Mahindra XUV700 | Internet Desk : ప్రముఖ ఆటోమొబైల్ కంపెనీ మహీంద్రా అండ్ మహీంద్రా SUV XUV 700 AX7 వాహన శ్రేణి ధరలను తగ్గించింది. Mahindra and Mahindra XUV మార్కెట్లోకి విడుదలై మూడేళ్లు పూర్తి చేసుకున్న నేపథ్యంలో కొత్త ధరలను ప్రకటించింది. మార్కెట్లోకి ప్రవేశించిన వెంటనే, ఈ మోడల్ మంచి ఆదరణ పొందింది మరియు ఇటీవల 2 లక్షల యూనిట్ల అమ్మకాలను నమోదు చేసింది.
AX7 వేరియంట్ ధరలు రూ. 19.49 లక్షల (ex-showroom) నుండి ప్రారంభమవుతాయి. గతంలో ఈ వేరియంట్ ప్రారంభ ధర రూ.21.54 లక్షలు. ఎంపిక చేసిన వేరియంట్‌లపై గరిష్టంగా రూ. 2.2 లక్షల తగ్గింపు లభిస్తుంది. కొత్త ధరలు July 10 నుంచి అందుబాటులోకి రానున్నాయి.
ఈ ధరలు నాలుగు నెలల వరకు మాత్రమే అందుబాటులో ఉంటాయనిMahindra and Mahindra తెలిపింది. ఇటీవల, డీప్ ఫారెస్ట్ మరియు బర్న్ట్ సియెన్నా పెయింట్ ఎంపికలు కూడా ఈ మోడల్‌లో ప్రవేశపెట్టబడ్డాయి. XUV 700 AX7 శ్రేణి అడాప్టివ్ క్రూయిజ్ కంట్రోల్‌తో కూడిన ADAS లెవెల్ 2 వంటి అధునాతన భద్రతా లక్షణాలతో వస్తుంది.
