Swiggyపై పన్ను మోత
Swiggy స్టాక్ ఎక్స్ఛేంజ్ ఫైలింగ్‌లో వెల్లడించిన సమాచారం ప్రకారం, కంపెనీ ఆదాయానికి ₹158,25,80,987 అదనంగా చేర్చారు. ప్రధానంగా, ఇంకమ్ ట్యాక్స్ చట్టంలోని సెక్షన్ 37 కింద వ్యాపారులకు చెల్లించిన క్యాన్సలేషన్ ఛార్జీలు తిరస్కరించడం, ఇంకమ్ ట్యాక్స్ రీఫండ్‌పై వచ్చిన వడ్డీని ట్యాక్సబుల్ ఇన్‌కమ్‌లో చేర్చకపోవడం వంటి ఉల్లంఘనలకు సంబంధించి ఈ నోటీసు జారీ అయిందని కంపెనీ తెలిపింది.
Swiggy ఏమంటోంది?
Swiggy ఈ ఆర్డర్‌పై తమకు బలమైన వాదన ఉందని, అపీల్ దాఖలు చేయడం ద్వారా తమ హక్కులను రక్షించుకునేందుకు చర్యలు తీసుకుంటున్నామని తెలిపింది. ఈ ఆర్డర్ తమ ఆర్థిక వ్యవస్థపై పెద్దగా ప్రభావం చూపదని Swiggy చెబుతోంది. 2014లో ప్రారంభమైన ఈ సంస్థ ప్రస్తుతం భారతదేశంలో అతిపెద్ద ఆన్‌లైన్ ఫుడ్ డెలివరీ ప్లాట్‌ఫామ్‌లలో ఒకటిగా నిలిచింది.
Swiggy షేర్లకు భారీ దెబ్బ
2024 నవంబర్ 13న స్టాక్ ఎక్స్ఛేంజ్‌లో లిస్ట్ అయిన Swiggy గత మూడు నెలల్లో 38.88% మేర షేర్ విలువ కోల్పోయింది. మార్కెట్లోకి వచ్చినప్పటి నుండి కంపెనీ షేర్లు తీవ్రమైన ఒత్తిడిని ఎదుర్కొంటున్నాయి.
Related News
కంపెనీపై భారీ పన్ను బాదుడు, షేర్ల పతనం… Swiggy భవిష్యత్తు ఎలా ఉండబోతోంది? ఇన్వెస్టర్లకు ఇది గుడ్ న్యూస్ లేదా బ్యాడ్ న్యూస్? మీ అభిప్రాయాన్ని షేర్ చేయండి.
