వైఎస్సార్‌సీపీ అధినేత, మాజీ సీఎం వైఎస్ జగన్ మరో విదేశీ పర్యటనకు సిద్ధమవుతున్నారు. ఈ నేపథ్యంలో ఆయన విదేశీ పర్యటనకు అనుమతి కోరుతూ..
శుక్రవారం ఆయన సీబీఐ కోర్టులో పిటిషన్ దాఖలు చేశారు. ఈ నెల.. అంటే జనవరి 11 నుంచి 15వ తేదీ వరకు విదేశాలకు వెళ్లేందుకు అనుమతించాలని మాజీ సీఎం వైఎస్ జగన్ పిటిషన్‌లో స్పష్టం చేశారు. కుటుంబంతో కలసి లండన్‌లో స్థిరపడాలనుకుంటున్నట్లు వైఎస్ జగన్ తన పిటిషన్‌లో పేర్కొన్నారు. వైఎస్ జగన్ పిటిషన్‌పై కౌంటర్ దాఖలు చేయాలని సీబీఐని కోర్టు ఆదేశించింది. సీబీఐ కౌంటర్ దాఖలు చేసిన తర్వాత కోర్టులో వాదనలు ప్రారంభమవుతాయి.
ఇదిలా ఉండగా.. వైఎస్సార్‌సీపీ అగ్రనేత, రాజ్యసభ సభ్యుడు విజయసాయిరెడ్డి.. సోమవారం ఎన్‌ఫోర్స్‌మెంట్ ఎదుట హాజరుకానున్నారు. కాకినాడ సీ పోర్ట్ లిమిటెడ్, కాకినాడ సెజ్‌లో తన వాటాలను విజయసాయిరెడ్డి బలవంతంగా లాక్కున్నారని కర్నాటి వెంకటేశ్వరరావు గతంలో ఈడీకి ఫిర్యాదు చేశారు. ఈ ఫిర్యాదును పరిశీలించిన ఈడీ విజయసాయిరెడ్డి మనీలాండరింగ్‌కు పాల్పడినట్లు గుర్తించింది. అందులో భాగంగా సోమవారం తమ ఎదుట హాజరుకావాలని విజయసాయిరెడ్డికి నోటీసులు జారీ చేసింది.
ఆంధ్రప్రదేశ్ అసెంబ్లీ ఎన్నికలకు గత ఏడాది పోలింగ్ పూర్తయింది. ఆ తర్వాత వైఎస్ జగన్ కుటుంబ సమేతంగా లండన్ వెళ్లారు. ఎన్నికల ఫలితాలకు ముందే ఆయన స్వదేశానికి చేరుకున్నారు. అయితే ఈ ఎన్నికల్లో ఆయన పార్టీ ఘోరంగా ఓడిపోయింది. ఆ పార్టీకి ప్రతిపక్ష హోదా కూడా రాలేదు. దీంతో సభ్యుల బలం లేకుంటే ప్రతిపక్ష హోదా ఇవ్వలేమని అసెంబ్లీ స్పీకర్‌ స్పష్టం చేశారు. దీంతో తమకు ప్రతిపక్ష హోదా కల్పించాలని ప్రభుత్వాన్ని ఆదేశించాలంటూ వైఎస్ జగన్ ఏపీ హైకోర్టును ఆశ్రయించారు. మరోవైపు ఆదాయానికి మించిన ఆస్తుల కేసులో వైఎస్ జగన్‌ను గతంలో సీబీఐ అరెస్టు చేసింది. 16 నెలల పాటు చంచల్‌గూడ జైలులో ఉన్నాడు.
అనంతరం బెయిల్‌పై బయటకు వచ్చారు. అతని ఇద్దరు కుమార్తెలు, ఒకరు లండన్‌లో మరియు మరొకరు యుఎస్‌లో ఉన్నారు, లండన్‌లో ఉన్నారు. దీంతో వైఎస్ జగన్ వారిని పరామర్శించేందుకు సీబీఐ కోర్టు అనుమతి తీసుకోవాల్సి వచ్చింది. అయితే గత ఐదేళ్లుగా వైఎస్ జగన్ ఏపీకి ముఖ్యమంత్రిగా కొనసాగుతున్నారు. ఈ కారణంగా, అతనికి దౌత్య పాస్పోర్ట్ జారీ చేయబడింది. అయితే 2024 అసెంబ్లీ ఎన్నికల్లో ఆయన పార్టీ ఓడిపోవడంతో ఆ పాస్‌పోర్టు కూడా ఆటోమేటిక్‌గా రద్దయిన సంగతి తెలిసిందే.
