ధరల పెరుగుదల మోడల్స్ మరియు వాటి వేరియంట్లపై ఆధారపడి ఉంటుందని వారు చెప్పారు. పెరిగిన కార్ల ధరలు ఏప్రిల్ 1, 2025 నుండి అమల్లోకి వస్తాయని వారు ప్రకటించారు. వచ్చే నెలలో కార్లు కొనాలనుకునే వారు కార్ల తయారీదారుల ప్రకటనతో అప్రమత్తమయ్యారు. ఏప్రిల్ 1కి మరో 10 రోజులు ఉండటంతో, వారు త్వరలో కార్లు కొనాలని యోచిస్తున్నారు. మార్చి నెలలో కార్ల అమ్మకాలు పెరిగే అవకాశం ఉందని మార్కెట్ నిపుణులు అంచనా వేస్తున్నారు.

ప్రముఖ కార్ల తయారీ సంస్థ మారుతి సుజుకి వివిధ మోడళ్లపై 3 నుండి 4 శాతం ధరల పెంపును ప్రకటించింది. టాటా కార్ల ధరలను పెంచుతున్నట్లు ధృవీకరించింది కానీ ఎంత పెంచుతుందో స్పష్టత ఇవ్వలేదు. హ్యుందాయ్ 3 శాతం ధరల పెంపు ఉంటుందని తెలిపింది. హ్యుందాయ్ తర్వాత, కియా కూడా 3 శాతం వరకు ధరలను పెంచుతున్నట్లు ప్రకటించింది. అదేవిధంగా, బిఎమ్‌డబ్ల్యూ కూడా వివిధ మోడళ్లపై 3 శాతం రేట్లను పెంచుతున్నట్లు ప్రకటించింది. రెనాల్ట్ 2 శాతం ధరలను పెంచుతున్నట్లు ధృవీకరించింది.

ఏప్రిల్ 1 నుండి ధరలు పెరిగే కార్లు ఇవే..:
ఏప్రిల్ నుండి కార్ల ధరలను 3 శాతం పెంచుతున్నట్లు హ్యుందాయ్ ప్రకటించింది. క్రెటా, వెర్నా, వెన్యూ, టక్సన్ వంటి కార్లు తమ ధరలను పెంచాయని తెలిపింది.
సెల్టోస్, సోనెట్, సైరోస్, EV6, EV9, కారెన్స్, కార్నివాల్ వంటి కార్ల ధరలను 3 శాతం పెంచుతున్నట్లు ప్రకటించింది.

బిఎమ్‌డబ్ల్యూ మినీ కార్ల ధరలు ఏప్రిల్ నుండి 3 శాతం వరకు పెరుగుతాయని కంపెనీ వెల్లడించింది. BMW 3 సిరీస్ LWB, iX1 LWB, M5, X7 మోడళ్ల ధరలు పెరగనున్నాయి. మినీ కూపర్ S మరియు కంట్రీమాన్ ఎలక్ట్రిక్ కూడా ఖరీదైనవిగా మారనున్నాయి.

క్విడ్, కిగర్, ట్రైబర్ అనే మూడు మోడళ్లపై ధరలు 2 శాతం వరకు పెరుగుతాయని రెనాల్ట్ ప్రకటించింది.

అమేజ్, సిటీ, సిటీ ఇ:హెచ్ఈవీ, ఎలివేట్ సహా అన్ని మోడళ్ల ధరలు పెరుగుతాయని హోండా ప్రకటించింది.