రోస్టర్‌లోని లోపాలను సరిదిద్దాలని చాలా మంది అభ్యర్థులు ఆందోళనను తీవ్రతరం చేశారు. ఇదే అంశంపై వారు హైకోర్టుకు వెళ్లినప్పుడు, సింగిల్ జడ్జి బెంచ్ పరీక్షలను వాయిదా వేయడానికి నిరాకరించింది. దీని కారణంగా, అభ్యర్థులు అప్పీల్ దాఖలు చేశారు. దీనిపై నేడు (శనివారం) విచారణ జరిగే అవకాశం ఉంది, ఉద్రిక్తత నెలకొంది. మరోవైపు, పరీక్ష నిర్వహణకు ఏర్పాట్లు పూర్తయ్యాయి. నిన్న (శుక్రవారం) మంత్రి నారా లోకేష్ గ్రూప్-2 మెయిన్స్ పరీక్షలపై స్పందించి, పరీక్ష వాయిదా గురించి న్యాయ బృందంతో మాట్లాడి సమస్యను పరిష్కరిస్తానని హామీ ఇచ్చారు.
