థియేటర్‌లో సినిమా మొదలయ్యే ముందు పొగతాగడం ఆరోగ్యానికి హానికరం అని ప్రచారం చేస్తుంటారు. అయితే ఆ అలవాటును ఎంతమంది మార్చుకుంటారో దేవుడికే తెలియాలి. ధూమపానం వల్ల శ్వాసకోశ వ్యాధులు, గుండె జబ్బులు, కేన్సర్లు వస్తాయని హెచ్చరికలు వింటున్నవారు తక్కువ. వీటితో పాటు సిగరెట్ పొగ సెక్స్ లైఫ్‌పై ప్రభావం చూపుతుందని నిపుణులు హెచ్చరిస్తున్నారు. ఇది పురుషులు మరియు స్త్రీలను ప్రభావితం చేస్తుందని ఒక హెచ్చరిక ఇవ్వబడింది. పొగాకు వాడకం రొమాంటిక్ జీవితాన్ని నాశనం చేస్తుందనే వాస్తవాన్ని తక్కువగా అంచనా వేస్తారు. సెక్స్ తర్వాత సిగరెట్ తాగే అలవాటు ఉన్నవారిపై మరింత ప్రతికూల ప్రభావం చూపుతుందని నిపుణులు చెబుతున్నారు..పొగాకు వాడకం వల్ల ఏం జరుగుతుందో వివరిస్తున్నారు.
పొగాకులోని నికోటిన్ అనే మత్తుపదార్థం రక్తనాళాలు కుంచించుకుపోయేలా చేస్తుంది. ఇది జననేంద్రియాలతో సహా శరీరం అంతటా రక్త ప్రసరణను తగ్గిస్తుంది. దీని వల్ల పురుషుల్లో అంగస్తంభన సమస్యలు తలెత్తితే, మహిళల్లో యోని పొడిబారుతుంది. లూబ్రికేషన్, లైంగిక ప్రేరేపణ తగ్గుతుంది..సెక్స్ డ్రైవ్ కూడా తగ్గుతుంది. సంతానోత్పత్తి సమస్యల ఫలితంగా, సంతానోత్పత్తి రేట్లు తగ్గుతాయి. గర్భం దాల్చే అవకాశాలు చాలా తక్కువ. మరియు పొగతాగేవారిలో రోగనిరోధక శక్తి తక్కువగా ఉండటం వల్ల లైంగికంగా సంక్రమించే వ్యాధులు సులభంగా వచ్చే ప్రమాదం ఉంది.
