మాజీ మంత్రి కొడాలి నానిని పోలీసులు అరెస్టు చేసినట్లు తెలుస్తోంది. ఆయన కోల్‌కతా నుంచి కొలంబోకు వెళుతుండగా విమానాశ్రయ పోలీసులు ఆయనను అదుపులోకి తీసుకున్నట్లు సమాచారం.
ఏపీలో నమోదైన కేసులో కొడాలి నానిపై లుక్అవుట్ నోటీసులు జారీ చేసిన విషయం తెలిసిందే. కొడాలి నానిని కోల్‌కతా విమానాశ్రయంలో ఆపి అదుపులోకి తీసుకున్నట్లు తెలుస్తోంది. పూర్తి సమాచారం ఇంకా తెలియాల్సి ఉంది.
ఇదిలా ఉండగా, తీవ్ర అనారోగ్యం కారణంగా కొడాలి నాని కొన్ని రోజులు హైదరాబాద్‌లో చికిత్స పొందారు. తరువాత ముంబై ఏషియన్ హార్ట్ కేర్ సెంటర్‌లో చేరారు. ఆ తర్వాత ఆయనకు గుండె శస్త్రచికిత్స జరిగింది. ఆయన ముంబైలో ఉన్నారని, త్వరలోనే రాష్ట్రానికి తిరిగి వస్తారని వైసీపీ నాయకులు తెలిపారు. అయితే, ఆయన కోల్‌కతాకు వెళ్లడానికి ప్రయత్నించినట్లు తెలుస్తోంది.
Related Posts
ఇదిలా ఉండగా, జగన్ ప్రభుత్వ హయాంలో మంత్రిగా పనిచేసిన కొడాలి నాని రెచ్చగొట్టే విధంగా మాట్లాడేవారు. ప్రతిపక్ష నాయకులను దుర్భాషలాడేవారు. దీంతో అప్పట్లో ఆయనపై తీవ్ర వ్యతిరేకత వచ్చింది. సంకీర్ణ ప్రభుత్వం అధికారంలోకి వచ్చిన తర్వాత, రాష్ట్రంలోని వివిధ ప్రాంతాల్లో ఆయనపై చాలా మంది ఫిర్యాదులు చేశారు. ఫలితంగా, పోలీసులు ఆయనపై కేసులు నమోదు చేసి దర్యాప్తు చేస్తున్నారు. గత కొంతకాలంగా కొడాలి నాని రాష్ట్రంలో లేకపోవడంతో, పోలీసులు అతనిపై లుక్అవుట్ నోటీసులు జారీ చేశారు. ఈ మేరకు దేశంలోని అన్ని విమానాశ్రయాలకు సమాచారం అందించారు. ఇందులో భాగంగా ఇటీవల కొడాలి నానిని కోల్‌కతా విమానాశ్రయంలో అదుపులోకి తీసుకున్నట్లు తెలుస్తోంది.
