తెలంగాణ ప్రభుత్వం ఒక పెద్ద శుభవార్త ప్రకటించింది. కనీస వేతనాలు పెంచుతామని ప్రకటించింది. కార్మికులకు త్వరలో ఈ వరం ప్రకటిస్తామని కార్మిక మంత్రి ప్రకటించారు. వివరాలు ఇలా ఉన్నాయి.
చాలీచాలని వేతనాలతో ఇబ్బంది పడుతున్న వారికి తెలంగాణ ప్రభుత్వం ఒక వరం ప్రకటించింది. కనీస వేతనాలను గణనీయంగా పెంచుతామని ప్రకటించింది. త్వరలోనే ప్రకటన చేస్తామని తెలంగాణ కార్మిక మంత్రి తెలిపారు. ఇప్పటికే మంత్రివర్గ ఉపసంఘాన్ని నియమించారు. నివేదిక వచ్చిన వెంటనే దీనిని అమలు చేస్తామని మంత్రి ప్రకటించారు.
సంగారెడ్డిలో జరిగిన ఇందిరా మహిళా శక్తి వేడుకల్లో మంత్రి గడ్డం వివేక్ పాల్గొని కీలక ప్రకటన చేశారు. ’12 సంవత్సరాలుగా రాష్ట్రంలో కనీస వేతనాలు పెంచలేదు. ప్రస్తుత రేట్ల ప్రకారం వేతనాలు పెంచాల్సిన అవసరం ఉందని ముఖ్యమంత్రి భావించారు. కనీస వేతనాలను పెంచే అంశాన్ని పరిశీలించడానికి ప్రభుత్వం ఒక మంత్రివర్గ ఉపసంఘాన్ని ఏర్పాటు చేసింది. ఈ కమిటీ త్వరలో తన నివేదికను సమర్పిస్తుంది. నివేదిక తర్వాత, కనీస వేతనాల పెంపుపై ప్రభుత్వం నిర్ణయం తీసుకుంటుంది’ అని గడ్డం వివేక్ వివరించారు.
[news_related_post]పాశమిలారంలోని సిగాచి ఇండస్ట్రీస్‌లో జరిగిన ప్రమాదంలో కార్మికులకు చాలా తక్కువ వేతనాలు చెల్లిస్తున్నారని తేలిందని గడ్డం వివేక్ అన్నారు. “సిగాచిలోని కార్మికులకు చాలా తక్కువ వేతనాలు చెల్లిస్తున్నారని ప్రభుత్వానికి తెలిసింది. ప్రభుత్వం ఇప్పుడు కనీస వేతనాల పెంపును ప్రకటించాలని యోచిస్తోంది” అని ఆయన వివరించారు. కోటీశ్వరులను సృష్టించడానికి తమ ప్రభుత్వం అవసరమైన అన్ని చర్యలు తీసుకుంటోందని ఆయన అన్నారు. ఇదే కార్యక్రమంలో పాల్గొన్న మరో మంత్రి దామోదర రాజనర్సింహ కీలక వ్యాఖ్యలు చేశారు. ఉమ్మడి ఆంధ్రప్రదేశ్‌లో అప్పటి ముఖ్యమంత్రి వైఎస్ రాజశేఖరరెడ్డి 25 పైసల వడ్డీ రుణాలను ప్రవేశపెట్టారని ఆయన గుర్తు చేసుకున్నారు. నల్లారి కిరణ్ కుమార్ రెడ్డి వడ్డీ లేని రుణ పథకాన్ని ప్రవేశపెట్టారని ఆయన అన్నారు. మహిళలు వ్యవస్థాపకులుగా మారడానికి ఇప్పుడు రూ. 20,000 కోట్ల రుణాలు ఇస్తున్నట్లు ఆయన వెల్లడించారు.
