బ్యాంకు ఉద్యోగం కోసం కలలు కంటున్న అభ్యర్థులకు కీలకమైన అప్‌డేట్ వచ్చింది. స్టేట్ బ్యాంక్ ఆఫ్ ఇండియా 13,000కి పైగా క్లర్క్ (కస్టమర్ సపోర్ట్ & సేల్స్) పోస్టుల భర్తీకి నోటిఫికేషన్ విడుదల చేసింది.
ఈ పోస్ట్‌ల కోసం దరఖాస్తు ప్రక్రియ ఈరోజు, డిసెంబర్ 17, 2024న ప్రారంభమవుతుంది. ఆసక్తి మరియు అర్హత ఉన్న అభ్యర్థులు అధికారిక వెబ్‌సైట్ sbi.co.in ని సందర్శించి ఆన్‌లైన్‌లో దరఖాస్తు చేసుకోవచ్చు.
విడుదల చేసిన సమాచారం ప్రకారం.. ఎస్బీఐ క్లరికల్‌ కేడర్‌లో 13,735 జూనియర్‌ అసోసియేట్‌ పోస్టులకు నియామకాలు చేపట్టనుంది. ఈ పోస్టులకు దరఖాస్తు ప్రక్రియ నేటి నుంచి ప్రారంభం కానుంది. అభ్యర్థులు జనవరి 7, 2025 వరకు ఆన్‌లైన్‌లో దరఖాస్తు చేసుకోవచ్చు. దరఖాస్తు చేసుకున్న అభ్యర్థులు ఫిబ్రవరి 2025లో ప్రిలిమ్స్ పరీక్షలో పాల్గొనే అవకాశం ఉంది. ప్రిలిమ్స్ పరీక్షలో ఉత్తీర్ణత సాధించిన అభ్యర్థులు మెయిన్స్ పరీక్షకు హాజరు కావాలి. ఇది మార్చి-ఏప్రిల్‌లో జరిగే అవకాశం ఉంది.
[news_related_post]ఎస్బీఐ విడుదల చేసిన సమాచారం ప్రకారం.. దరఖాస్తుదారులు కేంద్ర ప్రభుత్వం గుర్తింపు పొందిన యూనివర్సిటీ నుంచి ఏదైనా విభాగంలో గ్రాడ్యుయేట్ అయి ఉండాలి. అలాగే, విద్యార్హత గురించి మరింత సమాచారం కోసం, అభ్యర్థులు అధికారిక వెబ్‌సైట్‌ను సందర్శించాలి.
ఈ రిక్రూట్‌మెంట్ కోసం దరఖాస్తు చేసుకునే జనరల్/ఓబీసీ/ఈడబ్ల్యూఎస్ కేటగిరీకి దరఖాస్తు రుసుము రూ.750. SC/ST/PWBD/XS/DXS కేటగిరీ అభ్యర్థులు దరఖాస్తు రుసుము చెల్లించకుండా మినహాయించబడ్డారు.
ఫీజులను డెబిట్ కార్డ్/క్రెడిట్ కార్డ్/ఇంటర్నెట్ బ్యాంకింగ్ ఉపయోగించి చెల్లించవచ్చు. ఈ ఖాళీలకు సంబంధించి మరిన్ని వివరాల కోసం.. అభ్యర్థులు SBI అధికారిక వెబ్‌సైట్‌ను సందర్శించి అప్‌డేట్‌లను పొందవచ్చు.
