SUV ప్రియులకు టయోటా నుంచి శుభవార్త. దాదాపు ప్రతి కార్ ప్రేమికుడి కల అయిన టయోటా ఫార్చ్యూనర్‌కి ఇప్పుడు చిన్న రేంజ్‌లో ఉన్న ఓ కొత్త బండి వచ్చేస్తోంది. ఇది అసలైన మినీ ఫార్చ్యూనర్ అని చెప్పొచ్చు. దీనిపేరు టయోటా ల్యాండ్ క్రూయిజర్ FJ. ఈ బండి త్వరలోనే అంతర్జాతీయ మార్కెట్లోకి రానుంది. భారత మార్కెట్లో ఎప్పుడు వస్తుందనేది ఇంకా క్లారిటీ ఇవ్వకపోయినా.. SUV సీన్‌ను మార్చేసే వాహనం ఇది అనే ఊహాగానాలు పెరిగిపోతున్నాయి.
2023లోనే మొదటి చూపు ఇచ్చిన మినీ ఫార్చ్యూనర్
ఈ మినీ SUVను టయోటా మొదటిసారిగా 2023లో టీజర్ రూపంలో చూపించింది. అప్పట్లో LC300, LC250 (ప్రాడో), 70 సిరీస్‌తో పాటు దీనిని కూడా చూపించారు. తర్వాత దీనికి “FJ” అనే పేరు పెట్టడంతోనే మార్కెట్లో హడావుడి మొదలైంది. ఇప్పుడు మళ్లీ ఈ బండి లాంచ్ కు దగ్గరగా వచ్చిందన్న అంచనాలు వినిపిస్తున్నాయి.
రఫ్ అండ్ టఫ్ డిజైన్.. క్లాస్‌తో పాటు మాస్‌కు నచ్చేలా
ల్యాండ్ క్రూయిజర్ FJ డిజైన్‌ను టయోటా ఇంకా పూర్తిగా బయటపెట్టలేదు. కానీ 2023లో విడుదల చేసిన టీజర్ పిక్ చూస్తే.. ఈ బండి చాలా బాక్సీ స్టైల్లో ఉంటుంది. ఇది సింపుల్‌గా ఒక రఫ్ అండ్ టఫ్ వాహనం అని అర్థమవుతోంది. మోడర్న్‌ LED లైటింగ్ సిస్టమ్ వాడారు. ఇది కారు లుక్‌ను మరింత ప్రీమియంగా మార్చుతుంది.
[news_related_post]హెవీ టైర్లు, గ్రౌండ్ క్లియరెన్స్ ఎక్కువగా ఉండడం వల్ల ఇది ఆఫ్ రోడ్ డ్రైవింగ్‌కు కూడా బాగానే పనికొస్తుంది. టెయిల్‌గేట్‌ మీద స్పేర్ వీల్ పెట్టడం వల్ల కారు లుక్ అద్భుతంగా కనిపిస్తుంది.
ఇంజిన్ శక్తి చూస్తే ఆశ్చర్యపోతారు
టయోటా ల్యాండ్ క్రూయిజర్ FJలో 2.7 లీటర్ పెట్రోల్ ఇంజిన్ ఉంటుంది. ఇది 161 bhp పవర్, 246 Nm టార్క్‌ను ఇచ్చే సామర్థ్యం కలిగి ఉంటుంది. ఈ ఇంజిన్‌కు 6-స్పీడ్ ఆటోమేటిక్ గేర్‌బాక్స్ జత చేశారు. అంతేకాదు, 4 వాహన చక్రాలకు సమంగా పవర్ పంపిణీ చేసే 4WD సిస్టమ్ ఇందులో ఉంటుంది. అంతర్జాతీయ మార్కెట్లలో హైబ్రిడ్ వెర్షన్ కూడా ఇచ్చే అవకాశం ఉందని సమాచారం.
భారత మార్కెట్లోకి ఎప్పుడు వస్తుంది?
ఇండియాలో టయోటా ఈ బండిని ఎప్పుడు విడుదల చేస్తుందనేది ఇంకా అధికారికంగా తెలియలేదు. కానీ SUVలకి మన దేశంలో చాలా డిమాండ్ ఉన్న సంగతి అందరికీ తెలుసు. ఇప్పటికే టయోటా ఫార్చ్యూనర్‌కు ఇక్కడే మాంచి ఫ్యాన్ బేస్ ఉంది. అలా చూస్తే.. ఈ మినీ ఫార్చ్యూనర్‌ను భారత్‌లో కూడా త్వరలోనే లాంచ్ చేసే అవకాశం ఉందని తెలుస్తోంది.
ధర ఎలా ఉంటుంది? ఎవరికి పోటీ ఇస్తుంది?
ఈ మినీ ఫార్చ్యూనర్ మధ్యతరగతి SUV సెగ్మెంట్‌లోకి వస్తుందని అంచనా. దాని ధర టయోటా ఫార్చ్యూనర్ కంటే తక్కువగా ఉండే అవకాశం ఉంది. లాంచ్ అయితే.. ఇది మహీంద్రా స్కార్పియో-N, టాటా హారియర్, MG హెక్టర్ వంటి బండీలకు పెద్ద పోటీగా మారవచ్చు. ఈ కారు ధర అంచనా ప్రకారం ₹25 లక్షల లోపే ఉండొచ్చని ఊహిస్తున్నారు.
ఎందుకు ఈ కారు స్పెషల్‌?
SUV అంటే మనకు ముందు వచ్చే పేరు టయోటా ఫార్చ్యూనర్. అదే స్థాయిలో మినీ సైజ్‌లో కానీ అధిక పనితీరు, డిజైన్, పవర్‌తో కూడిన వాహనాన్ని కొనాలనుకునేవారికి ఈ మినీ ఫార్చ్యూనర్ బెస్ట్ ఆప్షన్ అవుతుంది. దీని లుక్, ఫీచర్స్, డ్రైవింగ్ ఎక్స్‌పీరియన్స్ అన్నీ కూడా వన్ క్లాస్ హయ్యర్‌ లాగే ఉంటాయి.
కానుక మిస్ అవ్వకండి
ఈ బండి లాంచ్ అయితే, మార్కెట్లో భారీ డిమాండ్‌కు కారణమవుతుంది. అందుకే ఎవరైనా SUV కొనాలని చూస్తుంటే.. కొంచెం టైమ్ వేచి చూసి ఈ మినీ ఫార్చ్యూనర్ రాక కోసం ఎదురు చూడడం మంచిదే. ఫీచర్లు, డిజైన్, బ్రాండ్ విలువను బట్టి చూస్తే.. ఇది బండీ ప్రేమికుల కలలు నెరవేర్చే వాహనం అవుతుంది.
ఇప్పుడు టయోటా అధికారిక ప్రకటన ఇవ్వగానే.. ఇది మళ్లీ హాట్ టాపిక్ అవుతుంది. మీరు SUV ప్రియులైతే ఈ బండి మీద కన్ను పెట్టుకోవడమే బెస్ట్!
