2025-26 కొత్త ఆర్థిక సంవత్సరం ప్రారంభమైంది. ఈ సమయంలో ఉద్యోగులు తప్పకుండా చేయాల్సిన పని ఏమిటంటే—తమ ట్యాక్స్ సేవింగ్ ఇన్వెస్ట్‌మెంట్‌ల గురించి కంపెనీకి సమాచారం ఇవ్వడం. అలాగే మీరు ఏ ట్యాక్స్ రీజీమ్ ఎంచుకుంటున్నారో స్పష్టంగా చెప్పాలి. ఇలా చెయ్యకపోతే ఆటోమేటిక్‌గా న్యూ ట్యాక్స్ రీజీమ్‌కు వెళ్తారు. ఇది చాలా మందికి ట్యాక్స్ మినహాయింపులు ఇవ్వదు కాబట్టి పాత రీజీమ్‌నే చాలామంది ఎంపిక చేస్తున్నారు. మీరు కూడా పాత రీజీమ్‌లోనే ఉండాలనుకుంటే, ఈ టాప్ ట్యాక్స్ సేవింగ్ స్కీమ్స్ తప్పకుండా తెలుసుకోండి.
సెక్షన్ 80C కింద ట్యాక్స్ మినహాయింపు స్కీమ్స్:
EPF (ఎంప్లాయీస్ ప్రావిడెంట్ ఫండ్): ఉద్యోగస్తుల కోసం తప్పనిసరి సేవింగ్ ప్లాన్. ఉద్యోగి భాగస్వామ్యం సెక్షన్ 80C కింద ట్యాక్స్ మినహాయింపుగా లభిస్తుంది.
PPF (పబ్లిక్ ప్రావిడెంట్ ఫండ్): ఈ ప్రభుత్వ స్కీమ్‌లో ప్రస్తుతం 7.1% వడ్డీ వస్తోంది. దీని లాభం పూర్తిగా ట్యాక్స్ ఫ్రీ. దీర్ఘకాలిక పెట్టుబడి కోసం బాగా ఉపయోగపడుతుంది.
[news_related_post]సుకన్య సమృద్ధి యోజన: 10 ఏళ్ల లోపు ఉన్న బాలికల కోసం రూపొందించిన స్కీమ్. 8.2% వడ్డీ లభిస్తుంది. డిపాజిట్ చేసిన మొత్తానికి, వడ్డీకీ ట్యాక్స్ మినహాయింపు ఉంటుంది.
వృద్ధుల కోసం SCSS: 60 ఏళ్లు పైబడ్డ వారికి రూపొందించిన స్కీమ్. ఇందులో కూడా 8.2% వడ్డీ లభిస్తుంది. ఇది ఒక భద్రమైన పెట్టుబడి.
NPS (నేషనల్ పెన్షన్ స్కీమ్): ఈ మార్కెట్ లింక్‌డ్ పెన్షన్ ప్లాన్ ద్వారా ప్రతి ఏడాది ₹2 లక్షల వరకు ట్యాక్స్ మినహాయింపు పొందవచ్చు. మేచ్యూరిటీ టైమ్‌లో 60% డబ్బు ట్యాక్స్ ఫ్రీగా తీసుకోవచ్చు.
ELSS మ్యూచువల్ ఫండ్స్: 3 ఏళ్ల లాక్-ఇన్‌తో వచ్చే మ్యూచువల్ ఫండ్‌లు. వీటిపై సెక్షన్ 80C కింద ట్యాక్స్ మినహాయింపు లభిస్తుంది. ఎక్కువ రిటర్న్స్ కావాలనుకునే వారికి బెస్ట్ ఆప్షన్.
ట్యాక్స్ సేవింగ్ FDలు: 5 ఏళ్ల లాక్-ఇన్‌తో వచ్చే ఫిక్స్డ్ డిపాజిట్‌లు. డిపాజిట్ చేసిన మొత్తానికి మినహాయింపు లభిస్తుంది కానీ వడ్డీపై ట్యాక్స్ ఉంటుంది.
హోం లోన్ EMI – ప్రిన్సిపల్: మీ EMIలో ప్రిన్సిపల్ భాగాన్ని సెక్షన్ 80C కింద క్లెయిమ్ చేసుకోవచ్చు.
హోం లోన్ వడ్డీపై మినహాయింపు (Section 24b): ఒక ఆర్థిక సంవత్సరంలో ₹2 లక్షల వరకు వడ్డీపై ట్యాక్స్ మినహాయింపు పొందవచ్చు.
ఎడ్యుకేషన్ లోన్ వడ్డీపై మినహాయింపు (Section 80E): మీ లేదా మీ పిల్లల కోసం తీసుకున్న విద్యా రుణం వడ్డీ మొత్తం మీద ట్యాక్స్ మినహాయింపు లభిస్తుంది. ఇది 8 సంవత్సరాల పాటు వర్తిస్తుంది.
లైఫ్ ఇన్సూరెన్స్ ప్రీమియంపై మినహాయింపు: జీవిత బీమా ప్రీమియంలపై కూడా సెక్షన్ 80C కింద ₹1.5 లక్షల వరకు ట్యాక్స్ మినహాయింపు పొందవచ్చు.
ఈ కొత్త ఆర్థిక సంవత్సరం ప్రారంభంలోనే మీ ట్యాక్స్ ప్లాన్ చేయడం ద్వారా ₹12 లక్షల వరకు ట్యాక్స్ ఫ్రీ ఆదాయం పొందవచ్చు. సరైన ఇన్వెస్ట్‌మెంట్ ఎంపికలు చేసి ట్యాక్స్‌ను సేవ్ చేయండి, భవిష్యత్‌ను భద్రపరచండి.
