ఈ రోజుల్లో యువత ఉద్యోగం మొదలుపెట్టిన దగ్గర నుంచే భవిష్యత్తు గురించి ఆలోచిస్తోంది. కానీ ఎప్పుడూ ఫోకస్‌ ఎక్కువగా షార్ట్‌టర్మ్ గోల్స్‌పైనే ఉంటోంది. లాంగ్‌టర్మ్ ఫైనాన్షియల్ ప్లానింగ్ అయితే కొంచెం పక్కన పడుతోంది. ఇది చాలా ప్రమాదకరం. ఎందుకంటే మన వయస్సు పెరిగే కొద్దీ ఖర్చులు పెరుగుతాయి. ఆదాయం తగ్గుతుంది. అలాంటప్పుడు మనం ముందే డబ్బును సేఫ్‌గా పెట్టుబడి పెట్టకపోతే.. తర్వాత ఒత్తిడికి లోనవ్వాల్సి వస్తుంది.
ఇలాంటి పరిస్థితులను ముందుగానే సమర్థవంతంగా తట్టుకోవాలంటే ఒకే ఒక సూపర్ పథకం ఉంది. అదే పబ్లిక్ ప్రావిడెంట్ ఫండ్ అంటే PPF. ఇది ప్రభుత్వ హామీతో పనిచేసే ఒక పొదుపు పథకం. దీర్ఘకాలిక పెట్టుబడి చేయాలనుకునే యువ ఉద్యోగులకు ఇది ఓ వరం లాంటిది.
మీరు ఉద్యోగంలోకి చేరిన తర్వాత మొదటి నాలుగు నుంచి ఐదు సంవత్సరాల్లో మీరు ఆర్థికంగా నిలబడతారు. తర్వాత జీతం కూడా మెరుగవుతుంది. ఈ సమయంలో మీకు రాబోయే జీవితాన్ని బలంగా తీర్చిదిద్దే పెట్టుబడి ఎంపిక అవసరం. అలాంటి ఎంపికే PPF. ఇది సురక్షితంగా ఉండటమే కాదు, పెద్ద మొత్తంలో నిధిని కూడా సృష్టించగలదు. పైగా ఇందులో సంపాదించిన వడ్డీపై ఎటువంటి పన్ను ఉండదు. దీని వల్ల మీరు సంపూర్ణ లాభాన్ని పొందగలుగుతారు.
[news_related_post]PPF పథకంలో ఖాతా ఓపెన్ చేయగానే మీరు సంవత్సరానికి గరిష్టంగా ₹1.5 లక్షలు డిపాజిట్ చేయవచ్చు. దీనికి 15 సంవత్సరాల పరిపక్వత కాలం ఉంటుంది. అయితే మీరు దాన్ని ఐదు సంవత్సరాల చొప్పున రెండుసార్లు పొడిగించుకోవచ్చు. అంటే మొత్తంగా 25 సంవత్సరాలు దీన్ని కొనసాగించవచ్చు. ఇది మీరు ఉద్యోగ జీవితాంతం నిర్వహించగలగేలా ఉంటుంది.
ఒక ఉదాహరణ చూస్తే మీకు అర్థమవుతుంది. మీరు 28 సంవత్సరాల వయసులో ఈ పథకంలో ఖాతా ప్రారంభించి, ప్రతి సంవత్సరం ₹1.5 లక్షలు డిపాజిట్ చేస్తే, 15 సంవత్సరాలలో మీరు ₹22.5 లక్షలు డిపాజిట్ చేస్తారు. దీనికి ప్రస్తుత 7.1% వడ్డీ రేటు వర్తిస్తే, 15 ఏళ్ల తర్వాత మీకు మొత్తం ₹40.68 లక్షల నిధి సిద్ధమవుతుంది.
మీరు దీన్ని ఇంకో 10 సంవత్సరాలు (ఐదు సంవత్సరాల చొప్పున రెండు సార్లు) పొడిగిస్తే, మొత్తం పెట్టుబడి ₹37.5 లక్షలు అవుతుంది. అదే సమయంలో మీ నిధి ₹1.02 కోట్లకు చేరుతుంది. ఇది ప్లాన్ చేసినవారికి మాత్రమే సాధ్యమయ్యే నిజమైన విజయమార్గం.
PPF పథకం అందించే లాభాలు వినగానే ఆశ్చర్యపోతారు. మొదటిగా ఇందులో మీరు చేసే పెట్టుబడికి పన్ను మినహాయింపు లభిస్తుంది. అదే సమయంలో మీరు పొందే వడ్డీపై కూడా పన్ను లేదు. మీరు రిటైర్మెంట్‌కు ముందు లేదా తర్వాత ఈ మొత్తాన్ని వాడుకోవచ్చు. ముఖ్యంగా వృద్ధాప్యంలో నెలవారీ ఆదాయం లేని సమయంలో ఇది బలమైన అండగా నిలుస్తుంది.
మీరు 25 సంవత్సరాల తర్వాత ₹1 కోటి నిధిని నిర్మించాక, దానిని టచ్ చేయకుండా ప్లాన్‌ను కొనసాగిస్తే, వార్షికంగా ₹7,31,300 వడ్డీ వస్తుంది. ఇది నెలకు సుమారుగా ₹60,000 అవుతుంది. ఈ మొత్తం పన్ను రహితం కావడం ప్రత్యేకత. మీరు ప్రతి సంవత్సరం ఒక్కసారిగా దీనిని ఉపసంహరించుకోవచ్చు. లేదా నెలకు ఒకసారి తీసుకోవచ్చు. ఇది పూర్తిగా మీ అవసరాలపై ఆధారపడి ఉంటుంది.
ఇప్పటివరకూ చదివినంతలో మీకు అర్థమై ఉండొచ్చు – PPF కేవలం ఒక పొదుపు పథకం కాదు. ఇది మీ జీవితంలోని భద్రతను నిర్మించే సాధనంగా మారుతుంది. దీనిని తొందరగా ప్రారంభించితేనే దీర్ఘకాలంలో పెద్ద లాభాలు పొందవచ్చు. ఆలస్యం చేసిన ప్రతీ సంవత్సరం, మీకు నష్టమే.
కాబట్టి మీ వయస్సు ఇప్పుడే 23 నుండి 30 మధ్యలో ఉంటే, ఇంకెందుకు ఆలస్యం? వెంటనే PPF ఖాతా ఓపెన్ చేసి మీ భవిష్యత్‌కు బలమైన నిధిని నిర్మించండి. మీరు ఇప్పుడు తీసుకునే ఈ చిన్న నిర్ణయం.. రాబోయే జీవితం మొత్తాన్ని మారుస్తుంది…
