సాధారణంగా ఒక దేశం నుండి మరొక దేశానికి ప్రయాణించడానికి పాస్‌పోర్ట్, వీసా అవసరం. అయితే, కొన్ని దేశాల పాస్‌పోర్ట్‌లు వీసా లేకుండా అనేక దేశాలకు ప్రయాణించడానికి మిమ్మల్ని అనుమతిస్తాయి. ఈ క్రమంలో హెన్లీ & పార్టనర్స్ ఇండెక్స్ ఏటా అంతర్జాతీయ వాయు రవాణా సంఘం (IATA) అందించిన డేటా ఆధారంగా ప్రపంచంలోని అత్యంత శక్తివంతమైన పాస్‌పోర్ట్‌ల జాబితాను వెల్లడిస్తుంది. ఈ సంవత్సరం తాజా జాబితా విడుదల చేయబడింది. సింగపూర్ పాస్‌పోర్ట్ జాబితాలో అగ్రస్థానంలో ఉంది. ఈ పాస్‌పోర్ట్‌తో మీరు వీసా లేకుండా 193 దేశాలకు ప్రయాణించవచ్చు.
ఈ జాబితాలో రెండవ స్థానంలో దక్షిణ కొరియా, జపాన్ ఉన్నాయి. ఈ దేశాల పాస్‌పోర్ట్‌లతో మీరు వీసా లేకుండా 190 దేశాలకు ప్రయాణించవచ్చు. మూడవ స్థానంలో స్పెయిన్, జర్మనీ, ఇటలీ, ఫ్రాన్స్, ఫిన్లాండ్, డెన్మార్క్ ఉన్నాయి. ఈ దేశాల పాస్‌పోర్ట్‌లు ఉన్నవారు వీసా లేకుండా 187 దేశాలకు ప్రయాణించవచ్చు. హెన్లీ & పార్టనర్స్ ఇండెక్స్ అందించిన సర్వే ప్రకారం.. భారతదేశ పాస్‌పోర్ట్ 80వ స్థానంలో ఉంది. అల్జీరియా, ఈక్వటోరియల్ గినియా, తజికిస్తాన్ లు కూడా అదే స్థానంలో ఉన్నాయి. దాని తర్వాతి స్థానంలో ఉన్న మయన్మార్ 88వ స్థానంలో, శ్రీలంక 91వ స్థానంలో, బంగ్లాదేశ్ 93వ స్థానంలో, నేపాల్ 94వ స్థానంలో, యెమెన్ 96వ స్థానంలో, ఆఫ్ఘనిస్తాన్ 99వ స్థానంలో, ఇరాక్ 97వ స్థానంలో, సిరియా 98వ స్థానంలో ఉన్నాయి.
వీసా లేకుండా భారతీయులు ఏ దేశాలలోకి ప్రవేశించవచ్చు..
[news_related_post]మలేషియా, మాల్దీవులు, మార్షల్ దీవులు, మారిషస్, మౌరిటానియా, మైక్రోనేషియా, నేపాల్, మయన్మార్, ఖతార్, రువాండా, శ్రీలంక, అంగోలా, బార్బడోస్, భూటాన్, బొలీవియా, బ్రిటిష్ వర్జిన్ దీవులు, బురుండి, కంబోడియా, కేప్ వెర్డే దీవులు, కొమొరోస్ దీవులు, కుక్ దీవులు, జిబౌటి, డొమినికా, ఇథియోపియా, ఫిజి, గ్రెనడా, గినియా-బిస్సావు, హైతీ, ఇండోనేషియా, జోర్డాన్, కజాఖ్స్తాన్, కెన్యా, కిరిబాటి, లావోస్, మకావు, మడగాస్కర్, మోంట్సెరాట్, మొజాంబిక్, నియు, పలావు దీవులు, సమోవా, సెనెగల్, సీషెల్స్, సియెర్రా లియోన్, సోమాలియా, సెయింట్ కిట్స్, నెవిస్, లూసియా, సెయింట్ విన్సెంట్, గ్రెనడైన్స్, టాంజానియా, థాయిలాండ్, టిమోర్-లెస్టే, ట్రినిడాడ్, టొబాగో, తువాలు, వనాటు, జింబాబ్వే వీసా లేకుండా ప్రవేశించవచ్చు.
