ముఖ్యమైన విషయం ఏమిటంటే, బేస్ వేరియంట్ XE నిలిపివేయబడి XM వేరియంట్‌తో భర్తీ చేయబడుతుంది. దీనితో, 2025 టాటా టిగోర్ మోడల్ ప్రారంభ వేరియంట్ XMతో ప్రారంభమవుతుంది. ఇది XZ ప్లస్ లక్స్ అనే టాప్-ఎండ్ వేరియంట్‌ను కూడా విడుదల చేసింది. దీని ప్రారంభ ధర రూ. 8.50 లక్షలు (ఎక్స్-షోరూమ్). ఇది పెట్రోల్ మరియు CNG పవర్‌ట్రెయిన్ ఎంపికలలో లభిస్తుంది.

2025 టాటా టిగోర్ XZ ప్లస్ లక్స్ టాప్-ఎండ్ వేరియంట్ కస్టమర్లను ఆకట్టుకునే ఫీచర్లతో వస్తుంది. ఈ కారు రెండు ఇంజన్ ఆప్షన్లలో అందుబాటులో ఉన్నందున భారతీయ కస్టమర్లను మరింత ఆకట్టుకుంటుందని కంపెనీ చాలా ఆశలు పెట్టుకుంది. ఈ కారు గురించి పూర్తి వివరాలను తెలుసుకుందాం.. XZ ప్లస్ లక్స్ పెట్రోల్ వేరియంట్ ధర రూ. 8.50 లక్షలు (ఎక్స్-షోరూమ్). ఇది 1.2-లీటర్ మూడు సిలిండర్ల పెట్రోల్ ఇంజిన్‌తో అందుబాటులో ఉంది. ఇది 5-స్పీడ్ మాన్యువల్, ఆటోమేటెడ్ మాన్యువల్ ట్రాన్స్‌మిషన్ గేర్‌బాక్స్ ఆప్షన్‌తో అందుబాటులో ఉంది. ఈ ఇంజిన్ 85 bhp పవర్ మరియు 113 Nm టార్క్‌ను ఉత్పత్తి చేస్తుంది. CNG విషయానికొస్తే, దీని ప్రారంభ ధర రూ. 9.50 లక్షలు (ఎక్స్-షోరూమ్). ఇది 72 bhp పవర్ మరియు 95 Nm టార్క్‌ను ఉత్పత్తి చేస్తుంది. టిగోర్ పెట్రోల్ వేరియంట్ 19.60 kmpl మైలేజీని అందిస్తుంది. CNG వేరియంట్ 28.06 kmpl మైలేజీని అందిస్తుందని కంపెనీ పేర్కొంది.

2025 టాటా టిగోర్ XZ ప్లస్ లక్స్ ఎక్స్టీరియర్‌తో పాటు, ఇంటీరియర్ కూడా చాలా అందంగా ఉంది. లోపల, ఇది 10.25-అంగుళాల ఫ్లోటింగ్ టచ్‌స్క్రీన్ ఇన్ఫోటైన్‌మెంట్ సిస్టమ్, పుష్-బటన్ స్టార్ట్/స్టాప్, ఆండ్రాయిడ్ ఆటో, ఆపిల్ కార్‌ప్లే, టైప్-సి ఛార్జింగ్ పోర్ట్, లెదర్‌తో చుట్టబడిన స్టీరింగ్ వీల్, కంఫర్ట్ సీట్లు, ఆటోమేటిక్ క్లైమేట్ కంట్రోల్ మరియు అనేక ఇతర సౌకర్యాలను కలిగి ఉంది. టాటా ప్రయాణీకుల భద్రతకు కూడా ప్రాధాన్యత ఇచ్చింది. టిగోర్ XZ ప్లస్ లక్స్ టైర్ ప్రెజర్ మానిటరింగ్ సిస్టమ్ (TPMS), హిల్ హోల్డ్ కంట్రోల్ (HHC), ఎలక్ట్రానిక్ స్టెబిలిటీ ప్రోగ్రామ్ (ESP) మరియు ఆల్ రౌండ్ విజిబిలిటీ కోసం 360-డిగ్రీ కెమెరా వంటి లక్షణాలతో వస్తుంది.