EDLI అంటే ఏమిటి?

•  EDLI అనేది EPFO ద్వారా అందించే జీవిత బీమా ప్రణాళిక.
•  1976లో భారత ప్రభుత్వం ప్రారంభించిన ఈ స్కీమ్ ద్వారా ఉద్యోగి మరణించినప్పుడు కుటుంబానికి ₹7 లక్షల వరకు బీమా లభిస్తుంది.
•  EPF ఖాతా కలిగిన ఉద్యోగులందరికీ ఈ బీమా కవర్ వర్తిస్తుంది.

EPFO తీసుకున్న 3 కీలక నిర్ణయాలు

1. కనీస బీమా రూ.50,000

•  ఉద్యోగి ఉద్యోగంలో చేరిన 1 ఏడాదిలోనే మరణిస్తే కూడా ఆ కుటుంబానికి కనీసం ₹50,000 బీమా లభిస్తుంది.
•  ఇంతకుముందు అలాంటి కుటుంబాలకు ఏ ఫిక్స్‌డ్ బీమా ఉండేది కాదు.

2.  ఉద్యోగి పేరు కంపెనీ రికార్డులో ఉంటే తప్పనిసరిగా బీమా

•  ఉద్యోగి ఖాతాలో కనీసం 6 నెలల పాటు EPF కాంట్రిబ్యూషన్ ఉంటే – ఆయన మరణించినా EDLI కింద కుటుంబానికి బీమా లభిస్తుంది.
•  ఇంతకు ముందు, ఉద్యోగి కొంత కాలం EPF కాంట్రిబ్యూట్ చేయకపోతే, కుటుంబానికి బీమా లభించేది కాదు.

3. ఉద్యోగ మార్పుల్లో గ్యాప్

•  ఉద్యోగం మారినప్పుడు 1-2 రోజుల గ్యాప్ ఉన్నా, ఉద్యోగి EPF కంటిన్యూస్ సర్వీస్‌లో లేడని పరిగణించేవారు.
•  దీని వల్ల ఆయన కుటుంబానికి కనీసం ₹2.5 లక్షల బీమా కూడా రానిది.
•  కానీ కొత్త రూల్స్ ప్రకారం ఇకపై 2 నెలల వరకూ గ్యాప్ ఉండినా, EPF కంటిన్యూస్ సర్వీస్‌గా పరిగణిస్తారు.
•  దీని వల్ల బీమా అర్హత కోల్పోకుండా కుటుంబానికి ₹7 లక్షల వరకు బీమా లభించే అవకాశముంది.

EDLI స్కీమ్ వల్ల మీకు కలిగే లాభాలు

1.  ఉద్యోగి మరణించినప్పుడు కుటుంబానికి భారీ మొత్తంలో బీమా.
2.  ప్రాసెస్ సులభతరం, ఫామ్ నెం.5 IF ద్వారా క్లెయిమ్ దాఖలు చేయొచ్చు.
3.  2 నెలల ఉద్యోగ గ్యాప్ ఉన్నా, బీమా అర్హత కోల్పోరు.
4.  ఉద్యోగంలో చేరిన వెంటనే కవర్ ప్రారంభం, కనీసం ₹50,000 లభించేది ఖాయం.

ఈ మార్పుల వల్ల ఎవరికీ ఎక్కువ లాభం?

•  EPFO ఉద్యోగులు – ఎవరికైనా ఆకస్మికంగా ఉద్యోగం మారినా, మరణించినా కుటుంబానికి బీమా లభిస్తుంది.
•  కార్మికులు – తక్కువ వేతనం ఉన్న ఉద్యోగులు కూడా ఈ బీమా ద్వారా భవిష్యత్తును సురక్షితం చేసుకోవచ్చు.
•  పెన్షనర్ల  కుటుంబాలు – EPF ఫండ్‌కి కాంట్రిబ్యూట్ చేసినవారు మరణించినా, కుటుంబ సభ్యులకు ఆర్థిక భద్రత.

 EPFO సభ్యులందరూ వెంటనే చెక్ చేసుకోవాలి…

•  మీ EPF ఖాతా యాక్టివ్ ఉందో లేదో చెక్ చేసుకోండి.
•  EDLI కవర్ కోసం కంపెనీ రికార్డులో మీ పేరు ఉందో లేదో తెలుసుకోండి.
•  బీమా పొందే అర్హతకు మీరు సరిపోతున్నారో లేదో EPFO పోర్టల్‌లో చెక్ చేసుకోండి.

ఈ కొత్త మార్పులు మీ భవిష్యత్తును మరింత భద్రంగా మార్చగలవు. కాబట్టి ఈ స్కీమ్‌ని పూర్తిగా అర్థం చేసుకుని, మీ కుటుంబ భద్రతను పెంచుకోండి.