పెన్షన్ కోసం ఆలోచిస్తున్నారా? ఏప్రిల్ 2025 నుంచి కొత్త స్కీం.. ఉద్యోగులు తప్పక తెలుసుకోవాలి…

ఈ పెన్షన్ స్కీమ్ 2025 ఏప్రిల్ నుంచి అమలులోకి రానుంది. ఉద్యోగుల భవిష్యత్‌ను మరింత సురక్షితంగా, ఆర్థికంగా స్థిరంగా మార్చేందుకు UPS ను రూపొందించారు. ఇందులో ఉద్యోగికి ప్రభుత్వ భాగస్వామ్యం కూడా ఉండటంతో పెన్షన్ మొత్తం మరింత పెరుగుతుంది.

UPS ఎలా పనిచేస్తుంది?

ఈ యూనిఫైడ్ పెన్షన్ స్కీమ్‌లో ప్రభుత్వ ఉద్యోగికి జీతం నుంచి కొంత భాగం కట్ అవ్వడం, అలాగే ప్రభుత్వం కూడా కొంత మొత్తాన్ని నేరుగా ఉద్యోగి ఖాతాలో జమ చేయడం జరుగుతుంది.

ప్రభుత్వం ఉద్యోగి ప్రాథమిక జీతం మీద 18.5% భాగాన్ని పెన్షన్ ఖాతాలో జమ చేస్తుంది. ఉద్యోగి ప్రతి నెలా తన ప్రాథమిక జీతం + DA (డియర్‌నెస్ అలవెన్స్) లో 10% ఈ ఖాతాలో జమ చేయాల్సి ఉంటుంది. ఉద్యోగులు ఇప్పటికే ఉన్న నేషనల్ పెన్షన్ సిస్టమ్ (NPS) లేదా కొత్త UPS ఎంచుకునే అవకాశం ఉంటుంది.

UPS ద్వారా 50% పెన్షన్ హామీ

ఈ స్కీమ్‌ కింద ఉద్యోగి రిటైర్మెంట్ ముందు 12 నెలల్లో పొందిన సగటు జీతంలో 50% మొత్తాన్ని పెన్షన్‌గా పొందే హక్కు ఉంటుంది. కానీ, ఈ ప్రయోజనం పొందాలంటే కనీసం 25 సంవత్సరాలు ప్రభుత్వ ఉద్యోగం చేయాలి. ఉద్యోగి అనుకోకుండా చనిపోతే, అతని కుటుంబానికి ఉద్యోగి పొందాల్సిన పెన్షన్‌లో 60% మొత్తం అందుతుంది. ఒక ఉద్యోగి కనీసం 10 ఏళ్లు పనిచేస్తే, అతనికి నెలకు రూ.10,000 కనీస పెన్షన్ హామీగా లభిస్తుంది.

ప్రభుత్వ ఉద్యోగులందరూ ఈ స్కీమ్ గురించి తప్పక తెలుసుకోవాలి

ఈ కొత్త స్కీమ్ మిమ్మల్ని ఆర్థికంగా మరింత బలోపేతం చేయడమే కాకుండా, రిటైర్మెంట్ తర్వాత భద్రతనిస్తుంది. మీ భవిష్యత్తు కోసం ఈ పెన్షన్ స్కీమ్ గురించి ఇంకా పూర్తిగా తెలుసుకోండి, మిస్ అవ్వకండి.