CASH LIMIT AS PER IT ACT

ఆదాయపు పన్ను చట్టం ప్రకారం, ఇంట్లో ఎంత డబ్బు ఉంచవచ్చో చెప్పే నియమం లేదు. కానీ ఒక వ్యక్తి ఇంట్లో పెద్ద మొత్తంలో డబ్బు ఉంటే, ఆదాయ రుజువు చూపాలి.

జీవించడానికి డబ్బు ఎంత అవసరమో, మెరుగైన జీవితానికి డబ్బు విషయాలపై జ్ఞానం కూడా అంతే అవసరం. పెట్టుబడి, ఆదాయపు పన్ను, పొదుపు పథకాలు మరియు ఇతర ఆర్థిక నియమాలను తెలుసుకోవాలి. ముఖ్యంగా, చాలా మందికి ఇంట్లో ఎంత డబ్బు ఉంచుకోవచ్చు, పరిమితికి మించి ఉంచితే ఆదాయపు పన్ను నిబంధనల ప్రకారం ఎలాంటి మొత్తాలను ఎదుర్కోవాల్సి వస్తుందో తెలియదు.

ఆదాయపు పన్ను చట్టం ప్రకారం, ఇంట్లో ఎంత డబ్బు ఉంచవచ్చో చెప్పే రూల్ లేదు. కానీ ఒక వ్యక్తి ఇంట్లో పెద్ద మొత్తంలో డబ్బు ఉంటే, ఆదాయ రుజువు చూపాలి. ఆధారాలు చూపకపోతే భారీ జరిమానా చెల్లించాల్సి ఉంటుంది. భౌతిక నగదును ఇంట్లో దాచుకుంటే ఎలాంటి జాగ్రత్తలు తీసుకోవాలో, ఎలాంటి పరిణామాలు ఎదుర్కోవాల్సి వస్తుందో తెలుసుకుందాం.

137 % వరకు జరిమానా

ఆదాయపన్ను శాఖ దాడులు నిర్వహించి భారీగా నగదు నిల్వలు దొరికితే ఆ డబ్బు ఎక్కడిది అన్న ఆధారాలను అధికారులు చూపించాల్సి ఉంటుంది. ఐటీ శాఖ లెక్కల్లో చూపని నగదును గుర్తిస్తే.. అధికారులు భారీగా జరిమానాలు విధించే అవకాశం ఉంది. ఆ డబ్బును జప్తు చేయవచ్చు. లెక్కల్లో చూపని మొత్తంలో 137 % వరకు జరిమానా విధించే అధికారం ఆదాయపు పన్ను శాఖకు ఉంది.

నిర్దిష్ట రుణాలు మరియు డిపాజిట్లను స్వీకరించడానికి నియమాలు

20,000 లేదా అంతకంటే ఎక్కువ నగదు రుణాలు లేదా డిపాజిట్ల కోసం అంగీకరించరాదని ఆదాయపు పన్ను శాఖ స్పష్టం చేస్తోంది. రూ.50,000 పైబడిన లావాదేవీలకు ఐటీ శాఖ పాన్ నంబర్లను తప్పనిసరి చేసింది. ఆస్తుల కొనుగోలు లేదా అమ్మకం కోసం రూ.30 లక్షలకు మించిన భౌతిక నగదు లావాదేవీలు జరిగితే, ఆదాయపు పన్ను శాఖ దానిని పరిశీలిస్తుంది.

కుటుంబ సభ్యుల నుంచి రూ.2 లక్షల కంటే ఎక్కువ నగదును స్వీకరించడం లేదా ఒకరోజులో వేరొకరి నుంచి రూ.20,000 కంటే ఎక్కువ నగదు రూపంలో రుణం తీసుకోవడం కూడా నిషేధమని ఐటీ నిబంధన చెబుతోంది.

క్రెడిట్ మరియు డెబిట్ కార్డ్ చెల్లింపుల పరిమితులు

ఆదాయపు పన్ను నిబంధనల ప్రకారం, క్రెడిట్ లేదా డెబిట్ కార్డ్ ద్వారా రూ.1 లక్ష కంటే ఎక్కువ లావాదేవీలు జరిపితే విచారణలు ఎదుర్కోవలసి ఉంటుంది. మీరు ఒక సంవత్సరంలో రూ.1 కోటి కంటే ఎక్కువ బ్యాంకు నుండి విత్‌డ్రా చేస్తే, మీరు 2% TDS చెల్లించాలి. ఏడాదిలో రూ.20 లక్షలకు మించి నగదు లావాదేవీలు జరిపితే జరిమానా విధించవచ్చని ఆదాయపు పన్ను నిబంధనలు చెబుతున్నాయి.