ఈ రోజుల్లో ఫోన్ లేకుండా మన జీవితం పూర్తవదు. మనం ఎక్కడికి వెళ్ళినా, ఫోన్ మనతో పాటు వస్తుంది. ఇందులో మన ఫొటోలు, మెసేజ్‌లు, బాంకింగ్ యాప్‌లు, పాస్వర్డులు అన్నీ ఉండిపోతాయి. ఇవన్నీ మన వ్యక్తిగత రహస్యాలు. అందుకే మనం ఫోన్‌ను లాక్ చేసేస్తాం, యాప్‌లకు పాస్‌కోడ్ పెడతాం, కొంతమందైతే గుట్టుగా ఫోల్డర్లు కూడా దాచేస్తారు.
కానీ మనం ఎంత జాగ్రత్త పడినా, హ్యాకర్లు ఒక మార్గం వెతుక్కుంటారు. మీ ఫోన్‌ను హ్యాక్ చేస్తే లోపల ఉన్న ప్రతి సమాచారం వాళ్ల చేతుల్లోకి వచ్చేస్తుంది. మీరు పంపిన మెసేజ్‌లు, మిగతా వాళ్లతో జరిపిన ప్రైవేట్ చాటింగ్‌లు, మీ ఫొటోలు, బాంక్ అకౌంట్ వివరాలు… ఇవన్నీ దొరకిపోతాయి.
హ్యాకింగ్ జరిగితే మీకేమైనా తెలిస్తుందా?
ఇదే అసలు భయంకరమైన విషయం. ఫోన్ హ్యాక్ అయితే, చాలా సార్లు మనకు తెలియకపోవచ్చు. కొంతమంది హ్యాకర్లు మీ ఫోన్‌లో ఉన్న కెమెరా, మైక్రోఫోన్‌ను కూడా నిశ్శబ్దంగా ఆన్ చేసి, మీరు ఏమి మాట్లాడుతున్నారు, ఎక్కడ ఉన్నారు అన్నది చూస్తుంటారు. ఇది వింటే గుండె గుబురుమంటుంది. అయితే మంచి విషయం ఏమిటంటే, కొన్ని సంకేతాలు మాత్రం మనకు ముందే హెచ్చరిస్తాయి. ఆలోపల మనం జాగ్రత్త పడితే ప్రమాదం తప్పించుకోవచ్చు.
[news_related_post]ఆండ్రాయిడ్ ఫోన్‌లలో కనిపించే పచ్చ బొట్టు
మీరు ఆండ్రాయిడ్ మొబైల్ వాడుతున్నట్లయితే, మీ స్క్రీన్ ఎడమ భాగం పైన చిన్న పచ్చ రంగు బొట్టు కనిపిస్తుంటుంది. ఇది మీరు మైక్రోఫోన్ లేదా కెమెరా వాడుతున్నప్పుడు మాత్రమే వస్తుంది. కానీ మీరు వాటిని ఉపయోగించకపోయినా ఆ బొట్టు కనిపిస్తే…అదే అసలు ప్రమాదానికి సంకేతం. ఎవరో మీ ఫోన్‌ను దొంగగా యాక్సెస్ చేస్తున్నారన్నది ఇది చూపిస్తుంది.
ఆండ్రాయిడ్ ఆపరేటింగ్ సిస్టమ్‌లో ఈ ఫీచర్‌ను సెక్యూరిటీ కోసం పెట్టారు. ఫోన్ ఏ యాప్ మైక్ లేదా కెమెరా వాడుతున్నదో చూపించేందుకు ఇది ఉపయోగపడుతుంది. మీరు వీడియో కాల్ లేదా వాయిస్ సర్చ్ వాడుతుంటే ఈ పచ్చ బొట్టు కనిపించటం సాదారణం. కానీ మీరేం వాడకపోయినా కనిపిస్తే, అది హ్యాకింగ్ జరగడం ప్రారంభమైనదన్న సంకేతం.
పచ్చ బొట్టు అంటే ఏమిటి? ఎలా గుర్తించాలి?
మీరు ఫోన్‌ను చూస్తున్నప్పుడు స్క్రీన్ పైన లేదా నోటిఫికేషన్ బార్ దగ్గర చిన్న పచ్చ బొట్టు కనిపిస్తే, ఏదో యాప్ మీ మైక్ లేదా కెమెరాను వాడుతోంది అన్నది అర్థం. అది మీకు తెలియకుండా బ్యాక్‌గ్రౌండ్‌లో జరుగుతుంటుంది. కొన్నిసార్లు మీరు డౌన్లోడ్ చేసిన కొన్ని యాప్‌లు ఇది చేస్తుంటాయి. కానీ అవి మీకు తెలిసినవి కాకుండా ఉండి, అనుమానాస్పదంగా పనిచేస్తుంటే వెంటనే తొలగించాలి.
మీ ప్రైవసీని కాపాడుకునే టిప్స్
ప్రతీ రెండు రోజులకు ఒకసారి మీ ఫోన్‌లో ఉన్న యాప్‌లను స్కాన్ చేయండి. అవసరం లేని యాప్‌లు డిలీట్ చేయండి. ఫోన్‌కి సాఫ్ట్‌వేర్ అప్డేట్ వస్తే వెంటనే అప్డేట్ చేయండి. నాన్-ప్లే స్టోర్ లేదా తృతీయపక్ష వేదికల నుంచి యాప్‌లు డౌన్లోడ్ చేయవద్దు. యాప్‌లు ఏ అనుమతులు అడుగుతున్నాయో పక్కాగా చూసుకుని అంగీకరించండి. మైక్రోఫోన్, కెమెరా, లొకేషన్ అనుమతులు అవసరం లేనప్పుడు అన్‌చెక్ చేయండి.
మరొక ముఖ్యమైన విషయం – ఫోన్‌కి యాంటీవైరస్ లేదా సెక్యూరిటీ యాప్‌ను పెట్టుకోవడం మంచిది. ఇవి పక్కాగా పర్యవేక్షణ చేస్తాయి. మీకు తెలియకుండా ఏ యాప్ దొంగలా వ్యవహరిస్తే వెంటనే హెచ్చరిస్తాయి.
చివరిగా – ఫోన్ మీతో మాట్లాడుతోంది… వినండి.
మీ ఫోన్‌లో కనిపించే చిన్న చిన్న సిగ్నల్స్‌ ను విస్మరించకండి. పచ్చ బొట్టు కనిపించడం, బ్యాటరీ త్వరగా తగ్గిపోవడం, ఫోన్ వేడెక్కడం – ఇవన్నీ హ్యాకింగ్ జరుగుతోందన్న సూచనలు కావచ్చు. అలాంటప్పుడు వెంటనే స్పందించండి. అనుమానాస్పద యాప్‌లను డిలీట్ చేయండి. అవసరమైతే ఫోన్‌కి ఫ్యాక్టరీ రీసెట్ చేయండి.
ఈ చిన్న హెచ్చరిక మీ ప్రైవసీని రక్షించగలదు. అందుకే అప్రమత్తంగా ఉండండి, అపాయం నుంచి ముందే తప్పించుకోండి. మీరు జాగ్రత్త పడితే, మీ వ్యక్తిగత జీవితం సురక్షితంగా ఉంటుంది.
మీరు దీన్ని పంచుకుంటే, ఇంకెవరికైనా ఈ సమాచారం ఉపయోగపడుతుంది. ఎందుకంటే, పచ్చ బొట్టు ఇప్పుడు మనకున్న పెద్ద హెచ్చరిక..
