2025 సంవత్సరానికి ఫోల్డబుల్ ఫోన్ల ప్రపంచంలో సామ్‌సంగ్ మరోసారి దుమ్ము దులిపేలా రెండు అదిరిపోయే మోడళ్లను మార్కెట్లోకి తీసుకొచ్చింది. అవే Galaxy Z Fold 7 మరియు Galaxy Z Flip 7. ఈ రెండు ఫోన్లు ఒకదానికొకటి భిన్నంగా ఉన్నా కూడా, వీటిద్దరిలో ఉన్న స్పెక్స్‌, డిజైన్‌, టెక్నాలజీ వాడకం ప్రతీ ఒక్కరినీ ఆకట్టుకుంటున్నాయి. ఒక్కటీ కామన్ – ఈ రెండింటిలో ఏదైనా మీ చేతిలో ఉండాలంటే, మీ జేబులో ₹1,09,999 లేదా ₹1,74,999 పెట్టుబడి అవసరం. కానీ పెట్టే డబ్బుకు ఆఖరి వరకు విలువ దక్కేలా Samsung ఈ ఫోల్డబుల్ మాస్టర్స్‌ ను తీసుకొచ్చింది.
Galaxy Z Fold 7 అంటే ఒక చిన్న బుక్‌లా ఉంటుంది. ఇది ఓపెన్ చేసిన తర్వాత ఓ పెద్ద టాబ్లెట్‌గా మారుతుంది. ఇది ఓ టైప్‌లో ప్రొఫెషనల్ లుక్క్ ఇస్తే, Z Flip 7 చిన్నదిగా, ఫ్యాషన్ మూడ్‌తో వస్తుంది. మీరు క్యూట్‌గా స్టైలిష్‌గా కనిపించాలనుకుంటే Flip 7 బెస్ట్. కానీ పని విషయాల్లో, ఎక్కువ స్పేస్ కావాలంటే, మల్టీటాస్కింగ్ ఎక్కువైతే, Fold 7నే అసలైన దారి.
Galaxy Z Fold 7 ఓపెన్ చేస్తే 8 అంగుళాల భారీ డిస్‌ప్లే అందుతుంది. మీరు వీడియోలు చూస్తున్నా, డాక్యుమెంట్లు రెడీ చేస్తున్నా, స్క్రోల్ చేస్తున్నా – అద్భుతమైన అనుభవం. కవర్ డిస్‌ప్లే కూడా 6.5 అంగుళాల స్క్రీన్‌తో, ఫోన్ మూసివేసినా ఫుల్ మొబైల్ అనుభవాన్ని ఇస్తుంది. Flip 7లో మాత్రం 4.1 అంగుళాల చిన్న FlexWindow ఉంటుంది. కానీ ఈసారి ఇందులో చాలా కొత్త AI ఫీచర్లు, టచ్ కెపబిలిటీస్ తో వచ్చింది. మీకు చిన్న స్క్రీన్ సరిపోతే – Flip 7లో స్టైల్‌తో టెక్నాలజీ మేళవింపే.
[news_related_post]Galaxy Z Fold 7లో Snapdragon 8 Elite చిప్ ఉంటుంది. ఇది అత్యంత పవర్‌ఫుల్ చిప్. పెద్ద స్క్రీన్, హై ఎండ్ యాప్‌ల వాడకం కోసం ఇది అవసరం. ఇక Flip 7లో Samsung స్వంతంగా రూపొందించిన Exynos 2500 ఉంటుంది. ఇది చిన్న పనుల కోసం పర్ఫెక్ట్. డే టు డే యూజ్, సోషల్ మీడియా, చిన్న గేమింగ్ అవసరాలకు సరిపోతుంది. కానీ మీరు ప్రొడక్షన్ పనులు చేస్తే, గేమింగ్ లేదా మల్టీటాస్కింగ్ ఎక్కువగా ఉంటే, Fold 7 బెస్ట్ ఎంపిక.
Fold 7లో 200MP ప్రైమరీ కెమెరా ఉంటుంది. దీని వల్ల ఫోటో డిటెయిల్స్ అద్భుతంగా వస్తాయి. దీనితో పాటు 12MP అల్ట్రా వైడ్, 10MP టెలిఫోటో కెమెరాలు ఉంటాయి. ఇది కెమెరా ప్రేమికులకు ఓ డ్రీమ్. Flip 7లో అలాంటి హై ఎండ్ లెన్సులు లేనప్పటికీ, ఇందులో ఉన్న AI ProVisual Engine, రియల్ టైం ఫిల్టర్లు ఫోటోలు తీసేటప్పుడు నూటికి నూరు అవుట్‌పుట్ ఇస్తాయి. ఫొటోలు షేర్ చేయడం, స్టోరీల పిచ్చి ఉన్నవాళ్లకు Flip 7 చాలిపోతుంది.
Galaxy Z Fold 7లో 4,400mAh బ్యాటరీ ఉంది. Flip 7లో 4,300mAh బ్యాటరీ. ఇద్దరిలోనూ 25W ఫాస్ట్ చార్జింగ్, వైర్లెస్ చార్జింగ్ సపోర్ట్ ఉంటుంది. బ్యాటరీ పరంగా పెద్ద తేడా లేదు కానీ, పెద్ద స్క్రీన్ అయిన Fold 7 బ్యాటరీ ఎక్కువగా వాడుతుంది. అంతిమంగా usage ఆధారంగా చూడాలి.
Galaxy Z Fold 7 ధర సుమారు ₹1,74,999. ఇది పెద్ద పెట్టుబడి అయినప్పటికీ, మీరు పెద్ద స్క్రీన్, హై లెవల్ ఫీచర్లు కోరుకునేవాళ్లైతే ఇది worth every rupee. Flip 7 ధర ₹1,09,999. ఇది స్టైల్, క్యారీ చేయడంలో ఈజీ, అలాగే రోజువారి వినియోగం కోసం సరిగ్గా సరిపోతుంది. మీరు బడ్జెట్‌ను పరిగణనలోకి తీసుకుంటే Flip 7 బెస్ట్ ఎంపిక. కానీ మల్టీటాస్కింగ్‌కి, ప్రొడక్షన్ పనులకు Fold 7నే మెరుగైన ఎంపిక.
Galaxy Z Fold 7 అనేది ప్రొ ఫోన్ యూజర్ల కోసం తయారైంది. ఎక్కువ పని, పెద్ద స్క్రీన్ అవసరమయ్యే వాళ్లకు ఇది అద్భుతం. అదే సమయంలో, Galaxy Z Flip 7 అనేది స్టైలిష్, స్లిమ్ డిజైన్‌తో నడిచే ఫ్యాషన్ లవర్స్‌, సోషల్ మీడియా యాక్టివ్ యూజర్ల కోసం. ప్రతి ఒక్కరి అవసరానికి ఒక ఎంపిక ఉంది. మీ బడ్జెట్, మీ usage చూసుకుని ఏది మీకు బెస్ట్ అనిపిస్తే అది తీసుకోండి.
