ప్రైవేట్ ఉద్యోగాల్లో పనిచేస్తున్నవారు తరచూ ఉద్యోగాలను మారుస్తూ ఉంటారు. ఒక కంపెనీ నుంచి వెళ్లి మరో కంపెనీలో చేరడం సాధారణమే. కానీ ఈ మార్పు మీ EPF ఖాతాలో పెద్ద గందరగోళాన్ని తెస్తుంది. ముఖ్యంగా కొన్ని కంపెనీలు తమ సొంతంగా PF ట్రస్ట్ నిర్వహిస్తుంటే ఈ సమస్యలు ఎక్కువగా వస్తాయి.
చాలా పెద్ద కంపెనీలు తమ ఉద్యోగుల EPF మొత్తాన్ని EPFOకి పంపకుండా, తమ సొంత PF ట్రస్ట్ ద్వారా నిర్వహిస్తాయి. అంటే ఉద్యోగి జీతం నుంచి కట్ అయ్యే EPF డబ్బు, కంపెనీ దగ్గరే ఉంచుతారు. కానీ పెన్షన్ భాగమైన EPSని మాత్రమే EPFOకి పంపిస్తారు. ఇక్కడే గందరగోళం మొదలవుతుంది. ఒక ఉద్యోగి ఒక కంపెనీని వదిలి మరో కంపెనీలో చేరినప్పుడు, అతని EPF డబ్బు పాత కంపెనీ నుంచి కొత్త కంపెనీకి ట్రాన్స్‌ఫర్ చేయాలి. దీనికి ఒక ఫిక్స్‌డ్ ప్రాసెస్ ఉంటుంది. కానీ ఇందులో చిన్న పొరపాట్లు కూడా పెద్ద నష్టాన్ని కలిగించవచ్చు.
ఒక రియల్ కేస్‌ స్టడీ చూస్తే, ఒక కంపెనీ ఉద్యోగి యొక్క అసలు జాయినింగ్ డేట్‌ను తప్పుగా నమోదు చేసింది. రిజిస్టర్ చేయాల్సిన అసలైన తేదీ బదులు, PF ట్రాన్స్‌ఫర్ అయిన తేదీని జాయినింగ్ డేట్‌గా అప్‌లోడ్ చేసింది. ఫలితం ఏమయ్యింది అంటే – EPFO సిస్టమ్ ఆ PF ట్రాన్స్‌ఫర్ డేట్‌ను ఉద్యోగి చేరిన రోజుగా పరిగణించింది. దీంతో ఉద్యోగికి వచ్చిన నష్టం ఏంటంటే – 15 సంవత్సరాల సర్వీస్ రికార్డ్ పోయింది. EPFO రికార్డులో ఉద్యోగం కొత్తగా మొదలైనట్టు కనిపించడంతో, అతని EPS పెన్షన్ పూర్తిగా రద్దయ్యింది. ఎందుకంటే EPS నుంచి పెన్షన్ పొందాలంటే కనీసం 10 సంవత్సరాల సేవ అవసరం. ఇది చాలా చిన్న తప్పు అయినా, దీనివల్ల ఉద్యోగి మిలియన్ల రూపాయల పెన్షన్ కోల్పోయాడు. అంతే కాదు, అతని PF ట్రాన్స్‌ఫర్ మరియు విత్‌డ్రాయల్ క్లెయిమ్ కూడా నిలిపేశారు.
[news_related_post]చాలామందికి ఈ విషయం తెలియకుండానే, వాళ్ల డేటాలో పుట్టిన తేదీ తప్పుగా ఉంటుంది. ఇది కూడా భారీ నష్టం తెస్తుంది. మీ DOB తప్పుగా ఉంటే, పెన్షన్ ఆగిపోతుంది. మీరు చేసే PF విత్‌డ్రాయల్ లేదా ట్రాన్స్‌ఫర్ కూడా తిరస్కరించబడుతుంది.
EPFO ఇప్పుడు ఉద్యోగులకు వారి వివరాలను సరిచేసుకోవడానికి సులభమైన మార్గాలు కల్పించింది. మీరు EPFO అధికారిక వెబ్‌సైట్‌కు వెళ్లి మీ యూజర్ ఐడీతో లాగిన్ అయి, మీ పాస్‌బుక్ వివరాలు, జాయినింగ్ డేట్, పుట్టిన తేదీ, ప్రతి నెలా జమవుతున్న మొత్తాన్ని చెక్ చేయాలి. ఏవైనా వివరాలు తప్పుగా ఉంటే వెంటనే సరిచేసే ప్రక్రియ మొదలుపెట్టాలి. కంపెనీతో మాట్లాడాలి. అవసరమైతే ఫారం-5, ఫారం-11 వంటి డాక్యుమెంట్స్ అందించాలి. ఇది సకాలంలో చేయకపోతే మీరు రిటైర్మెంట్‌కి దగ్గరయ్యే నాటికి EPS పెన్షన్ తీసుకోవడం అసాధ్యం అవుతుంది. ఎంత డబ్బు పెట్టుకున్నా, సరైన రికార్డులు లేకపోతే ఉపయోగం ఉండదు.
EPSలో పెన్షన్ రావాలంటే కనీసం 10 సంవత్సరాల సేవ అవసరం. మీరు మధ్యలో కంపెనీ మార్చినా, మీ మొత్తం సర్వీస్ పీరియడ్ కలిపి 10 సంవత్సరాలు కావాలి. కానీ ఒకసారి డేటా తప్పుగా నమోదు అయితే, మొత్తం కాలం పోతుంది. అది సరిచేయకపోతే మీరు కనీస పెన్షన్‌కు కూడా అర్హత పొందరు. మీరు ఏ ప్రైవేట్ కంపెనీలో అయినా పని చేస్తున్నా, మీ EPF డీటెయిల్స్‌ను కనీసం నెలకోసారి చెక్ చేయండి. జాయినింగ్ డేట్ సరియైనదా? పుట్టిన తేదీ కరెక్ట్‌గా ఉందా? ప్రతి నెలా జమవుతున్న డబ్బు కరెక్ట్‌గా ఉందా? అన్నీ స్పష్టంగా చూడండి.
చిన్న తప్పుతో లక్షల రూపాయల నష్టం కాకూడదంటే, మీరు అప్రమత్తంగా ఉండాల్సిందే. అప్పుడే మీ రిటైర్మెంట్ సేఫ్. మీరు పెట్టిన డబ్బు లాభాలతో వచ్చేలా చూసుకోవాలి. ప్రతి ఉద్యోగి కూడా ఇది తప్పకుండా చదవాలి, పాటించాలి.
