ఇవాళ్టి రోజుల్లో ప్రతి ఒక్కరికి ఓ ఇల్లు కావాలన్న కోరిక ఉంటుంది. కానీ ఇంటి ధరలు రోజురోజుకీ పెరుగుతుండటంతో, సామాన్యులకి పెద్ద తలనొప్పి అయిపోతుంది. అందుకే చాలామంది హోమ్ లోన్ తీసుకుంటున్నారు. కానీ ఈ లోన్ ఓ సేపటి తర్వాత భారంగా మారుతుంది. ప్రతి నెల జీతంలో అధిక భాగం EMIకి పోయే పరిస్థితి రావడంతో, ఆర్థిక ఒత్తిడికి లోనవుతుంటారు.
ఏం చేయాలి?
కానీ కొంత స్మార్ట్ ప్లానింగ్ ఉంటే, ఈ హోమ్ లోన్‌ని ముందుగానే పూర్తి చేయవచ్చు. ఈ పోస్టులో మీకు కొన్ని సులభమైన టిప్స్ చెబుతున్నాం, ఇవి ఫాలో అయితే మీరు వడ్డీ భారం తగ్గించుకుని, హోమ్ లోన్‌ను త్వరగా క్లోజ్ చేయగలుగుతారు.
మొదటిగా, మీ EMIని సంవత్సరానికి కనీసం ఒక్కసారి అయినా పెంచండి. ఉదాహరణకి మీరు ₹50 లక్షల లోన్ తీసుకుని, 25 ఏళ్లకు 8.5% వడ్డీతో ఉంటే, నెలకు సుమారు ₹40,000 EMI ఉంటుంది. మీరు ప్రతి సంవత్సరం 7.5% చొప్పున EMI పెడితే, 25 ఏళ్ల లోన్‌ను కేవలం 10 ఏళ్లలో పూర్తి చేయవచ్చు. ఇది వడ్డీ మొత్తాన్ని కూడా బాగా తగ్గిస్తుంది.
[news_related_post]మీ వద్ద అదనంగా డబ్బు ఉంటే, దానితో లంప్‌సమ్ పేమెంట్ చేయండి. ఇలా చెల్లించడమే కాదు, అవసరంలేని ఖర్చులను తగ్గించుకుని కూడా మీరు EMIకి మరింత డబ్బు కేటాయించవచ్చు. ఇది మీరు మామూలుగా ఎదుర్కొనే ఆర్థిక ఒత్తిడిని తక్కువ చేస్తుంది.
మరోవైపు, మార్కెట్లో ఇంట్రెస్ట్ రేట్‌ మార్పులు గమనించండి. ఎక్కడైనా తక్కువ వడ్డీ ఉన్న బ్యాంక్ దొరికితే, మీ లోన్‌ని అక్కడికి బ్యాలెన్స్ ట్రాన్స్‌ఫర్ చేసుకోండి. అలాగే, మీకు అవకాశం ఉంటే చిన్న కాలానికి హోమ్ లోన్ తీసుకోండి. EMI ఎక్కువగా ఉన్నా సరే, మీరు తక్కువ వడ్డీ చెల్లించి త్వరగా అప్పు తీరుస్తారు.
ఇంకొక ముఖ్యమైన విషయం – మీరు రెండవ ఆదాయ మార్గం కనుగొనాలి. చిన్న ఉద్యోగాలు, ఫ్రీలాన్స్ పనులు, లేదా చిన్న పెట్టుబడులు వేసి వచ్చే డబ్బుతో అదనంగా EMIలు చెల్లించండి. ఇలా చేస్తే మీరు ఏ లోన్ అయినా త్వరగా ముగించవచ్చు.
ఇక ఆలస్యం చేయకండి. ఈ స్మార్ట్ టిప్స్ ఫాలో అయితే, భారీ హోమ్ లోన్ భారంగా అనిపించదు. మీరు కూడా 10 ఏళ్లలో స్వంత ఇల్లు కల సాధించవచ్చు.
