ఈ రోజుల్లో మన జీవితం గందరగోళంగా మారిపోయింది. ఉదయం నుండి రాత్రి వరకు పరుగులు… ఉద్యోగం, ఇంటి పనులు, బిజినెస్ — ఇలా రోజూ ఒత్తిడితో నిండిపోయిన జీవితం. దీంట్లో మన ఆరోగ్యంపై శ్రద్ధ పెట్టడానికి సమయమే లేకుండా పోతోంది. కానీ, ఆరోగ్యమే మహాభాగ్యం అని మన పెద్దలు ఎప్పుడో చెప్పారు. మనం రోజూ చేసే చిన్న చిన్న అలవాట్లే మన ఆరోగ్యాన్ని నిలబెడతాయి. అలాంటి అలవాట్లలో ఒక్కటే కానీ ఎంతో శక్తివంతమైనది – బార్లీ నీరు తాగే అలవాటు.
బార్లీ అంటేనే చాలా మంది చిన్నగా తీసుకుంటారు. కానీ ఇది మీ శరీరానికి సరసమైన మందు. బార్లీ నీరు అనేది ఆయుర్వేదంలో అత్యంత విలువైన ఔషధంగా పరిగణించబడుతోంది. మీరు ప్రతి ఉదయం ఖాళీ కడుపుతో ఒక్క గ్లాస్ బార్లీ నీరు తాగితే… ఆ ఒక్క అలవాటు వల్లే మీ శరీరంలో ఎంతో మార్పు కనిపిస్తుంది. ఇది ఒక వేళ నిత్యం కొనసాగితే అయితే… మీ శరీరానికి అవసరమైన శుభ్రత, శక్తి, ఆరోగ్యం అన్నీ కళ్ళకు కనిపించేలా మారతాయి.
బార్లీ నీరు తాగడం వల్ల మొదటిగా జరగేది మీ శరీరంలో డీటాక్స్. అంటే లోపల ఉన్న హానికరమైన టాక్సిన్లు బార్లీ నీటి సహాయంతో బయటకి వెళ్ళిపోతాయి. అలా శరీరాన్ని ఒక శుభ్రమైన యంత్రంలా మార్చేస్తుంది. రోజూ బయట తినే భోజనం, పొల్యూషన్, ఒత్తిడి వల్ల శరీరంలో పేరుకుపోయే మలినాలు మీకు తెలియకుండానే అనేక రకాల సమస్యలు తెచ్చిపెడతాయి. కానీ బార్లీ నీరు తాగడం వల్ల ఇవన్నీ సాఫీగా శుద్ధి అవుతాయి.
[news_related_post]ఇంకా బార్లీ నీటిలో పుష్కలంగా ఉండే ఫైబర్ వల్ల జీర్ణక్రియ బాగా జరుగుతుంది. మీరు తరచుగా అజీర్తి, మలబద్ధకం, గ్యాస్, గుండెల్లో మంట లాంటి సమస్యలతో బాధపడుతున్నారా? అయితే ఇది మీకు ఓ వరం లాంటిది. ఎందుకంటే బార్లీ నీరు ఆ సమస్యలను సహజంగా తగ్గించడంలో అద్భుతంగా పనిచేస్తుంది. దీని వల్ల మీ పేగులలో జీవక్రియలు సరిగ్గా జరిగి తేలికగా లాఘవంగా అనిపిస్తుంది.
ఇంకొక అద్భుతమైన ప్రయోజనం ఏమిటంటే ఇది మూత్రపిండాలకు ఎంతో మేలు చేస్తుంది. బార్లీ నీటిని తాగడం వల్ల మూత్రపిండాల మీదికి ఒత్తిడి తగ్గుతుంది. అక్కడ పేరుకుపోయే మలినాలు, వాడిపోయిన ఖనిజాలు శరీరం నుంచి బయటకి పోతాయి. దీని వల్ల మూత్రపిండాల్లో రాళ్లు ఏర్పడే అవకాశాలు చాలా తక్కువ అవుతాయి. అలాగే మూత్రనాళ ఇన్ఫెక్షన్లు కూడా తగ్గుతాయి. ఇదంతా రసాయన మందులూ లేకుండా, ప్రాకృతికంగా జరుగుతుంది.
మీరేమన్నా బరువు తగ్గాలని చూస్తున్నారా? ఫిట్‌గా, యాక్టివ్‌గా కనిపించాలని కోరిక ఉందా? అయితే బార్లీ నీరు మీకు స్నేహితుడిలా ఉంటుంది. ఇది చెడు కొలెస్ట్రాల్‌ను తగ్గిస్తుంది. ట్రైగ్లిసెరైడ్లను తగ్గించి శరీరంలో కొవ్వును కరిగిస్తుంది. ముఖ్యంగా పొట్ట చుట్టూ పేరుకుపోయే కొవ్వును తగ్గించడంలో ఇది అద్భుతంగా పనిచేస్తుంది. బార్లీ నీరు తాగినప్పుడు మనం ఎక్కువసేపు ఆకలిగా అనిపించకుండా ఉంటుంది. దీనివల్ల తినే ఆహారం పరిమితమవుతుంది. దీని వల్ల బరువు తగ్గే ప్రక్రియ సహజంగా జరుగుతుంది.
ఇంకా ఇది వేసవికాలంలో శరీరాన్ని చల్లగా ఉంచే ఔషధంగా పనిచేస్తుంది. డీహైడ్రేషన్ సమస్యలను నివారిస్తుంది. ఎండలో ఎక్కువసేపు ఉండే వాళ్లకు ఇది దేవుడిచ్చిన బహుమతిలా ఉంటుంది. శరీరంలో నీటి స్థాయిలు సమతుల్యంగా ఉంచి.. ఎలక్ట్రోలైట్ బ్యాలెన్స్‌ను మెరుగుపరుస్తుంది.
ఒక్క విషయం చెప్పాలి, బార్లీ నీరు గుండె ఆరోగ్యాన్ని కూడా మెరుగుపరుస్తుంది. అధిక రక్తపోటుతో బాధపడే వారు బార్లీ నీరు తాగితే బిపి నియంత్రణలోకి వస్తుంది. అధిక ప్రెషర్ వల్ల గుండెకు వచ్చే ప్రమాదాలను తగ్గిస్తుంది. గుండె మితంగా పనిచేస్తుంది. దీని వల్ల హార్ట్ టెన్షన్ తగ్గి ఆరోగ్యంగా ఉంటారు.
ఇంకా ఒక అద్భుతమైన విషయం ఏమిటంటే, ఇది డయాబెటిస్ ఉన్నవారికి చాలా ఉపయోగపడుతుంది. బార్లీలో ఎక్కువ ఫైబర్ ఉండటం వల్ల… అది రక్తంలో చక్కెర స్థాయిలను క్రమంగా పెరిగేలా చేస్తుంది. ఈ ఫైబర్ మెల్లిగా అణవ్వగలిగే కాబోలు.. శరీరానికి హాని లేకుండా, అవసరమైన మోతాదులో శక్తిని అందిస్తుంది. రక్తంలో షుగర్ లెవల్స్‌ను నియంత్రించడంలో ఇది అద్భుతంగా పనిచేస్తుంది.
బార్లీ నీటిని ఇంట్లో తయారు చేయడం చాలా సులభం. ఒక గ్లాస్ నీటిలో ఒక టీస్పూన్ బార్లీ గింజలు వేసి రాత్రంతా నానబెట్టి పెట్టాలి. మరుసటి రోజు ఉదయం ఆ నీటిని మరిగించి.. గోరువెచ్చగా ఉండగా తాగాలి. కొంతషమందికి బాగా మరిగించి, నీటిలో బార్లీ పొడిని కలిపి తాగడం కూడా బాగుంటుంది. రెండు విధానాల్లో ఏది మీకు సౌకర్యంగా ఉంటే అది పాటించండి. కానీ, ఒకే ఒక్క విషయం గుర్తుంచుకోండి — దీన్ని ఖాళీ కడుపుతో తాగితేనే పూర్తి ప్రయోజనం లభిస్తుంది.
ఇప్పటికైనా ఆలస్యం చేయకండి. ప్రతి ఉదయం ఖాళీ కడుపుతో ఒక గ్లాస్ బార్లీ నీరు తాగే అలవాటు పెట్టుకోండి. ఒక్క వారంలో మీ శరీరంలో జరిగే మార్పులు మీరు చూసి ఆశ్చర్యపోతారు. లోపలి మురికి, టాక్సిన్స్, చెడు కొవ్వు అన్నీ శుభ్రమైపోతాయి. మీకు లైట్‌గా అనిపిస్తుంది. బరువు తగ్గిన ఫీలింగ్ వస్తుంది. శరీరమే కాకుండా మానసికంగా కూడా ఎంతో రీఫ్రెష్‌డ్‌గా ఉంటారు.
ఇంతకీ బార్లీ నీరు తాగే అలవాటు మీరు ఇప్పటికైనా మొదలుపెడతారా? లేక శరీరాన్ని రసాయనాలతో నింపుకుంటూ ఆరోగ్యం కోల్పోతారా? ఎంపిక మీ చేతిలో ఉంది. కానీ ఆరోగ్యంగా ఉండాలంటే ఈ చిన్న అలవాటు వల్ల జరిగే అద్భుతం మీరే అనుభవించాలి!
