Acer నుంచి వచ్చిన కొత్త Aspire Go 14 (2025 మోడల్) ఇప్పుడు భారతదేశంలో లాంచ్ అయ్యింది. ఇది Acer ఇప్పటివరకు విడుదల చేసిన బడ్జెట్ AI ల్యాప్‌టాప్‌లలో అతి తక్కువ ధరలో వచ్చినవాటిలో ఒకటి. ఈ ల్యాప్టాప్ ధర ₹59,999తో ప్రారంభమవుతోంది. ఒకవైపు బరువు తక్కువగా ఉంటుంది, మరోవైపు దాని డిజైన్ ప్రీమియం ఫీల్ ఇస్తుంది. చదువుతున్న విద్యార్థులకు, ఉద్యోగులకి ఇదొక సరైన ల్యాప్టాప్.
Aspire Go 14 2025 ల్యాప్టాప్ 14-అంగుళాల స్క్రీన్‌తో వస్తోంది. ఇది WUXGA IPS టచ్‌స్క్రీన్ డిస్‌ప్లే కలిగి ఉంటుంది. స్క్రీన్ అనేది 16:10 ఆస్పెక్ట్ రేషియోతో వస్తుంది, అంటే వెబ్సైట్లు, డాక్యుమెంట్స్ ఎక్కువ లైన్‌లతో కనబడతాయి. బరువు కేవలం 1.5 కిలోలే. మందం కూడా కేవలం 17.5mm. అంటే బ్యాగ్‌లో వేసుకుంటే అసలు భారం అనిపించదు. అల్యూమినియం మెటల్ కవర్‌తో వస్తుండటంతో ల్యాప్టాప్ చాలా ప్రీమియంగా కనిపిస్తుంది.
ఈ ల్యాప్‌టాప్‌లో Intel Core Ultra 7 H-సిరీస్ ప్రాసెసర్‌తో పాటు Intel Arc గ్రాఫిక్స్ ఉంటాయి. అంటే మీరు విండోస్‌లో ఏ యాప్స్ అయినా స్మూత్‌గా రన్ చేయవచ్చు. వీడియో ఎడిటింగ్, లైట్ గేమింగ్, మల్టీటాస్కింగ్ కూడా ఈ సిస్టమ్‌లో సులభమే. AI ఆధారిత పనుల కోసం Intel AI Boost NPU కూడా ఇందులో ఇవ్వబడింది. దీని వల్ల AI ఆధారిత ఫీచర్లు వేగంగా మరియు స్మార్ట్‌గా పనిచేస్తాయి.
[news_related_post]Aspire Go 14 ల్యాప్టాప్ 32GB వరకు DDR5 RAM సపోర్ట్ చేస్తుంది. అంటే ఒకేసారి Zoom, Chrome, Excel, Photoshop అన్నీ ఓపెన్ చేసినా ల్యాప్‌టాప్‌కు ఒత్తిడి రాదు. దీనితో పాటు 1TB PCIe Gen 3 SSD ఉంటుంది. ఇందులో డేటా సేవ్ చేయడమేగాక, స్పీడ్‌గా ఓపెన్ చేయడానికి చాలా ఉపయోగపడుతుంది. Windows 11 కూడా ఇన్‌స్టాల్‌ అయ్యే ఫోర్మాట్‌లో వస్తుంది. ఇది కొత్త ఫీచర్లతో, స్మూత్ యూజర్ ఎక్స్‌పీరియన్స్ ఇస్తుంది.
Aspire Go 14లో ప్రత్యేకంగా Microsoft Copilot కోసం డెడికేటెడ్ key ఉంటుంది. దీనితో మీరు మీ ఫైల్‌లను summarize చేయవచ్చు, వాయిస్ లేదా టైప్ ద్వారా స్మార్ట్ సెర్చ్ చేయవచ్చు. ఇది ముఖ్యంగా విద్యార్థులు, కంటెంట్ క్రియేటర్లకు చాలా ఉపయోగపడుతుంది. అయితే, ఇందులో Fingerprint సెన్సార్ లేదా ఫాస్ట్ ఛార్జింగ్ ఉండదన్నదే ఒక మైనస్ పాయింట్.
Aspire Go 14లో కనెక్టివిటీ కూడా కొత్తగా ఉంటుంది. ఇందులో Wi-Fi 6, Bluetooth 5.2 వంటి టెక్నాలజీలు ఉన్నాయి. వెబ్‌కామ్ కూడా ఉంది – HD క్వాలిటీతో పాటు ప్రైవసీ షట్టర్ ఉంది. రెండు USB Type-A పోర్ట్స్, రెండు USB Type-C పోర్ట్స్ (వాటిలో ఒకటి DisplayPort + Power Delivery సపోర్ట్ చేస్తుంది), RJ45 ఈథర్నెట్ పోర్ట్ కూడా ఉన్నాయి. అంటే మీరు ఇంటర్నెట్, ప్రాజెక్టర్, పెన్ డ్రైవ్, మానిటర్ – ఏదైనా కనెక్ట్ చేయొచ్చు.
Aspire Go 14లో 55Wh బ్యాటరీ ఉంటుంది. ఇది సాధారణ వాడకానికి డే పాటు బ్యాకప్ ఇస్తుంది. ఛార్జింగ్ కోసం 65W USB-C ఛార్జర్ ఉంటుంది. ఇది స్టేబుల్ ఛార్జింగ్ స్పీడ్ ఇస్తుంది కానీ, వేగంగా పూర్తిగా ఛార్జ్ కావాలంటే ఇంకొంచెం సమయం పట్టే అవకాశం ఉంది.
ఈ ల్యాప్టాప్ ₹59,999కే లాంచ్ అయ్యింది. మీరు Acer Exclusive స్టోర్లలో, Acer అధికారిక వెబ్‌సైట్‌లో లేదా Amazon.in లాంటి ఈ-కామర్స్ వెబ్‌సైట్లలో కొనుగోలు చేయొచ్చు. ఈ ధరలో ఇంత RAM, SSD, AI ఫీచర్లు రావడం అనేది నిజంగా గొప్ప విషయం. చాలామంది విద్యార్థులు, వర్క్ ఫ్రం హోం ఉద్యోగులు దీన్ని కొనుగోలు చేయడం ప్రారంభించారు.
Acer నుంచి మరో ప్రోడక్ట్ కూడా వచ్చింది – Iconia Tab iM11. ఇది Android 14 టాబ్లెట్. దీంట్లో 11.45-ఇంచ్ 2.2K డిస్‌ప్లే, Helio G99 ప్రాసెసర్, 8GB RAM, 256GB స్టోరేజ్ ఉంటుంది. 7400mAh బ్యాటరీతో పాటు 16MP వెనుక కెమెరా, 8MP సెల్ఫీ కెమెరా, 4 స్పీకర్ల సపోర్ట్ కూడా ఉంటుంది. ఇది 4G LTE, Wi-Fi, Bluetooth 5.2 సపోర్ట్ చేస్తుంది.
Aspire Go 14 2025 మోడల్ చూస్తే ఇది మధ్య తరగతి విద్యార్థులకూ, ఉద్యోగులకూ ఒక బంగారు అవకాశమనే చెప్పాలి. ఇందులో RAM, SSD, స్క్రీన్, డిజైన్ అన్నీ పర్ఫెక్ట్‌గా ఉన్నాయి. ముఖ్యంగా AI Copilot ఫీచర్ దేన్నైనా హైలైట్ చేయాలి. మీరు కొత్త ల్యాప్టాప్ కోసం వెయిట్ చేస్తున్నారా? అయితే Acer Aspire Go 14 మీదే మీ దృష్టి పెట్టండి – ఎందుకంటే ఇది త్వరలో స్టాక్ అవుట్ అవ్వనుంది.
