టీం ఇండియా టెస్ట్ క్రికెట్‌లో మరో శకం ముగిసింది. కెప్టెన్ రోహిత్ శర్మ అడుగుజాడల్లో నడుస్తూ, పరుగుల యంత్రం, రికార్డులను బద్దలు కొట్టిన కెప్టెన్ విరాట్ కోహ్లీ టెస్ట్‌ల నుండి రిటైర్మెంట్ ప్రకటించాడు. 14 సంవత్సరాలుగా సుదీర్ఘమైన ఫార్మాట్‌లో దేశానికి ప్రాతినిధ్యం వహించడం చాలా గర్వకారణమని ఆయన అన్నారు. ఈ మేరకు ఆయన సోషల్ మీడియాలో ఒక భావోద్వేగ పోస్ట్‌ను పంచుకున్నారు.
“టెస్ట్ క్రికెట్‌లో నేను తొలిసారి బ్యాగీ బ్లూ రంగు దుస్తులు ధరించి 14 సంవత్సరాలు అయింది. నిజం చెప్పాలంటే, ఈ ఫార్మాట్‌లో నా ప్రయాణం ఇంత గొప్పగా ఉంటుందని నేను ఎప్పుడూ ఊహించలేదు. ఇది నన్ను పరీక్షించింది, నన్ను తీర్చిదిద్దింది, నాకు జీవిత పాఠాలు నేర్పింది. తెల్ల జెర్సీ ధరించడంలో లోతైన వ్యక్తిగత విషయం ఉంది. నిశ్శబ్ద ఆట, సుదీర్ఘ రోజులు, ఎవరూ చూడని చిన్న క్షణాలు మీతో ఎప్పటికీ ఉంటాయి. నేను ఈ ఫార్మాట్ నుండి వైదొలగుతున్నప్పుడు, ఇది సులభం కాదు – కానీ అది సరైనదిగా అనిపిస్తుంది. నా దగ్గర ఉన్నవన్నీ దానికి ఇచ్చాను, అది నేను ఎప్పుడూ ఆశించిన దానికంటే చాలా ఎక్కువ తిరిగి ఇచ్చింది. ఆట పట్ల, నేను మైదానాన్ని పంచుకున్న వ్యక్తుల పట్ల మరియు నన్ను దారిలో చూసినట్లు అనిపించేలా చేసిన ప్రతి ఒక్కరి పట్ల కృతజ్ఞతతో నిండిన హృదయంతో నేను బయలుదేరుతున్నాను. నా టెస్ట్ కెరీర్‌ను నేను ఎల్లప్పుడూ చిరునవ్వుతో తిరిగి చూసుకుంటాను” అని కోహ్లీ ఇన్‌స్టాగ్రామ్ పోస్ట్‌లో రాశాడు.
విరాట్ కోహ్లీ భారతదేశం తరపున 123 టెస్ట్ మ్యాచ్‌లు ఆడాడు. అతను 46.9 సగటుతో, 55.6 స్ట్రైక్ రేట్‌తో 9230 పరుగులు చేశాడు. ఇందులో 30 సెంచరీలు, 31 హాఫ్ సెంచరీలు ఉన్నాయి. అతని అత్యధిక స్కోరు 254 నాటౌట్. కోహ్లీ తన టెస్ట్ కెరీర్‌లో ఏడు డబుల్ సెంచరీలు సాధించాడు. టెస్టుల్లో అత్యధిక పరుగులు చేసిన భారత బ్యాట్స్‌మెన్‌లలో కోహ్లీ నాల్గవ స్థానంలో ఉన్నాడు.
[news_related_post]
