CSIR రిక్రూట్‌మెంట్ 2023 :

డిగ్రీలు పూర్తి చేసి ప్రభుత్వ ఉద్యోగాలకు సిద్ధమవుతున్న అభ్యర్థులకు శుభవార్త. కౌన్సిల్ ఆఫ్ సైంటిఫిక్ అండ్ ఇండస్ట్రియల్ రీసెర్చ్ (CSIR) 444 సెక్షన్ ఆఫీసర్ (SO), అసిస్టెంట్ సెక్షన్ ఆఫీసర్ (ASO) పోస్టుల భర్తీకి నోటిఫికేషన్ విడుదల చేసింది.

విద్యార్హతలు, వయోపరిమితి, ఫీజు, దరఖాస్తు విధానం తదితర పూర్తి వివరాలు మీ కోసం..

CSIR రిక్రూట్‌మెంట్ 2023 : కౌన్సిల్ ఆఫ్ సైంటిఫిక్ అండ్ ఇండస్ట్రియల్ రీసెర్చ్ (CSIR), ఢిల్లీ 444 సెక్షన్ ఆఫీసర్ (SO), అసిస్టెంట్ సెక్షన్ ఆఫీసర్ (ASO) పోస్టుల భర్తీకి నోటిఫికేషన్ విడుదల చేసింది. ఆసక్తి గల అభ్యర్థులు గడువులోగా ఆన్‌లైన్‌లో దరఖాస్తు చేసుకోవాలి.

ఉద్యోగ వివరాలు

• సెక్షన్ ఆఫీసర్ – 76 పోస్టులు
• అసిస్టెంట్ సెక్షన్ ఆఫీసర్ – 368 పోస్టులు

మొత్తం పోస్టులు – 444

విద్యార్హతలు

CSIR SO అర్హతలు: అభ్యర్థులు ప్రభుత్వ గుర్తింపు పొందిన విశ్వవిద్యాలయం లేదా సంస్థ నుండి డిగ్రీ ఉత్తీర్ణులై ఉండాలి.

CSIR SO వయో పరిమితి: అభ్యర్థుల గరిష్ట వయస్సు 33 సంవత్సరాల కంటే తక్కువ ఉండాలి. అయితే, ప్రభుత్వ నిబంధనల ప్రకారం సంబంధిత కేటగిరీ అభ్యర్థులకు వయో సడలింపులు వర్తిస్తాయి.

CSIR SO దరఖాస్తు రుసుము:

UR, OBC, EWS కేటగిరీ అభ్యర్థులు దరఖాస్తు రుసుముగా రూ.500 చెల్లించాలి.
SC, ST, వికలాంగులు, మాజీ సైనికులు, CSIR విభాగం అభ్యర్థులు మరియు మహిళలకు దరఖాస్తు రుసుము నుండి మినహాయింపు ఉంది.

CSIR SO ఎంపిక ప్రక్రియ:

అభ్యర్థులకు స్టేజ్-1 మరియు స్టేజ్-2 రాత పరీక్షలు నిర్వహిస్తారు. అందులో ఉత్తీర్ణత సాధించిన వారికి కంప్యూటర్ నైపుణ్య పరీక్ష నిర్వహిస్తారు. ఇందులో అర్హత సాధించిన అభ్యర్థులను ఇంటర్వ్యూ చేసి, అర్హులైన అభ్యర్థులను సంబంధిత పోస్టులకు ఎంపిక చేస్తారు.

CSIR SO జీతం:

• సెక్షన్ ఆఫీసర్ గ్రూప్-బి (గెజిటెడ్) పోస్టులకు ఎంపికైన అభ్యర్థులకు నెలకు రూ.47,600 – రూ.1,51,100 చెల్లిస్తారు.
• అసిస్టెంట్ సెక్షన్ ఆఫీసర్ గ్రూప్-బి (నాన్ గెజిటెడ్) పోస్టులకు ఎంపికైన అభ్యర్థులకు నెలకు రూ.44,900 – రూ.1,42,400 చెల్లిస్తారు.

CSIR SO దరఖాస్తు ప్రక్రియ:

అభ్యర్థులు ముందుగా CSIR అధికారిక వెబ్‌సైట్ https://www.csir.res.in/ని తెరవాలి.
రిక్రూట్‌మెంట్ ట్యాబ్‌పై క్లిక్ చేస్తే.. కొత్త పేజీ ఓపెన్ అవుతుంది.

CSIR – కంబైన్డ్ అడ్మినిస్ట్రేటివ్ సర్వీసెస్ ఎగ్జామినేషన్ – 2023 లింక్‌పై క్లిక్ చేయండి.
దరఖాస్తు ఫారమ్‌లో మీ వ్యక్తిగత మరియు విద్యా వివరాలను నమోదు చేయండి.
అవసరమైన అన్ని పత్రాలను అప్‌లోడ్ చేయాలి.
దరఖాస్తు రుసుమును కూడా ఆన్‌లైన్‌లోనే చెల్లించాలి.

అన్ని వివరాలను మరోసారి సరిచూసుకుని దరఖాస్తు సమర్పించాలి.
భవిష్యత్ సూచన కోసం అప్లికేషన్ యొక్క ప్రింటవుట్ భద్రపరచబడాలి.

ముఖ్యమైన తేదీలు
CSIR SO దరఖాస్తు చివరి తేదీ:

• దరఖాస్తు స్వీకరణ ప్రారంభ తేదీ: 8 డిసెంబర్ 2023
• దరఖాస్తుకు చివరి తేదీ: జనవరి 14, 2024