SLBC సొరంగం ప్రమాదంలో సహాయక చర్యలను కొనసాగించాలని, నిరంతర పర్యవేక్షణ కోసం సీనియర్ IAS అధికారిని నియమించాలని తెలంగాణ ముఖ్యమంత్రి రేవంత్ రెడ్డి CSను ఆదేశించారు. ఈరోజు అసెంబ్లీ కమిటీ హాల్‌లో జరిగిన సమీక్షా సమావేశానికి మంత్రులు ఉత్తమ్ కుమార్ రెడ్డి, జూపల్లి కృష్ణారావు, CS శాంతికుమారి, సంబంధిత అధికారులు హాజరయ్యారు. ఈ సందర్భంగా, ఇప్పటివరకు జరిగిన సహాయక చర్యల పురోగతి గురించి సీఎం అధికారులను అడిగి తెలుసుకున్నారు. సహాయక చర్యలపై ఆర్మీ అధికారులు సీఎంకు పవర్ పాయింట్ ప్రజెంటేషన్ ఇచ్చారు.
ఈ సందర్భంగా సీఎం మాట్లాడుతూ.. కేంద్రం నుండి అవసరమైన అనుమతులు పొందాలని, నిపుణుల కమిటీ సూచనలు తీసుకొని సహాయక చర్యలు చేపట్టాలని సూచించారు. ఇదిలా ఉండగా SLBCలో సహాయక చర్యలు 32వ రోజుకు చేరుకున్నాయి. గత నెల 22న సొరంగంలో జరిగిన ప్రమాదంలో 8 మంది కార్మికులు గల్లంతయ్యారు. వారిలో గురుప్రీత్ సింగ్ మృతదేహం మాత్రమే కొన్ని రోజుల క్రితం కనుగొనబడింది. మిగిలిన 7 మందిని గుర్తించడానికి దేశంలోని అత్యుత్తమ సంస్థలతో సహాయక చర్యలు కొనసాగుతున్నాయి, కానీ ఎటువంటి పురోగతి లేదు. అయితే, SLBC సొరంగం ప్రమాదం దేశంలోనే అరుదైనదని నిపుణులు అంటున్నారు.
