మన దేశంలో ప్రతి తల్లిదండ్రి కల తమ కూతురి పెళ్లిని అంగరంగ వైభవంగా నిర్వహించడం. అయితే ఆ కలను నెరవేర్చడానికి అవసరమైన డబ్బు లేక చాలా మంది తల్లిదండ్రులు ఆ కలను త్యాగం చేయాల్సి వస్తోంది. పెళ్లికి కావలసిన ఖర్చులు భరించడం సాధ్యపడని పేద కుటుంబాలు అప్పుల్లో కూరుకుపోతుంటాయి. ఈ సమస్యను పరిష్కరించేందుకే ఉత్తరప్రదేశ్ ప్రభుత్వం ముందుకు వచ్చింది.
యూపీలో “ముఖ్యమంత్రి సమూహ వివాహ పథకం” తో పెళ్లి
తక్కువ ఖర్చుతో పెద్ద ఎత్తున పెళ్లిళ్లు జరపాలనే లక్ష్యంతో ఉత్తరప్రదేశ్ ప్రభుత్వం “ముఖ్యమంత్రి సమూహ వివాహ పథకం”ని ప్రారంభించింది. ఈ పథకం ద్వారా పేద కుటుంబాల్లోని అమ్మాయిల పెళ్లికి ఆర్థిక సహాయం అందుతోంది.
ఇప్పటివరకు రూ.51,000 ఇచ్చిన ఈ పథకం కింద ప్రభుత్వం తాజాగా మరింత సాయం అందించేందుకు నిర్ణయం తీసుకుంది. ఇప్పుడు రూ.1 లక్ష వరకు లభించబోతోందన్న వార్త పేద కుటుంబాలకు ఓ ఊరట కలిగిస్తోంది.
Related News
ఇప్పుడు పెళ్లి చేస్తే రూ.1 లక్ష డైరెక్ట్‌ బెనిఫిట్
ఈ పథకం కింద పెళ్లి చేసే కుటుంబానికి మొత్తం రూ.1,00,000 లభిస్తుంది. ఇందులో రూ.75,000 నేరుగా కూతురి ఖాతాలోకి జమ అవుతుంది. రూ.10,000 విలువైన వస్తువులు (బట్టలు, పాత్రలు, పరికరాలు) ఇవ్వబడతాయి. పెళ్లి కార్యక్రమ నిర్వహణకు అదనంగా రూ.15,000 నగదు అందించబడుతుంది. దీని వల్ల తల్లిదండ్రులకు పెళ్లి ఖర్చుల భారం చాలా మేర తగ్గుతుంది.
రిజిస్ట్రేషన్ తప్పనిసరి.. ఇలా దరఖాస్తు చేయండి
ఈ పథకానికి అప్లై చేయాలంటే ముందుగా ఉత్తరప్రదేశ్ ప్రభుత్వం యొక్క సామాజిక సంక్షేమ శాఖ అధికారిక వెబ్‌సైట్‌కి వెళ్ళాలి. అందులో “ముఖ్యమంత్రి సమూహ వివాహ పథకం” సెక్షన్‌కి వెళ్లి దరఖాస్తు ఫారం నింపాలి.
దరఖాస్తుతో పాటు ఆధార్ కార్డు, జనన ధృవపత్రం, ఆదాయ ధృవపత్రం, కుల ధృవపత్రం, పాస్‌పోర్ట్ సైజ్ ఫోటో వంటి అవసరమైన డాక్యుమెంట్లు అప్‌లోడ్ చేయాలి. తర్వాత ప్రభుత్వం సూచించిన సమూహ వివాహ తేదీల్లో ఒకటి ఎంచుకుని ఫారం సబ్మిట్ చేయాలి. దరఖాస్తు కాపీని ప్రింట్ తీసుకుని భద్రంగా పెట్టుకోవాలి.
రిజిస్ట్రేషన్ తర్వాత జరిగే ప్రక్రియ ఇది
దరఖాస్తు చేసిన తర్వాత అధికారులు మీరు అందించిన డాక్యుమెంట్లను పరిశీలిస్తారు. మీరు అర్హులైతే పథకం ప్రయోజనాలకు అంగీకార ఉత్తర్వు వస్తుంది. తర్వాత మీరు పేర్కొన్న తేదీకి, ప్రభుత్వం ఇచ్చిన ప్రదేశంలో జరిగే సమూహ వివాహ కార్యక్రమంలో పాల్గొనాలి. వివాహం అయిన తర్వాత ప్రభుత్వ సాయం కూతురి ఖాతాలోకి జమ అవుతుంది.
ఈ పథకం వల్ల అందరికీ ఉపయోగమే
ఈ పథకం పేద తల్లిదండ్రుల కలను సాకారం చేస్తోంది. డబ్బు లేక పెళ్లి ఆలస్యమవుతున్న కుటుంబాలకు ఇది ఒక ఆశాకిరణం. సమూహ వివాహం వల్ల కేవలం డబ్బు ఆదా కాకుండా సామాజికంగా కూడా ఎంతో ఆదర్శంగా నిలుస్తుంది. ప్రభుత్వ అనుమతితో జరిగే పెళ్లుల వల్ల భద్రతా విషయాలపైనా తల్లిదండ్రులకు నమ్మకం పెరుగుతుంది.
ఇప్పుడే అప్లై చేయండి.. ఆలస్యం చేయకండి
ఈ పథకం కింద ఇచ్చే మొత్తాన్ని ప్రభుత్వం రెట్టింపు చేయడం వల్ల వచ్చే రోజులలో దరఖాస్తుల సంఖ్య పెరిగే అవకాశం ఉంది. అర్హులైన ప్రతి ఒక్కరూ ఇప్పుడు అప్లై చేస్తే మేలు. కూతురి పెళ్లి కోసం సర్దుబాటు ఎలా చేయాలా అనే టెన్షన్‌కి ఇక ఎండ్ చెప్పే టైమ్ ఇది. కనుక మీ స్నేహితులు, బంధువులకూ ఈ సమాచారం తప్పకుండా తెలియజేయండి.
