8th పే కమిషన్ గురించి ప్రభుత్వ ఉద్యోగుల్లో ఆసక్తి రోజు రోజుకు పెరుగుతోంది. కేంద్ర ప్రభుత్వం ఈ కమిషన్‌ను ప్రకటించినా, ఛైర్మన్, ఇతర సభ్యుల నియామకం ఇంకా జరగాల్సి ఉంది. ప్రధానంగా, ఈ కమిషన్ ఎలాంటి నిబంధనల (ToR – Terms of Reference) ప్రకారం పని చేయనుంది? అన్నదే అందరి దృష్టిని ఆకర్షిస్తోంది.
8th Pay Commission – ToR ప్రస్తుతం ఏ స్థితిలో ఉంది?
ప్రస్తుతం ToR ఇంకా ఫైనలైజ్ కాలేదు, కానీ ఏప్రిల్ 2025 నాటికి సిద్ధం చేసే అవకాశం ఉంది. సిబ్బంది శ్రేయస్సును దృష్టిలో ఉంచుకుని NC-JCM (నేషనల్ కౌన్సిల్ – జాయింట్ కన్సల్టేటివ్ మెకానిజం) సిబ్బంది పక్షం తమ ప్రతిపాదనలు సమర్పించారు.
NC-JCM కార్యదర్శి శివ గోపాల్ మిశ్రా, ఉద్యోగుల ప్రయోజనాలను పరిగణనలోకి తీసుకుని ToRపై అధికారిక చర్చ జరపాలని కేంద్రాన్ని కోరారు.
[news_related_post]8th Pay Commission లో వచ్చే మార్పులు ఏమిటి?
1. జీత భద్రత, అలవెన్సుల పునర్‌వ్యవస్థీకరణ
- ఆల్ ఇండియా సర్వీసెస్, రక్షణ, పారామిలిటరీ, పోస్టల్ శాఖ ఉద్యోగుల జీతాల నిర్మాణాన్ని సమీక్షిస్తారు.
- నాన్-ప్రొఫెషనల్ పే స్కేల్స్ విలీనం చేసి ఉద్యోగ పురోగతి మెరుగుపరిచే సూచనలు ఉన్నాయి.
- ఎక్కువ ప్రమోషన్లు వచ్చేలా MACP స్కీమ్ (మోడిఫైడ్ అశ్యూర్డ్ కెరీర్ ప్రోగ్రెషన్) లో మార్పులు కోరుతున్నారు.
2. కనీస వేతన విధానం
- జీత నిర్మాణం – Aykroyd ఫార్ములా, 15వ భారతీయ కార్మిక సదస్సు సిఫారసులను అనుసరించి నిర్ణయించనున్నారు.
- జీవన వ్యయాలు, ద్రవ్యోల్బణం ఆధారంగా న్యాయమైన కనీస వేతనం నిర్ణయించాలని సూచిస్తున్నారు.
3. డియర్‌నెస్ అలవెన్స్ (DA) & ఇంటరిమ్ రిలీఫ్
- DAని బేసిక్ పేలో విలీనం చేసి ఉద్యోగులు, పెన్షనర్లకు ఆర్థిక భద్రత కల్పించాలని సూచన.
- కొత్త పే కమిషన్ అమలు అయ్యే వరకు మధ్యంతర రిలీఫ్ ఇవ్వాలని డిమాండ్.
4. పెన్షన్ & రిటైర్మెంట్ బెనిఫిట్స్
- పెన్షన్, గ్రాట్యుటీ, ఫ్యామిలీ పెన్షన్‌లో సంస్కరణల ప్రతిపాదన.
- 2004 తర్వాత నియమితులైన ఉద్యోగులకు పాత పెన్షన్ స్కీమ్ (CCS పెన్షన్ రూల్స్ 1972) పునరుద్ధరించాలనే డిమాండ్.
- పెన్షన్ సమాయోచిత కాలాన్ని 15 ఏళ్ల నుంచి 12 ఏళ్లకు తగ్గించాలని సూచన.
- ప్రతి 5 ఏళ్లకు ఒకసారి పెన్షన్ పెంచే విధానం తీసుకురావాలని ప్రతిపాదన.
5. వైద్య & సంక్షేమ ప్రయోజనాలు
- CGHS (సెంట్రల్ గవర్నమెంట్ హెల్త్ స్కీమ్) సేవలను మెరుగుపరిచి, క్యాష్‌లెస్ మెడికల్ సదుపాయం అందించాలని డిమాండ్.
- పిల్లల విద్యా భత్యం, హాస్టల్ సబ్సిడీని పోస్ట్ గ్రాడ్యుయేషన్ స్థాయికి పెంచాలని ప్రతిపాదన.
8th Pay Commission లో ఎవరుంటారు?
ఈ కమిషన్‌లో మొత్తం 3 మంది సభ్యులు ఉండే అవకాశం ఉంది:
- ఛైర్మన్ – ఆర్థిక నిపుణుడు కావచ్చు
- ఇతర 2 సభ్యులు – పరిపాలనా, ఆర్థిక రంగ నిపుణులు కావచ్చు
ప్రస్తుతం, కమిషన్ సభ్యుల నియామకం అధికారికంగా ప్రకటించకపోయినా, కేంద్ర ప్రభుత్వం కీలక మంత్రిత్వ శాఖలు (ఆర్థిక, రక్షణ, హోం) & రాష్ట్ర ప్రభుత్వాలతో సంప్రదింపులు జరుపుతోంది.
ఉద్యోగులకు, పెన్షనర్లకు ఎలాంటి ప్రయోజనాలు?
8th Pay Commission నిర్ణయాలు లక్షల మంది ప్రభుత్వ ఉద్యోగుల జీవితాన్ని ప్రభావితం చేయనున్నాయి. జీతాల మార్పు, పెన్షన్ రీఫార్మ్స్ & ఇతర భద్రతా మార్పులు ఉద్యోగులకు ఉపశమనం కలిగించేలా ఉండాలని కోరుతున్నారు. ఈ కమిషన్, ఉద్యోగుల ఆశలను నెరవేర్చుతుందా లేదా? అనేది వేచి చూడాల్సిందే.
