Oppo Find N5 ఫోన్ గతంలో వచ్చినప్పుడు, అందరూ దీన్ని మెచ్చుకున్నారు. ఎందుకంటే అది చాలా స్లిమ్‌గా, లైట్‌గా ఉండి, ప్రీమియం ఫీచర్లతో కూడి వచ్చిన ఫోల్డబుల్ ఫోన్. ఇప్పుడు Oppo మళ్ళీ అదే స్థాయిలో Find N6 తీసుకురావడానికి సిద్ధంగా ఉంది. దీనిపై ప్రముఖ లీక్‌స్టర్ అయిన డిజిటల్ చాట్ స్టేషన్ కొన్ని ఆసక్తికర విషయాలు బయటపెట్టింది.
లీక్ ప్రకారం Oppo Find N6 ని 2026 మొదటి త్రైమాసికంలో లాంచ్ చేయబోతున్నట్టు సమాచారం. గత సంవత్సరం Find N5 ని ఫిబ్రవరిలో తీసుకొచ్చిన Oppo, అదే పద్ధతిని ఈసారి కూడా కొనసాగించే అవకాశముంది. అంటే ఫిబ్రవరి 2026లో Find N6 రిలీజ్ అయ్యే అవకాశం ఉంది. ఇది 2026లో లాంచ్ అయ్యే మొదటి మేజర్ ఫోల్డబుల్ ఫోన్ అయ్యే అవకాశం ఉంది.
Find N5 8.93mm మాత్రమే మందం ఉండి, అప్పట్లోనే ప్రపంచంలోనే అతి సన్నగా ఉండే ఫోల్డబుల్‌గా పేరు తెచ్చుకుంది. కానీ ఇప్పుడు Honor Magic V5 ఆ రికార్డ్ బ్రేక్ చేసింది. దీన్ని తిరిగి దక్కించుకునేందుకు Oppo Find N6 ని మరింత సన్నగా, తక్కువ బరువుతో తయారు చేస్తోంది. అంటే మళ్లీ ఫోల్డబుల్ డిజైన్‌లో Oppoకి క్రౌన్ వచ్చే అవకాశం ఉంది.
[news_related_post]Oppo ఎప్పుడూ డిస్‌ప్లేపై ప్రత్యేక శ్రద్ధ పెట్టే బ్రాండ్. Find N5 లో 8.12 అంగుళాల OLED ఫోల్డబుల్ స్క్రీన్ వచ్చింది. Find N6 లో దీన్ని మించిన బ్రైట్నెస్, ఫ్రెష్ రేట్, స్క్రీన్ డ్యూరబిలిటీ కనిపించబోతున్నాయన్న అంచనాలు ఉన్నాయి. అందంగా ఉండే స్క్రీన్‌తో పాటు దీర్ఘకాలం పనిచేసేలా తయారు చేస్తారు.
Find N5 లో 5,600mAh పెద్ద బెటరీ, 80W ఫాస్ట్ ఛార్జింగ్, 50W వైర్‌లెస్ ఛార్జింగ్ ఉన్నాయి. Oppo Find N6 లో అంతకన్నా మెరుగైన ఛార్జింగ్ సాంకేతికత వస్తుందన్న టాక్ ఉంది. అలాగే ఫోన్ IPX6, IPX8, IPX9 వాటర్ రెసిస్టెన్స్ కూడా కలిగి ఉండబోతుంది – ఇది ఫోల్డబుల్ మార్కెట్‌లో అరుదైన విషయం.
గత సంవత్సరం Find N5 లో Snapdragon 8 Elite చిప్ మొదటిసారిగా కనిపించింది. Find N6 లో Snapdragon 8 Elite 2 ప్రాసెసర్ ఉపయోగించే అవకాశం ఉంది. ఇది మరింత వేగంగా, పవర్ ఎఫిషియంట్‌గా, AI మరియు గ్రాఫిక్స్ పనితీరులో అసాధారణంగా పనిచేసేలా తయారవుతుంది. మొబైల్ మల్టీటాస్కింగ్, ప్రొడక్టివిటీ కోసం ఇది పెద్ద అప్‌గ్రేడ్ అవుతుంది.
Find N6 ప్రీమియం లుక్ మాత్రమే కాదు. ఇది నిజంగా 2026లో ఫోల్డబుల్ టెక్నాలజీకి బెంచ్‌మార్క్ సెట్ చేయబోతుంది. స్క్రీన్ క్వాలిటీ, స్లిమ్ బిల్డ్, బెటరీ బ్యాకప్, నెక్ట్స్ జనరేషన్ ప్రాసెసింగ్, వాటర్ రెసిస్టెన్స్ వంటి అంశాల్లో ఇది Find N5 కన్నా రెండు మెట్లు ముందే ఉండబోతుంది.
ఇంకా అధికారికంగా ఏ సమాచారం ఇవ్వకపోయినా, ఈ లీకులు చూస్తే Oppo Find N6 కోసం అభిమానులు ఎదురు చూస్తున్నారు. మీరు కూడా ఫోల్డబుల్ ఫోన్ కొనాలనుకుంటే, ఇంకొంచెం వెయిట్ చేయడం మంచిది. ఎందుకంటే Oppo Find N6, 2026 మొదటి త్రైమాసికంలో రాబోతున్న సరికొత్త ఫోల్డబుల్ కింగ్ అవ్వబోతుంది…
Find N5 ఫోన్ దాదాపు ₹1,10,000 ప్రారంభ ధరతో వచ్చింది. Find N6 మాత్రం మరింత అప్‌గ్రేడ్ కావడం వల్ల ₹1,20,000 – ₹1,30,000 రేంజ్‌లో ఉండే అవకాశం ఉంది. కానీ మీరు నిజంగా స్లిమ్, ఫాస్ట్, ప్రీమియం ఫోల్డబుల్ కోసం వెయిట్ చేస్తుంటే – ఇది ఓసారి బడ్జెట్ మించి వెళ్లినా, అది నష్టంగా అనిపించదు.
2026లో ఫోల్డబుల్ ఫోన్ కొనాలనుకుంటే, Oppo Find N6 గురించి ఎంతో వినిపించబోతుంది. ఇది డిజైన్, ఫీచర్లు, పనితీరు, డ్యూరబిలిటీ – అన్నింటిలోనూ అగ్రస్థానంలో నిలవడానికి సిద్ధమవుతోంది. ఒకసారి ఇది లాంచ్ అయితే, మార్కెట్‌లో దుమ్ము రేపడం ఖాయం…
