1. ఫారిన్ ట్రావెల్‌కు ₹2 లక్షలకుపైగా ఖర్చు చేస్తే

•  విదేశీ ప్రయాణాలకు మీరు రూ.2 లక్షల కన్నా ఎక్కువ ఖర్చు పెడితే, మీ డేటా నేరుగా ఇన్‌కమ్ టాక్స్ డిపార్ట్‌మెంట్‌కు వెళ్తుంది.
•  మీరు ఈ ఖర్చును సరైన ఆదాయ వనరులతో సమర్థించలేకపోతే, నోటీసు రావడం ఖాయం
•  మీ ఆదాయానికి తగ్గట్లుగా ట్రావెల్ ఖర్చు ఉందో లేదో గుర్తించేందుకు, ఈ డిపార్ట్‌మెంట్ మీ ఖర్చులపై ప్రత్యేకంగా పర్యవేక్షిస్తుంది.

 2. క్రెడిట్ కార్డుపై రూ.2 లక్షలకుపైగా ఖర్చు చేస్తే

•  క్రెడిట్ కార్డుపై మీరు ఏటా రూ.2 లక్షలకు పైగా ఖర్చు పెడితే, మీ లావాదేవీలను ఇన్‌కమ్ టాక్స్ శాఖ పరిశీలిస్తుంది.
•  మీ ఆదాయానికి సరిపడేలా ఖర్చు చేస్తున్నారా? లేదా? అనే విషయాన్ని ట్యాక్స్ డిపార్ట్‌మెంట్ పరిశీలిస్తుంది.
•  మీ ఆదాయానికి మించి ఖర్చు చేస్తున్నట్లు గుర్తిస్తే, నోటీసు రావడం ఖాయం

 3. క్రెడిట్ కార్డు బిల్లు క్యాష్‌లో రూ.1 లక్షకు పైగా చెల్లిస్తే

•  మీరు క్రెడిట్ కార్డు బిల్లును క్యాష్‌లో రూ.1 లక్ష లేదా అంతకంటే ఎక్కువ చెల్లిస్తే, అది అనుమానాస్పద లావాదేవీగా పరిగణించబడుతుంది.
•  ఈ డబ్బు బ్లాక్ మనీనా? లేదా? అనేది పరిశీలించేందుకు, ఇన్‌కమ్ టాక్స్ డిపార్ట్‌మెంట్ విచారణ ప్రారంభిస్తుంది.
•  అధికారులు అనుమానం వస్తే, నోటీసు ఇచ్చి ఫైన్ లేదా పెనాల్టీ కూడా విధించవచ్చు.

 4. స్టాక్స్ & మ్యూచువల్ ఫండ్స్‌లో రూ.10 లక్షలకుపైగా పెట్టుబడి పెడితే…

•  మీరు స్టాక్స్, మ్యూచువల్ ఫండ్స్ లేదా బాండ్స్‌లలో రూ.10 లక్షలకు పైగా పెట్టుబడి పెడితే, ఇన్‌కమ్ టాక్స్ శాఖ దీనిపై నిశితంగా పరిశీలిస్తుంది.
•  ఈ పెట్టుబడికి మీ ఆదాయ వనరు సరిపోతుందా? లేదా? అనేది ప్రశ్నించ బడుతుంది.
• తగిన వివరాలతో సమర్థించలేకపోతే, నోటీసు వస్తుంది.

 5. రూ.30 లక్షలకు పైగా ప్రాపర్టీ కొనుగోలు చేస్తే

•  మీరు రూ.30 లక్షలకు పైగా విలువైన స్థిరాస్తిని కొనుగోలు చేస్తే, ఇన్‌కమ్ టాక్స్ శాఖ మీ లావాదేవీల గురించి ఆటోమేటిక్‌గా సమాచారం పొందుతుంది.
•  ఆ డబ్బు మీరు ఎక్కడి నుంచి తెచ్చారు? ఎటువంటి ఆదాయ వనరుల నుండి ఈ ప్రాపర్టీ కొనుగోలు చేశారనే అంశాలను విచారణ చేస్తుంది.
•  మీరు సరైన ఆదాయాన్ని చూపించకపోతే, నోటీసు రావడం ఖాయం.

 6. బ్యాంక్ అకౌంట్‌లో రూ.10 లక్షల కంటే ఎక్కువ క్యాష్ డిపాజిట్ చేస్తే

•  ఒకే అకౌంట్‌లో రూ.10 లక్షలకు పైగా నగదు డిపాజిట్ చేస్తే, బ్యాంక్ ఈ సమాచారాన్ని నేరుగా ఇన్‌కమ్ టాక్స్ శాఖకు పంపుతుంది.
•  ఈ డబ్బు లెజిట్‌మేట్ వనరుల నుండి వచ్చిందా? లేదా? అనే దానిపై డిపార్ట్‌మెంట్ విచారణ చేయొచ్చు.
•  కారణాలు సమర్థించకపోతే, నోటీసు రావడం ఖాయం.

 బిజినెస్ ట్రాన్సాక్షన్లు క్యాష్‌లో ₹50,000కు పైగా ఉంటే

•  వ్యాపార లావాదేవీలు క్యాష్‌లో ఎక్కువగా చేస్తే, ఇన్‌కమ్ టాక్స్ శాఖ మీపై కన్నేస్తుంది.
•  ₹50,000కి పైగా నగదు లావాదేవీలు ఉంటే, ఆ మొత్తాన్ని మీరు ఎక్కడి నుండి సంపాదించారో చెప్పాల్సి ఉంటుంది.
•  మీ ఆదాయపు రిటర్న్స్‌లో దీన్ని క్లియర్‌గా చూపించకపోతే, నోటీసు రావడం ఖాయం. 

ఈ తప్పిదాలు చేస్తే మీపై కేసు పడొచ్చు

•  అనవసరమైన ఇన్‌కమ్ టాక్స్ నోటీసులు రాకుండా ఉండాలంటే, ప్రతి లావాదేవీపై జాగ్రత్తగా ఉండండి.
•  మీ ఆదాయానికి మించి ఖర్చు చేస్తున్నారా? లేదా? అనే విషయాన్ని అర్థం చేసుకుని ముందుగా ప్లాన్ చేసుకోండి.
•  నియమాలను పాటించకపోతే, జరిమానాలు, పెనాల్టీలు తప్పవు.

కాబట్టి, ఇప్పుడు మీ లావాదేవీలను సరిగ్గా చెక్ చేసుకోండి, ఇన్‌కమ్ టాక్స్ నోటీసులు రాకుండా ఉండండి.