Postal Ballots:అది లేకున్నా చెల్లుతుంది.. పోస్టల్ బ్యాలెట్ పై ఎన్నికల సంఘం కీలక సూచన..

ఈ మేరకు అన్ని జిల్లాల అధికారులకు EC ముఖేష్ కుమార్ మీనా మార్గదర్శకాలను పంపారు. RO సంతకంతో కూడిన పోస్టల్ బ్యాలెట్‌లు చెల్లుతాయి. ‘ఫారం 13a’ పై అన్ని వివరాలతో పాటు RO సంతకం చేయాలి. అలా అయితే, Seal లేకపోయినా బ్యాలెట్ చెల్లుబాటు అవుతుంది. RVO సంతకంతో పాటు, బ్యాలెట్ ధ్రువీకరించే రిజిస్టర్తో సరిపోల్చుకోవాలి. ఓటరు, RVO సంతకం మరియు బ్యాలెట్ క్రమ సంఖ్య లేకుంటే ఫారం 13A తిరస్కరించబడవచ్చు. అలాగే, నిబంధనల ప్రకారం పోస్టల్ బ్యాలెట్ పేపర్‌లో ఓటు నమోదు కాకపోయినా, ఓటును తిరస్కరించవచ్చు. మరోవైపు జూన్ 4న ఎన్నికల కౌంటింగ్ కు ఏర్పాట్లు పూర్తి చేస్తున్న అధికారులు.. కౌంటింగ్ కేంద్రాల వద్ద మూడంచెల భద్రతా ఏర్పాట్లు చేస్తున్నారు.

కేంద్ర బలగాలు, స్థానిక పోలీసులు సమన్వయంతో భద్రతను పర్యవేక్షిస్తారని, కేంద్రాల్లోని సీసీ కెమెరాలను నిరంతరం పర్యవేక్షించాలన్నారు. జిల్లాల్లోని అన్ని కౌంటింగ్ కేంద్రాలను అధికారులు తనిఖీలు చేస్తున్నారు. కేంద్రాల వద్ద హైస్పీడ్‌ ఇంటర్నెట్‌, టేబుల్స్‌ నిర్వహణ, ఇతర సౌకర్యాలు ఏర్పాటు చేయాలని సీఈవో ఎంకే మీనా అధికారులను ఆదేశించారు. కౌంటింగ్‌కు హాజరయ్యే సిబ్బంది, అధికారులు, ఏజెంట్లు, నియోజకవర్గ అభ్యర్థులకు అల్పాహారం, మధ్యాహ్న భోజనం, మంచినీరు, ఇతర సౌకర్యాలు ఏర్పాటు చేయాలని ఆదేశించారు. కౌంటింగ్ కేంద్రం లోపలికి సెల్‌ఫోన్లకు అనుమతి లేదు. వీటిని భద్రపరిచేందుకు ప్రతి కేంద్రంలో ప్రత్యేక సెల్‌ను ఏర్పాటు చేయనున్నారు.\

[news_related_post]